الموضوع: لينوكس اكس بى (تحفه تستحق التجربه)

المشاركة الأصلية كتبت بواسطة r0xer

:d :d :d

طيب والله كويس إن لينوكس وصل لحد هنا..

العبد لله بيستخدم لينوكس من 6 سنين ونص ولله الحمد :d

والظاهر ان في ناس هنا تعرفني و أعرفها ولكن بمعرفات تانية وفي اماكن تانية :d :d

Long Life Linuxxxxxxx.

هههههههههههههه.
أنا برضو بستخدم اللينكس من 6 سنين. ويمكن نكون نعرف بعض معرفة تانية في مكان تاني :)

فين أيام linux-egypt وانشقاق eglug. أيام جميلة!

المشاركة الأصلية كتبت بواسطة MomoMedo

طيب سؤال يمكن يكون سازج يعني

بالنسبة لمستخدم الانترنت العادي مش المبرمج مثلا

اللينكس ممكن يكون مناسب ليه
يعني مسنجر اغاني افلام الكلام دة كله مش هحس اني مخنوق وانا عاللينكس؟

ممكن أوي. كتير جداً من مستحدمين اللينكش مش مبرمجين ولا حاجة. بس الموضوع عايز يكون عندك حب استطلاع ورغبة في التجربة.

وانسى الفيروسات وانسى التهنيج وانسى البرامج الكتير اللي متقلة الجهاز ..... الخ.

المهم متكونش تبع المنشقين؟ :d

ممكن أخمن انك راجل ديباني من طريقة كلامك. مظبوط؟

:d

المشاركة الأصلية كتبت بواسطة itsonlyme

دي مش نسخة ويندوز جديدة، ده نظام تشغيل مختلف تماماً. لا انصحك باستخدامة كحل سريع لمشكلة في جهازك.

انت فرمط الهارد ونزل ويندوز من جديد. عمر ما الفايرس حيفضل في الرام. كل حاجة في الرام بتروح أول ما تعمل shutdown أو reboot. بس الفايرس ممكن يفضل في باقي تقسيمات partitions بتاعت الجهاز.

أنت نزل ويندوز من جديد ونزل anti-virus واوعى تخش على باقي ال partitions اللى عندك قبل لما تعمل scan للجهاز كله. ممكن أوي يكون في فايرس في ال paritions التانية وأول لما تخش عليها يجيلك الفايرس من جديد ويبقى معملناش حاجة.

أولاً شكراً لأهتمام حضرتك وردك على سؤالى ثانيا ً حضرتك بتقول أنزل نسخة ويندز عاديه وبعدين أنزل توزيعه اللينكس ؟ طب هو لما هنزل اللينكس من على الموقع هيبقى عامل ازاى..؟ برنامج بصطبه عادى ولا ايه .... الى أعرفه إن الينكس ده حاجه زى الويندوز كده ..او الماك دى أنواع أنظمه تشغيل .. وهل اللينكس لازم ينزل على نسخه ويندوز ؟؟ ... أنا أسف أنا عارف إنى غبى بس أرجو تستحملونى