ياترى الاستلم العربية ايه رأيه فيها!!عاوز اشترى العربية بس مستنى اشوف اراء مالكى السيارة من حيث الثبات والموتور؟؟
ارجو من مالكى التيجو عمل تقييم للعربية لان فيه ناس كتير عاوزة تشتريها وقلقانة!!وطبعا انا واحد منهم لان اول مرة اشتري الصينى!
عرض للطباعة
ياترى الاستلم العربية ايه رأيه فيها!!عاوز اشترى العربية بس مستنى اشوف اراء مالكى السيارة من حيث الثبات والموتور؟؟
ارجو من مالكى التيجو عمل تقييم للعربية لان فيه ناس كتير عاوزة تشتريها وقلقانة!!وطبعا انا واحد منهم لان اول مرة اشتري الصينى!
انا اشتريت التيجو ومن واقع استخدامي لها بقول السيارة تحفة بالفعل وطبعا انا بتكلم عن الاوتوماتيك قوية وثابته في المنحيات بشكل مدهش التكييف حكاية الفتيس في منتهى النعومة الكاسيت حدث ولاحرج الفرش اخر شياكة الماتور ليس له صوت نهائيا الصالون واسع جدا الوانها جميلة المختصر تحس في قيادتها بسعادة بالغة ودمتم
أنا معايا العربيه من شهرين و إستهلاكها من 160 ل 170 كم في الصفيحه
توكل على الله و إن شاء الله هتعجبك
شوف يا باشا انا كلفتني كل حاجه بالإكراميات ب الطفايه ب التأمين الإجباري و كمان ضريبة رفاهيه 1600 جنيه (لو معنداكش عربية تانيه هتنقص 100 جنيه ) لمدة سنه واحده
الف شكر على معلوماتك القيمة لكن انا متابع العربية من اربع شهور وسألت ناس كتير راكباها الحقيقة الاغلبية شكرت لكن في ناس قالت ان عفشتها وحشت وان العربية تحس كأنها مفككة او مخلعة...والله ده كان تعبير واحد سايقها
ارجو الافادة لاني فعلا نفسي اشتريها وخايف اخسر
ابعد عن الصينى وغنى له"""
انا ايضا
السيار ممتازة وأنا معايا من6أشهر ومتوسط البنزين 200 كم فى الصفيحة وانا بسافر بيها يوم بعد يوم اهم حاجة تحافظ عليها
ألف شكر يا أستاذ عادل وربنا يحفظك من شرها ويعطيك خيرها.....آمين
أنا مازلت ياجماعة منتظر اضافات من حضراتكم على موضوع العفشة ده
لاني كدة كدة مش هشتريها الا لما أبيع عربيتي بأذن الله
فيا ريت اللي عنده العربية دي ويحب يضيف حاجة يكون جزاه الله كل خير
استنى نزول الكارينز وبعدين قرر تجيب ايه
الكارينز من كيا بس دي عربيه 7 راكب زي الرينو مش suv ولا ايه رايكم
سيبك انت وانت وانت الأسبيرانز دي حكاية كفاية الشكل ومقاس العجل ولا كفائة الماتور حاجة روعة يعني من الأخــر أن شاء الله هاجيبها هاجيبها بس أدعولي.
السلام عليكم
لسه كنت فمعرض ابو الفتوح وبشوف التيجو --- العربيه تحفه بجد بس ربنا يستر لان هجيبها بدل التريوس ومحتار بس المقارنه ليها تقريبا وفصالحها
بس يا ترى عشان ارخصها 3 سنين هدفع 1600 *3= 4800 ---؟ بجد مبلغ كبير شويه ياريت بس لو المعلومه صح حد ياكدها وكمان انا سالت ؟ التريوس Glx ولا التيجو؟ ارجو الافاده
هى مصاريف الترخيص للسنه الواحده 1100 يتقل 2% للسنين المتتاليه
يعنى هتلاقى نفسك دافع فى حدود 2900 او شىء من هذا القبيل
مازال بردوا مبلغ
ليه متستناش ال 1600 زيى هتكون فى حدود 300 فى السنه
و يا ترى سألت عليها فى زيارتك ولا لأ
و يا ريت لو تكرمت تقولنا بنيت مقارنتك على ايه
و هل سمعت اى كلام عن العفشه؟؟؟؟
السلام عليكم
المبلغ برضو عالى بس يمشى -- انا لسه جى الثانيه دى من مركز خدمه ليها والمهندس قاللى ان فى مشكله صغيرة حصلت فالباور زى زنة كده واتعالجت --وقاللى انها عربيه كويسه
قابلت شخص راكبها وقفته زنقت عليه بالعربيه ووقفته هههههههههه قلتله قولى بقه الاخبار ---قاللى كويسه جدا والمقارنه لصالحها مع التريوس بقالها معاه حوالى 4 شهور وقلتله لو فى حاجه لقدر الله ادينى رينج على طول وربنا يستر
انا كمان النهارده كنت في ابو الفتوح اسكندريه بسألهم علي التيجو 1600 وقالوا نازله قريب بس مفيش منها اتوماتيك
والله شكلها بقه هترسى ع التريوس لان تقيل التيجو لو بصيتله وبصيت للى اقل منها وهيا اسبرانزا 516 طبعا فرق السما من العمل لان 516 تقفيلها رائع انما التيجو لاء وربنا يوفق
العربية 1600 نازلة شهر 7 وياريت تقفيلها يكون احسن من 200 سى سى
فى حد سمع مشاكل عن العفشة
العفشة كويسة وممتازة مادمت محافظ عليها وبتاخد المطبات بالراحة وتراجع تربيطاتها كل 5000 كم ( مدة الصيانة ) وهى افضل بكثير من انواع سيارات اخرى فى مثل مستواها وارتفاعها ميزة فى شوارع القاهرة مش حتحس بيها اللا لما تركب سيارة سيدان واطية وانا لما كنت فى التوكيل لم اسمع عن اى مشاكل فى العفشة من اصحاب السيارات التيجو ولكنى سمعت عن مشاكل فى ال 1600
تكلفة الترخيص فى العام حوالى1350 بالنامين الاجبارى علشان هى 2000 سى سى لو المبلغ كتير ممكن تستنى الشهر القادم لما ينزل الموديل الجديد فئة 1600 سى سى حتكون ارخص والضريبة حدود 350 جنيه
بس مفيش لسة 1600 نزلت السوق لحد دلوقتى يبقى المشاكل من فين
هل سمعت الكلام دة من بتوع الصيانة؟؟؟
العربية مانيوال ب 80000 الف
ربنا يوفقك يا ابو حبيبه وفعلا ال 2000 سى سى مستهلكه جدا فالوقود يا اما انا عندى مشكله فيها وهشوف التوكيل كده اخباره ايه معايا لان العربيه بمون فيها بحوالى كده 111 جنيه يعنى 60 لتر وممكن امشى بيها حوالى 450 جوه البلد او 500 خارج البلد وربنا يوفقك فال 1600
معلش يا جماعة بالنسبة لل 1600 حد سمع عن اى مشاكل فيها من بتوع الصيانة فى مراكز ابو الفتوح... الكلام دة يفرق جدا
انا لسه مستلم السياره التيجو ال 1600 من 4 ايام
السياره فى المجمل ممتازه انا بركب عربيات من 11 سنه
بس بردوا لما امشى بيها شويه هبلغكم بأذن الله
انا عملت فى حدود 250كم حتى الان
العفشه كويسه طبعا شوارعنا هى اللى مش كويسه
السحب ممتاز بس بردوا مقرصتش علشان لازم تتللين اول 1000 كم
التكييف على اقل درجه بيخللى العربيه تلاجه
زى ما قلت التقييم المبدئى ممتاز
لو ظهرت اى حاجه غير طبيعيه هبلغكم بأذن الله
الف الف مبروك ياباشا على العربية كدة حضرتك اول واحد يستلمها وان شاء الله ربنا يبارك فيها:_Alshmokh22[1]::_Alshmokh22[1]:
مستنى تقييم حضرتك للعربية!هى نفس شكل ال2000 سي سي؟
سعرها فعلا 80000 جم؟ وياريت حضرتك تفيدنا اول باول عن العربية لان فيه ناس كتير و انا اولهم عجبانى جدا العربية دى
مبروك يا استاذ محمد وربنا يكفيك شرها ويعطيك خيرها
يا ريت تفيدنا اول بأول لأن فيه ناس كتير مستنية الآراء عن تجربة وثقة
متشكر جدا جدا على ذوق حضرتك
العربيه هى هى ال 2000 سى سى بالضبط
الفرق الوحيد الكاسيت بقى كلاريون من غير سى دى تشانجر بس جميل جدا
السعر 80000 فعلا بس انا دفعت 1000 زياده علشان استلم علطول
هبلغكم اول باول
و من فضل الجميع لو فى اى سؤال يا ريت يسأل؟
تحياتى للجميع