استفسار من مالكى التيجو؟؟؟؟؟

**hesham_soaida** · 23-09-2009 04:00 PM

المشاركة الأصلية كتبت بواسطة maged_bassyouni

انا واحد جارى معاه تيجو 1600 وعامل بيها لحد دلوقتى 2000 ك ولما سألتو عنها قال انها حلوه جدا بس الملاحظه الوحيده هى انها استهلاكها عالى فى البنزين يعنى تقريبا الصفيحه بتعمل 140 داخل البلد واكتر شويه على الطوالى فياريت اللى عمل للعربيه ال 1600 معدل استهلاك يقول لينا عليه وهل بيفرق معدل الأستهلاك بعد العربيه ما تمشى اكتر اقصد يعنى بعد 5000 ك ؟؟؟؟؟

معدل الاستهلاك دا عالي جدا!!!!!!!!!!!!!!!!!!
المفروض ميزدش كثير عن ال 516

**aboomarahmad** · 24-09-2009 07:10 AM

أنا سألت قريبي اللي معاه العربية دي ال1600 والحقيقة قال معدلها في الطوالي يزيد عن 220 وهو عامل 3300كم لحد الآنواضح يا اخوانا ان العربية دي بالذات فيها كدة وكدة،الظاهر والله أعلم انهم من كتر السحب عليها مش بيعملوا pdiعلى كل الإنتاج......ده مجرد تخمين يفسر الفلتات اللي بنسمع عنها دي

**Hegazio** · 24-09-2009 10:43 AM

يا جماعة أي سيارة لا تعطي أفضل أداء إلا عند الوصول الي 5000 تقريبا
كما أن طريقة قيادة السيارات أمثال التيجو تختلف عن أمثال اللانسر مثلا
الموتور هو هو ال AVL الموجود في ال 516 مع تعديل بسيط لأفضل نقطة عزم من 4250 إلي 3750 و العزم هو المطلوب في التيجو مقابل السرعة في ال 516 .. و هو تعديل ينم عن اهتمام الشركة ( شيري انترناشيونال مش ابو الفتوح ) بمتطلبات العميل
انتظرو حتي مطلع 2010 لتعرفوا feedback حقيقي عن السيارة بعد تعود الناس عليها

**maged_bassyouni** · 25-09-2009 01:15 AM

عموما انا نفسى اشترى العربيه دى ال 1600 ومستنى اسمع شويه من الملاك بتوعها عشان الواحد يطمن زياده

**aboomarr** · 26-09-2009 05:27 AM

المشاركة الأصلية كتبت بواسطة hnagy

لا والله وأنا أسف لو كنت حسيت منى بذلك

من غير اسف ولا حاجه كل سنه وحضرتك طيب

**aboomarr** · 26-09-2009 05:31 AM

المشاركة الأصلية كتبت بواسطة ash257

أستاذ aboomarr:
ممكن أعرف ايه المشاكل اللي قابلتك في العربية وأيه الحاجات (العيوب الجوهرية) اللي خلت حضرتك تبيع العربية

انا قلت اللى حصل معايا فمشاركات قبل كده بس عشان اكون امين قلت مفيش اى عيب خطير حصل منها سواء فالميكانيكا او الكهربا ---

هو قبل كده الدكتور شامل قال العربيه اقدام وقرف وفعلا العربيه دىكان قدمها مش كويس مع انى مكنتش مقتنع بالكلام ده

كنت كل خروجه بيها يحصل حاجه يعنى مثلا سيبتها برة الجراج قبل مبيعها من يومين لاقيت الزجاج الامامى مشروخ ---

قلت مش مشكله همشى بيه كده شويه تانى يوم ماشى على الصحراوى بليل حمامه طيرة فالجو خبطت فالزجاج كملت عليه من الناحيه التانيه خالص بقه هههههههههه فيعنى فعلا اقدااااااااااااام وقرف

**aboomarr** · 26-09-2009 05:33 AM

المشاركة الأصلية كتبت بواسطة aboomarahmad

على فكرة أنا رحت لواحد جاري عنده التيجو ال2000(مبسوط بيها جدا عامل16000ك.م)ونمت تحت العربية عشان أشوف موضوع التانك الفيبر ده...بصراحة مقدرتش اعرف من كتر ماهو جامد(علما بأني مهندس منشآت معدنية) المهم مدير ورشة أبوغالي معرفة..سألته قال كل العربيات من بعد سنة2000كلها تانكاتها فيبر وقالي النيوبيرا بتاعتك دي فيبر والشيفروليه فايبر وووووو ودي حاجة عادية وماتخوفش لأنه من نوع قوي جدا لايتأثر بشئ الفكرة فقط لتخفيف الوزن........والله أعلم
م.ياسر

انا سالت وفعلا كلامك سليم لان عربية زميلى النترا 2008 وقالى ان التنك فيبر فعلا
بس فى تنكات حديد زى التريوس مثلا

**aboomarr** · 26-09-2009 05:38 AM

بالنسبه لسحب العربيه ال 2000 سى سى ---العربيه سحبها كويس على حجمها بس بتجيب سرعة 160 وده اقصى سرعه ليها لدرجة انا قلت انى مش بعرف اسوق اوتامتيك كويس اتصلت بمهندس عنده واحده
قاللى نفس الشىء وكان مستغرب جدا ---انا كنت سائله ع العربيه قبل مجيبها وكان بيشكرلى فيها ولما اتصل بيه تانى عشان اساله عليها كان مش بيشكر فيها وبرضو للعلم مفيش اسباب قاتله بس كل الكلام الواضح عن عقدة الصينى وردائة الخامات

والله ساعات بقول ليه انا متحامل ع العربيه كده؟ رغم ان اى حاجه حصلت فيها مش عيب فيها مثلا ؟ بس هيا اقدام

**Mohamedtayel** · 26-09-2009 01:22 PM

المشاركة الأصلية كتبت بواسطة aboomarahmad

أنا سألت قريبي اللي معاه العربية دي ال1600 والحقيقة قال معدلها في الطوالي يزيد عن 220 وهو عامل 3300كم لحد الآنواضح يا اخوانا ان العربية دي بالذات فيها كدة وكدة،الظاهر والله أعلم انهم من كتر السحب عليها مش بيعملوا pdiعلى كل الإنتاج......ده مجرد تخمين يفسر الفلتات اللي بنسمع عنها دي

يا جماعه العربيه بتعمل معايا من 170 كم الى 190 كم فى الصفيحه داخل البلد