الموضوع: بروتون Satria Neo هوه فيه كده !!

العربية دى غالية فى مالزيا و اغلى من الجين 2 كمان

و ممكن سعرها هنا مايكونش مشجع خاصة انها هاتعدى الـ 100 الف مستريح

يريت يا جماعة بلاش تخمين
والى عنده معلومات حقيقة يقولها

إزاي تعدي الــ ١٠٠ ألف دي في منها علي ما أعتقد ١٣٠٠ سي سي وأعتقد إنها مفيهاش حاجه زياده عن الچين ٢ بل بالعكس أعتقدت إنها أقل منها

انا جايب المعلومة من احد اصدقائى فى التوكيل اللى كانوا فى ماليزيا من شهر بالظبط و باتكلم على الـ 1600 منها انا اصلا ماعرفش ان فى منها 1300

المشاركة الأصلية كتبت بواسطة fadynabil

إيه يا شباب بروتون مش عاوزيني أنضم ليكم ولا إيه عاوز أعرف معلومات عن العربيه دي:K_crying[1]:

إيه فين الناس الحامده اللي هنا .. ولا هوه مفيش غير الچين ٢ !! ؟

١٦ مشاهده و ولا رد لدلوقتي

هوه أنا ملاحظ حاجة إن كلها كوبيه هو فعلا كده ولاإيه ؟؟

العربية مش مخطط ليها تنزل مصر في الوقت الراهن .
ليه مش عارف ؟؟؟

الأسعار متقاربة مع الجين 2 و العربية شكلها جامد قوي و كمان فازت في سباق الصيف الماضي على عربيات 2000 سي سي كمان .

بس التوكيل ماشي تاتة تاتة في موضوع التسويق

اللي أنا متأكد منه هو نزول الساجا و دي هاتنزل 1300 و شكلها معقول مش خطير خالص و هي دي صورها .



على فكرة يا أستاذ فادي

مفيش سيدان من الساتريا نيو
هي عربية هاتش باك فقط لا غير .
فيه منها كذا موديل
1300 عادية
1600 عادية
1600 رياضية

بجد أنا حيران من التوكيل
المفروض ينزل بكذا موديل لجس نبض السوق
الموضوع مشي معاه ... ينزل أكتر و يجيب للناس اللي عايزه
إن شاء الله يكون تمن العربية 150 ألف
المهم يشوف هايعرف يلاقي زبون و لا لاءة
فيه زبون ...كان بها
مفيش زبون .... يبقى نرجع لقواعدنا سالمين
دي قواعد البيع و الشراء و رجال الأعمال اللي بينجحوا بسرعة .
لازم يجرب و يجرب و يجرب للوصول لأفضل النتائج بأقل الخسائر .
بس عز العرب ماشي واحدة واحدة واحدة ببطئ شديد
المفروض بصراحة يتم التركيز على بروتون و يسيبه من الماركة الصيني اللي عمري ما شفتها ماشية في الشارع .

و عموما يا أستاذ فادي أنت تنور القسم بعربية أو من غير عربية
كفاية المشاركة الايجايبية يا باشا .

و إن شاء الله ربنا يكرمك ببروتون قريب و على الله تكون ساتريا