الموضوع: قائمة شاملة لأسعار قطع غيار الـ127

المشاركة الأصلية كتبت بواسطة hishamelshazly

يا جماعه أنا من محافظة قنا و أنا بعشق المنتدى ده جدا بس أنا ليا إستفسار أنا ما بعرفش أسوق وعاوز أشترى عربية إستخدام داخل المدينة بس يعنى بالكتير قوى العربية هتعمل 300 كيلو فى الشهر وبصراحة ماعنديش امكانيات مادية علشان اجيب زيرو فلو حبيت اجيب استعمال السيات او 126 او 127 هتمشى معايا ولا هتقرفنى مع ملاحظة انى البلد اللى انا ساكن فيها شوارعها كويسة وما فيهاش مطبات ولو انا جبت عربية من دول يا ترى متوسط مصاريفها هيبقى تقريبا كام فى الشهر وشكرا ليكم قوى

انا معايا 127 توب المانى العربيه دى تحفه
مميزاتها
1- موتور 1050 cc يعنى زى ال 128 بس المانى والعربيه حجمها صغير
2- قطع غيار فى اللذيز و موجوده عند البقال
3-تركن فى اى حته انت عايزها
4- اى ترويش يبان علطول { العربيه شبه الجولف }
وعلى فكره يا جماعه انسب عربيات لمصر هى الفيات كلها
سعرها حلو وقطع غيارها موجوده هو بس العيب فى اللى راكب لانه بيهملها

بصراحه هذه مجرد وجهة نظر في السيات من واحد راكب سيات
أولا:السيات طبعا أضيق من ال127 و صوتها عامل زي الغساله بس بناء على خبره بما أني غيرت كل حاجه فيها تقريبا فكل قطع غيار ال127 تقريبا بتركب عليها و أغلى حاجه فيها المارش و بيعمل 250 جنيه و الكلام ده في الساعه(الإسكندريه) , و أنا بامشى بيها حوالي 50 كيلو في اليوم , و مصاريفها هي مصاريف الصيانه الدوريه الطبيعيه , و المشكله الحقيقيه في شعبنا المصري الجميل اللي يفضل يتريق عليك طول ما انتا ماشي