فرامل 127 هتجننى

**magedm2007** · 25-02-2009 07:49 AM

صباح الفل انا عندى عربية 127 مو82 ومعدلها سيرفوا المهم الفرامل بتعتها هتجننى وهتجنن الميكانيكى كل اسبوع او اسبوعين نسحب هوا من الفرامل واقعد اكارك ومش عارف اخرتها اية مع العلم انى ماسح الطنابير الخلفية ومالى تيل فرامل خلفى ومغير مساتر خلفية ومغير الماستر العمومى ومغير التيل الامامى وبردة كل فترة البدال بلقية بينزل والفرامل بتكون ضعيفة جدا وامبارح رحت للميكانيكى قالى حلك انك تروح لواحد متخصص فى الفرامل عشان يعرف العيب فين بالضبط والنهاردة هحاول اروح لة هو اما السجل بتاع شهادات الميلاد اللى فى الوحدة بامبابة واسمة الليثى ياريت لوحد اتعامل معاة يقول هل كويس ولا لا وبالنسبة لموضوع الكشف على الفرامل هل مكلف ياريت تجوبونى يا اهل المنتدى الكرام وشكرا

**aYaBooY** · 25-02-2009 10:57 AM

لا مش مكلف عادي المفروض يبص عليها و يقولك ايه المشكلة
و يقولك هاتتكلف كام قطع غيار و مصنعية و لما بشتغل تدفع بس مفيش حاجة اسمها الكشف بكام
و عموما المشكلة عندك ممكن تكون في الخراطيم او جلب الماستر

**kefafy** · 25-02-2009 03:17 PM

السلام عليكم ورحمه اله وبركاته
حضرتك لو بتعرف تشتغل بايدك فى العربية هتعمل الاتى(بسيطة قوى وسهلة ولما تجب جرب على سرعات خفيفة وفى حتة فاضية لان انت بتلعب فى فرامل العربية )
بص حضرتك على السيرفو هتلاقى علية خزنة
الخزنة دى ممسوكة بمسمارين فى السيرفو
1-لو المسامير دى مش مربوطة كويس اساسا (يبقا تربطها وتجرب فراملك والعربية دايرة) لو اتظبطط وعليت معاك يبقا تمام
ولو متظبطتش يبقا فى حل تانى
2- حضرتك تفك المسمارين دول وتخلع الخزنة (بتاعة شبه الماسورة متركبة فى وسط السيرفو وطالع منها خرطومين رفييعين بتوع الزيت) هتلاقى تحت الخزنة بتاع عامل زى المسمار الطويل بيطول ويقصر بصمولة حسب طول الخزنة
جرب لف الصمولة دى لفتين تلاتة لحد متلاقية طول شوية وركبة زى مكان بظبط وبعد كدة ركب الخزنة وبعد كدة اربط الخزنة كويس بالمسمارين بتوعها
وإن شاء الله مش هتعمل معاك حاجة تانى