سؤال لاصحاب التيدا ارجو الرد عاوز اشتريها

**myr999** · 25-02-2009 07:53 PM

السادة الزملاء مالكى التيدا قراءت موضوع المهندس محمد طة عن التيدا وعجبنى وخلانى افكر فيها بس لى بعض الاسئلة 1-استهلاك البنزين داخل البلد المهندس محمد حسبها فى السفر فقط 2- يتم تغير تيل الفرامل على كام كيلو لان التيل غالى سعرة 450 جنية 3-فى ناس قالت الاحساس بالنقلة فى الفتيس وناس قالت لا اخر كلام اية والفتيس بة cvt كما قال المهندس محمد طة ام لا 4- درجة الثبات على السرعات العالية 5-السحب اخبارة اية 6- درجة العزل فى السرعات العالية 160 كيلو مثلا 7- التحميل مع المطبات بتحك ولا لاء 8-مدى فاعلية الفرامل 9-هل البور بيفصل عند السرعات العالية والا بيكون خفيف اسف للاطالة بس دة مبلغ برضة ياجماعة ولا اية الف شكر مقدما تحياتى

**karaktar** · 25-02-2009 10:10 PM

استهلاكها فى البنزين زى اللانسر 2007 تمام
موضوع الفرامل معرفوش عشان العربيه معايا لسه جديدة
ايوة 100 فى ال 100 هاتحس بالنقلة لأن الفتيس عادى موش cvt وده اكيد واسأل موزعين نيسان هايقولو نفس الكلام
درجة ثبات مالهاش حل وعلى السرعات العالية
السحب وهمى وخطير استاذة سحب من الاخر
اما بتيجى تاخد نقلتها صوت الموتور بيعلى شويه و انسى صوت الموتور وانت ماشى على 100 ك فيما فوق
لا بتحك ولا غيره العربية عاليه من تحت ومسافة كبيرة بين الرفارف والعجل
الفرامل على السرعات العاليه مش مطمنانى حتى الان
موضوع الباور ده بحس انه بيفصل لأنى مشيت على 100 ك مرة وحسيت انه ثابت

**myr999** · 25-02-2009 10:49 PM

الف شكر ياباشا على الاهتمام وربنا يحفظها لك بس انا ماعرفشى لانسر 2007 بتعمل كام وواضح انك ركبتها فايهما احسن لانسر ام تيدا

**karaktar** · 26-02-2009 10:10 AM

بصراحة العربيتين جمال جداً
اللانسر ثباتها اقل نسبياً من التيدا فى السفر
جسم التيدا اخف بكتير من جسم اللانسر - لكن ثبات العفشة ومتانتها بترجح الثبات للتيدا اكثر
بس عملية الراحة التيدا اريح بكتير بالنسبة للوسع وكمان الصالون مريح جداً ومايتعبش ظهرك عكس اللانسر ممكن كتر القاعدة فى صالونها يتعبك شوية بالذات فى السفر
هذه الاراء من وجهة نظرى
لكن من الاخر العربيتين فوق الممتاز مافيش اعطال والبنزين انساه

**nav man** · 26-02-2009 11:07 AM

انت مستعجل علي الشراء,متنساش ان احنا كلنا عملين مقطعة مع العربيات(خليها تصدي وموديلها يعدي),

**tata12001** · 26-02-2009 12:25 PM

ممكن تشتريها مستعملة وبكده تبئة مشيت مع الحملة ووفرت فلوسك ،بعدين حتلئي ٩٠٪ من التيدا المستعملة حالتها حلوة علشان العربية دي أول موديل منها ٢٠٠٦

**myr999** · 26-02-2009 01:09 PM

شكرا يا باشا وانا مع الحملة قلبا وقالبا وانا ناوى فعلا اجيبها مستعمل وكمان بعد 6اشهر على الاقل وكان لى اقتراح للحملة باضافة جملة جديدة ونساعد الحملة والجملة هى (استحمل عربيتى عشر تشهر ولا الحوجة لولاد الهرمة وخليها تصدى ومودلها يعدى)او (استحمل عربيتى عشر تشهر عشان عيون خليها تصدى ومودلها يعدى ) بس ممكن تكون احسن من كدة لو فكرنا مع بعض مع ارق تحياتى واطيب امنياتى

**karaktar** · 26-02-2009 02:01 PM

المشاركة الأصلية كتبت بواسطة myr999

شكرا يا باشا وانا مع الحملة قلبا وقالبا وانا ناوى فعلا اجيبها مستعمل وكمان بعد 6اشهر على الاقل وكان لى اقتراح للحملة باضافة جملة جديدة ونساعد الحملة والجملة هى (استحمل عربيتى عشر تشهر ولا الحوجة لولاد الهرمة وخليها تصدى ومودلها يعدى)او (استحمل عربيتى عشر تشهر عشان عيون خليها تصدى ومودلها يعدى ) بس ممكن تكون احسن من كدة لو فكرنا مع بعض مع ارق تحياتى واطيب امنياتى

ارجوكم يجماعة عايزين المنتدى يبقى خالى من اى شتايم مهما كان نوعها

**myr999** · 26-02-2009 04:04 PM

اسف لجرح مشاعرك لم اقصد الا المساعد ةتحياتى

**karaktar** · 26-02-2009 04:09 PM

المشاركة الأصلية كتبت بواسطة myr999

اسف لجرح مشاعرك

لم اقصد الا المساعد ة

تحياتى

ولا يهمك حصل خير

الموضوع: سؤال لاصحاب التيدا ارجو الرد عاوز اشتريها

LinkBack

أدوات الموضوع

عرض

سؤال لاصحاب التيدا ارجو الرد عاوز اشتريها - انشر الموضوع فى :

-

-

-

-

-

-

-

المواضيع المتشابهه

سؤال لاصحاب الفرش الفاتح فى النيسان التيدا او الصني

يا جماعة ارجو الرد بسرعة لاصحاب البريليانس

سؤال لاصحاب الاوبترا فى الاسكندرية برجاء الرد

سؤال صغير لاصحاب التيدا

لاصحاب النيو اكسنت ارجو سرعة الرد

الكلمات الدلالية لهذا الموضوع

المفضلات

المفضلات

ضوابط المشاركة