الموضوع: الكركره هتجننى

المشاركة الأصلية كتبت بواسطة hotride

ظبط تاكيهات ؟
ولة ظبط يبقي غير طقم سلوك بوجيهات و ان شاء الله المشكله هتتحل

بيتهيالى لو الموضوع تكهات يبقى الكركره على طول فى اى سرعه او غيار (90% التكهات تمام)
سلوك البوجيها انا جايب نوع انجليزى وبرضه نفس الموضوع

انا عندي العربيه كده برضو بس لاقيت ان العربيه وهي بارده مبتكركرش ولما تسخن بتكركر فهل ده ممكن يكون زي اللي عندك
يعني الموضوع لي علاقه بالسخونيه

المشاركة الأصلية كتبت بواسطة mrastra

اخى الكريم الكركرة يعنى عدم ظبط توقيت الاشعال
اوكى انت بتقول ان كل دايرة الكهرباء تمام بما فيهم بنزين 90 جربتة لان كلنا هانؤلك بنزين 80 بيعمل كركرة
لكن انت نسيت حاجة مهمة اوى
ظبط الاشعال لة عامل اخر وهو الكاتينة
لازم لازم تظبط تقسيمة الكاتينة انا معرفش عندك جنزير ولا سير بس لازم تفك وش التقسيمة وتظبط سوا السير او الجنزير على الذنب وبما انك فاهم ومعاك مفتاح 13 وبتقدم وتاخر بنفسك اقف على ايد الميكانيكى وخلية يحرر البستم رقم واحد ( النقطة الميتة العليا ) ويظبط زنبة ترس الكامة على الدليل اللى فى جسم المحرك وبعدين يركب السير تانى ويظبط كهربتة على كدة

انا رحت لكذا ميكانيكى بيسلملى العربيه تمام وبعد كام يوم ترجع زى الاول طبعا بيشوف التقسيمه عامة انا فاضلى
5000 ك واغير السير واضبط التقسيمه تانى

المشاركة الأصلية كتبت بواسطة smaalos

انا عندي العربيه كده برضو بس لاقيت ان العربيه وهي بارده مبتكركرش ولما تسخن بتكركر فهل ده ممكن يكون زي اللي عندك
يعني الموضوع لي علاقه بالسخونيه

انا كان عندى الموضع ده بس كانت بترج مش بتكركر فقلت اسطوانه دبرياج فلما رحت للمكانيكى فقلى احتمال يكون مسامير الجيربوكس الى مربوطه مع الماتور مهويه او سطوانه الدبرياج معوجه فعلا لقيناها مهويه وربطه ومبقتشى ترج فى الطلعه
لاكن الى عندى لما اهدى واديها 2 بتكركر سواء سخنه او باردها

لو كل حاجة مظبوطة زي ما بتقول كدة يبقى الكركرة هتختفى بمجرد ما تأخر الكهربا من الاسبراتير

ممكن يكون البنزين وحش او الكربراتير مش نضيف ( جرب محسن دورة الوقود او منضف الكربراتير وتغيير الفلتر )

وممكن وش الاسبراتير مشروخ

او سلوك البوجيهات وحشة وبتهرب كهربا

اتأكد ان مفيش ريحة بنزين نى من الشكمان وبص على حرق البوجيهات شوفها مهببة ولا مظبوطة واتأكد من ظبط هوا الكربراتير كويس


ممكن برضه الابلاتين والكوندنسر حتى بعد التغيير لأن اغلب الانواع الجديدة مضروبة


او ممكن الاسبراتير نفسه مبوش ومش بيظبط كهربة


او ممكن بقى في الاخر (عشان ابقى قلت كل حاجة ) تكون الكركرة طبيعية بمعنى انك تكون بتحاول تطلع على التانى وسرعة العربية او مستوى الارض مش مساعدها وبتحمل على الموتور او بتدوس بنزين جامد ( اكيد انت فاهمنى )

اخبار الشد والسحب ايه ؟ هل بتكركر برضه على السرعات العالية او العزم تعبان وكدة ؟


ومفيش مانع برضه تراجع التاكيهات ، مش هتخسر حاجة واكيد هتحس بأي فرق بعدها

[QUOTE=amrelsaqqa;3873443030]لو كل حاجة مظبوطة زي ما بتقول كدة يبقى الكركرة هتختفى بمجرد ما تأخر الكهربا من الاسبراتير

ممكن يكون البنزين وحش او الكربراتير مش نضيف ( جرب محسن دورة الوقود او منضف الكربراتير وتغيير الفلتر )

وممكن وش الاسبراتير مشروخ

او سلوك البوجيهات وحشة وبتهرب كهربا

اتأكد ان مفيش ريحة بنزين نى من الشكمان وبص على حرق البوجيهات شوفها مهببة ولا مظبوطة واتأكد من ظبط هوا الكربراتير كويس


ممكن برضه الابلاتين والكوندنسر حتى بعد التغيير لأن اغلب الانواع الجديدة مضروبة


او ممكن الاسبراتير نفسه مبوش ومش بيظبط كهربة


او ممكن بقى في الاخر (عشان ابقى قلت كل حاجة ) تكون الكركرة طبيعية بمعنى انك تكون بتحاول تطلع على التانى وسرعة العربية او مستوى الارض مش مساعدها وبتحمل على الموتور او بتدوس بنزين جامد ( اكيد انت فاهمنى )

اخبار الشد والسحب ايه ؟ هل بتكركر برضه على السرعات العالية او العزم تعبان وكدة ؟


ومفيش مانع برضه تراجع التاكيهات ، مش هتخسر حاجة واكيد هتحس بأي فرق بعدها[/QUOTE
الكركره مابتبنشى الا على الثانى ولو طالع مطلع عالى بطلع على الاول ومفيش اى صوت او اى غيار ثانى
والسحب تمام من الواضح ان هتعايش مع المشكله هاعمل اخر محاوله بنفسى بكره انشاء الله