أين توجد قطع غيار 1600 خارج النوكيل؟
وإيه أخبار الأسعار؟
عرض للطباعة
أين توجد قطع غيار 1600 خارج النوكيل؟
وإيه أخبار الأسعار؟
السلام عليكم ياأستاذ طايل
اليوم قابلت واحد راكب تيجو2000سي سي قالي كويسة ماعدا ان سحبها ضعيف جدا نتيجة ان العربية تقيلة على موتور2000وأوتوماتيك لدرجة انها كانت بتموت منه وهو طالع بيها كوبري اكتوبر(ده كلامه)......ايه رأيك؟
ياريت تطمنا
و الله انا شايف ان الكلام ده مش منطقى
لانى راكب ال 1600 و محستش بكده خالص
و على فكره فى حاجه لاحظتها بعد ما كملت ال 5000 يا جماعه
ان تأثير التكييف على السحب مبقاش زى الأول خالص
يعنى السحب بقى افضل كتير حتى مع التكييف
و ده بيفسر كلام احد الأخوه ان الموتور اداؤه بيتحسن كتير جدا بعد ال 5000 الأولى
عاوزكم كلكم تفيدوني واسمع رأيكم:
أجيب ال2000الأوتوماتيك وللا ال1600المانيوال؟
طبعا هلاقي اللي يقولي دي حاجة ودي حاجة..لكن أنا بسأل هل فرق25000ج. زائد ضريبة 1000 في السنة وكمان استهلاك البنزين الأعلى غير ان شوارعنا المحترمة مش مستاهلة2000سي سي...مع العلم اني كنت سايق أوتوماتيك1600 وبحبه جدا وكانت اخف من التيجو ب108كج.فأعتقد ان فرق الوزن هيروح مع كونها اوتوماتيك يعني السحب في التيجو مانيوال هيكون معقول ولو بالتكييف
وبعدين انا مش كل يوم هركب 5في العربية..
شوفوا الحمدلله فلوسها موجودة بس انا مش عاوز أبعتر فلوس وخلاص وبعدين الاقي ملهاش لازمة في الآخر
محتار جدا يا اخواني ومش عارف اعمل ايه
وماخاب من استخار..ولا ندم من استشار
م.ياسر جادو.
بصراحة يستاهل
لو الفلوس معاك الاستفادة مش بس موتر أقوي و طلعته أشد
بس كمان اوتوماتيك تيبترونيك يامعلم
في ياجماعة حاجة محدش اتكلم عليها خالص وهية اخبار قطع الغيار اية يعني اسعارها وتوافرها وموجودة في التوكيل بس ولا ممكن برة التوكيل انا عارف ان العربية لسة موديل حديث ومحدش لحق يجيب قطع غيار ليها بس يعني لو حد عنده معلومة ياريت يقول وشكرا ليكم جميعا
أنا حاجز تيجو 1600 و عندى نفس السؤال....في ياجماعة حاجة محدش اتكلم عليها خالص وهية اخبار قطع الغيار اية يعني اسعارها وتوافرها وموجودة في التوكيل بس ولا ممكن برة التوكيل انا عارف ان العربية لسة موديل حديث ومحدش لحق يجيب قطع غيار ليها بس يعني لو حد عنده معلومة ياريت يقول وشكرا ليكم جميعا.....
تمام كده حوالى 4800 جنيه ف 3 سنين وربنا يباركلك فيها مقدما وان شاء الله خير
الاسهل لك ان حضرتك تدخل علي contactcars.com و تشوف انظمة التقسيط بتاعتهم مشروحة بالتفصيل و لو في حاجة مفهمتهاش كلمهم و هم ناس ممتازة و سباب واعي و هيساعدوك اوي..........انا عملت كدة و اخترت التقسيط المناسب و توكلت علي الله.....اكيد هم اكثر دراية و خبرة و شطارة في نقل المعلومة مني
و ربنا يوفق حضرتك للخير يا رب
طب حد يقولنا العربية عملة اية دلوقتى
انا محتار بنها و بين الريو و النيو اكسنت و fsv انا ارابت اعمل قرعة من كتر الحيرة
انا جايب العربية بالتقسيط واستلمتها يوم 24/4/2010ومن يومها اثنين من معارفى شافوها واشتروها من نفس المعرض من بعد عاجبهم الاداء والشكل والكماليات
وعلى فكرة انت لو لاحظت انها انتشرت الفترة اللى فاتت الشوارع
وده دليل على قوة السيارة بالمقارنة مع نفس السيارات فى نفس الفئة
وبالتوفيق ان شاء الله
الف مبروك يا باشا وربنا يباركلك فيها .... وعايزين بقى نعرفك انطباعك المبدئي عنها واخبار التقفيل ايه في تحسن فعلا ولا لسه .... والعيوب القديمه تم تلافيها ولا لا زى الابواب مش بتقفل بسهوله ... فتحه تانك البنزين بتعلق وشويه الحاجات الرخمه دى
وهل الموتور متناسب مع العربيه ولا لا ..؟؟؟
بصراحة و من غير اى زعل التيجو من جوا عكس برة خالص انا بصراحة اوحبط لما اعت فيها
الفرش و الأرضية بتاعتها موش بنفس مستوى العربيات اللى فى سعرها خالص
كمان التابلوة فقير جدا و حاسس انو بلاستيك عادى مش يستحمل كدا
انا بصراحة استقريت على fsv ان شاء الله
اتمنى اصحاب تيجو موش يزعلوا انا اتكلمت عن الشكل و التقفيل الداخلى اللى بصراحة خلانى اصرف نظر عنها
قصدى بريلليانس FSV العربية السيدان ل FRV نفس السعر هى و التيجو تقريبا بس بصراحة فخمة عن التيجو و الناس شكرت فيها
http://www.nilemotors.net/Nile/112164-new-brilliance-fsv-sedan.html
دا لينك عن السيارة
فعلا كنت بافكر فيها
اختيار لا بأس به
بس انا كان فيه مميزات في التيجو ما ينفعش تكون موجودة غير في الفئة دي .. بس واضح ان احتياجاتك غير ملحة لهذه المميزات
ربنا يكرمك بيها يا حجازى و يكفيك شرها
هى التيجو جميلة فى علوها و حجمها
بس انا بردوا بدور على عربية جوا و برة
لازم نفسيتى كمان تكون مرتاحة جوا اكتر من برة علسان انا هشوفها من جوة اكتر من برة