وحدة رفع

**ahmedhosssamy** · 26-02-2009 12:13 AM

ارجو النصيحة اية احسن وحدة رفع زجاج و فتحة سقف لالنسر 2008 سبورت (بومة)
سعرها كام و منين اجيبها و اية افضل انظار للعربية مع المحافظة على المفتاح الاصلى و شكرااا

**Kareem Khattab** · 26-02-2009 08:47 PM

انا كمان عايز اعرف ياريت حد يفيدنا

**mahfouz1983** · 26-02-2009 11:18 PM

والله يا جماعه انا بخاف اللعب في العربية وتركيب ووحدة رفع وخاصة لما تكون في فتحة السقف يعني الواحد بيخاف من الصنايعيه وخصوصا ان وحدات الرفع اليومن دول ببتبوظ بسرعه

**lovelorn** · 27-02-2009 11:42 AM

انا مركب وحدتين رفع فى الباب بتاع السواق ( كل وحدة مسئولة عن رفع زجاجين ) .. كان ثمنهم تقريبا 80 جنيه .. على فكرة صاحبى اللى ركبهوملى ( طالب فى كلية هندسة بس مخه نضيف ) .. وثبتناهم فى القضيب بتاع الباب بحزام ولزق double face ..

شوف كهربائى نضيف ورحله .. مفيش من تركيبها أى مشاكل .. وانا ركبته مش عشان تبقى أوبشن زيادة بس عشان صاحبى كان جنبى ونسى يقفل الزجاج بتاعه واتسرق من العربيه حاجات .

**أبو إياد** · 27-02-2009 01:33 PM

عندك نوعين نوع بيرفع الاربع زجاجا ونوع بيرفع زجاجين وفى الحاله دى هاتشترى اتنين
الافضل انك تشترى وحدتين كل وحده مسئوله عن زجاجين تمنهم 90جنيه وبيركبوا فى باب السائق والكهربائى مصنعيته 30جنيه او 40 جنيه بالكتير
وحاول تشترى كورى مش صينى

**Dr_MohSalah** · 01-03-2009 02:20 AM

سؤال بعد اذنكوا...انا دايما بلاقى اعضاء بتسال عن وحدات رفع للزجاج فى عربيات زى لانسر 2008 وغيرها..طيب هو الزجاج اصلا مش كهرباء اللى انا عارفه انه هو كهرباء فمفيش داعى لوحدة رفع ..انا عارف انه فيه اكيد لبس فى الموضوع وان فيه حاجة فايتانى ومش فاهمها كويس وعذرا لجهلى بهذا الجزء ..

**lovelorn** · 01-03-2009 01:13 PM

اللى انا عارفه انه هو كهرباء فمفيش داعى لوحدة رفع ..انا عارف انه فيه اكيد لبس فى الموضوع وان فيه حاجة فايتانى ومش فاهمها كويس

فايدة وحدة الرفع : انك مثلا لما تنزل من العربية والزجاج مفتوح , بمجلاد انك تدوس lock فى الريموت ( الأبواب تقفل والزجاج المفتوح يقفل معاه )

وممكن تظبطها ان هى تبقى وحدة " خفض " بمعنى انك لما تعمل unlock ( الأبواب تتفتج والزجاج يتفتح أيضا ) بس المنتشر هى وحدة الرفع .

**Dr_MohSalah** · 01-03-2009 03:16 PM

المشاركة الأصلية كتبت بواسطة lovelorn

فايدة وحدة الرفع : انك مثلا لما تنزل من العربية والزجاج مفتوح , بمجلاد انك تدوس lock فى الريموت ( الأبواب تقفل والزجاج المفتوح يقفل معاه )

وممكن تظبطها ان هى تبقى وحدة " خفض " بمعنى انك لما تعمل unlock ( الأبواب تتفتج والزجاج يتفتح أيضا ) بس المنتشر هى وحدة الرفع .

الف شكر يا باشا ..كدة انا فهمت الموضوع ..تمام كدة المحكنمة انتورت ..

لكن هل فيه بعض الموديلات بتنزل بوحدة الرفع فى العربية ولا لازم بتنضاف وهل عملية الاضافة للوحدة بيبقى فيها لعب كتير فى كهربة العربية ولا حاجة سهلة وبتم بسرعه ؟ :)

**lovelorn** · 01-03-2009 03:30 PM

فى بعض العربيات بيتكون نازلة وفيها وحدة الرفع من الأساسيات ( على سبيل المثال اسبيرانزا تيجو ) .. بس الانسر البومة مش بتنزل بوحدة رفع لكن تركيبها سهل المهم انك تروح لواحد بيفهم ونضيف فى شغله .