الموضوع: استفسار من مالكى التيجو؟؟؟؟؟

المشاركة الأصلية كتبت بواسطة hacker5

الف مبروك يا استاذ محمد و ياريت تقولنا على الاخبار اول بأول :)

ربنا يخليك
متشكر جدا
اكيد هبلغكم اول باول
ان شاء الله بكره هعمل بيها اول مشوار سفر طويل
و لو فى اى ملحوظات هبلغكم
انا اسف يمكن انقطع عن المشاركات لمده 3 ايام
تحياتى للجميع

السلام عليكم
الف الف الف مبروك استاذ محمد وربنا يكفيك شرها انا معايا ال 2000 سى سى ونفسى بس افهم ال 25000 الف دول فرق فايه بين ال 2000 سى سى وال 1600 بجد يعنى حاجه تبرجل ولا هما بينصبوا علينا لان انا واحد قاللى مفيش فرق فحسب العربيه خاااااااااااااااالص بينهم --هوا طبعا فتحة سقف واوتامتيك بس هل دول تكلفتهم 25 الف وياريت على كده وبس لاء ده كمان زياده فالترخيص حوالى 3 الاف كل 3 سنين وكمان فالبنزين رهيبه ال 2000 سى سى حريقه بنزين وانا كنت بقول 450 كل 60 لتر لاء يمكن اقل كمان ---هوا انا لو بعتها ممكن اخسر كام كده لان بصراحه بقه التريوس دخلت مزاجى تانى ---لو حد يعرف ممكن اخسر كام يقول واما نشوف ايه اللى هيحصل

هل يوجد احد ساق هذه السيارة على سرعات عالية 180 مثلا ويقول ايه الاخبار عن الثبات على الطريق

استاذ المناهرى العربيه كان اخرها معايا 170 وبالعافية

بس بالنسبه للثبات مركبتش عربية فثباتها وربنا يوفقك

الأخوة الأعزاء ، السلام عليكم .
أنا عضو جديد و ناوى بإذن الله أشترى السيارة دى بس 1600 سى سى ، ولذلك أنا منتظر أختبار الطريق الذى يقوم به الأستاذ محمد طايل عضو المنتدى هنا (ربنا يرجعه لنا بالسلامة).
وعلشان كده أنا متابع حواراتكم وآراءكم فى هذا المنتدى المتميز. بالإضافة لإنى زرت معرض أبو الفتوح فى المعادى و عملت معاينة دقيقة للسيارة وناقشت المهندس/وائل المسؤول فنياً عن مبيعات هذه السيارة.
برجاء ملاحظة أن كتالوج السيارة الذى أستلمته من الإستاند بتاع أبو الفتوح فى معرض أوتو ماك واضح فيه بصراحة تامة أن أقصى سرعة للسيارة 2000 سى سى هى 175 كم/ساعة بينما أقصى سرعة للسيارة 1600 سى سى هى 160 كم/ساعة.
وكمان بالقراءة الدقيقة لكتالوج السيارة التفصيلى والخاص بتعليمات التشغيل User Instruction Manual والذى يُسَلّم مع كل سيارة والذى قمت بإنزاله من موقع شركة شيرى الصينية ، هذا الكتالوج بينص بصراحة على أن هذه السيارة ليست للسير فى الجبال و الطرق الوعرة ولكنها ملائمة جداً للطرق المتنوعة ، بمعنى أنها للمدينة وللرحلات و السفر وللمزرعة مثلاً وللسير فى الطرق المحودة الوعورة . (يعنى موش حنقارنها مثلا بالشيروكى أو باللاندكروزر).
وأنا كمهندس ميكانيكا وبأقود سيارات منذ عام 1974 ، فأنا شايف أنها سيارة مواصفاتها ممتازة بصفة عامة ، وإن كنت أحبذ أن أبو الفتوح ينزل منها الـ 1600 سى سى بجميع الكماليات الموجودة فى الـ 2000 سى سى زى فتحة السقف و الـ CD Exchanger و الفتيس الأتوماتيك كأوبشن Option بالتالى حتكون ملائمة أكثر للسوق المصرى.
وأعتقد أن السيارة دى ممكن تحقق نجاح كبير وأنتشار كسيارة عائلية أكثر من اللانوس والنوبيرا اللى سبق و نزلهم أبو الفتوح زمان.

الأخوة الأعزاء ، السلام عليكم .
أنا عضو جديد و ناوى بإذن الله أشترى السيارة دى بس 1600 سى سى ، ولذلك أنا منتظر أختبار الطريق الذى يقوم به الأستاذ محمد طايل عضو المنتدى هنا (ربنا يرجعه لنا بالسلامة).
وعلشان كده أنا متابع حواراتكم وآراءكم فى هذا المنتدى المتميز. بالإضافة لإنى زرت معرض أبو الفتوح فى المعادى و عملت معاينة دقيقة للسيارة وناقشت المهندس/وائل المسؤول فنياً عن مبيعات هذه السيارة.
برجاء ملاحظة أن كتالوج السيارة الذى أستلمته من الإستاند بتاع أبو الفتوح فى معرض أوتو ماك واضح فيه بصراحة تامة أن أقصى سرعة للسيارة 2000 سى سى هى 175 كم/ساعة بينما أقصى سرعة للسيارة 1600 سى سى هى 160 كم/ساعة.
وكمان بالقراءة الدقيقة لكتالوج السيارة التفصيلى والخاص بتعليمات التشغيل User Instruction Manual والذى يُسَلّم مع كل سيارة والذى قمت بإنزاله من موقع شركة شيرى الصينية ، هذا الكتالوج بينص بصراحة على أن هذه السيارة ليست للسير فى الجبال و الطرق الوعرة ولكنها ملائمة جداً للطرق المتنوعة ، بمعنى أنها للمدينة وللرحلات و السفر وللمزرعة مثلاً وللسير فى الطرق المحدودة الوعورة . (يعنى موش حنقارنها مثلا بالشيروكى أو باللاندكروزر).
وأنا كمهندس ميكانيكا و بأقود سيارات منذ عام 1974 ، فأنا شايف أنها سيارة مواصفاتها ممتازة بصفة عامة ، وإن كنت أحبذ أن أبو الفتوح ينزل منها الـ 1600 سى سى بجميع الكماليات الموجودة فى الـ 2000 سى سى زى فتحة السقف و الـ CD Exchanger و الفتيس الأتوماتيك كأوبشن Option بالتالى حتكون ملائمة أكثر للسوق المصرى.
وأعتقد أن السيارة دى ممكن تحقق نجاح كبير و أنتشار كسيارة عائلية أكثر من اللانوس والنوبيرا اللى سبق و نزلهم أبو الفتوح زمان.