ايه اخبار الجو معاكم

**Terrible_DaRsH** · 01-03-2009 02:55 AM

حاليا كانت لسه بتمطر صباح يوم الاحد 1/3 وبطلت خلاص ..
واخوكم اخد دور برد زى الفل :)
بس انا عايز اعرف ايه حب الناس فى المطرة !!
هل هو شعور منذ الطفولة ولا منظر ربانى بيشد اى مخلوق ام ماذا !!

**casperinoo** · 01-03-2009 03:28 AM

بس انا عايز اعرف ايه حب الناس فى المطرة !!

مش كلهم ..اعتقد دول مبيحبوش المطره

اللي تلاقيه متغطي ببطانيه قماش قدام الجامع...
و اللي نايم علي ورقه كارتون علي الرصيف..
والعشش الصفيح اللي ملهاش سقف
دول بقي الصيف رحمه ليهم......

ياريت ندعي للناس ديه اثناء المطر ليتولاهم الله برحمته

**pro_samir** · 01-03-2009 03:57 AM

الطريق الزراعى من طنطا لحد كوبرى بركة السبع زى الزفتتتتتتت والكهربا قاطعة
بجد عذاب وكل ما تيجى ورا عربية تلاقى الأزاز اسود مرة واحدة والفوانيس اتنيلت طينة مبقتش تنور كويس اصلا من رزاز الطينة اللى بيطير من عجل العربيات

ويا سلام لو معدى جنب عربية نقل

بجد حاجة غريبة جدا والناس كلها ماشية تحسس وخايفين ومشغلين الفليشر

من بركة السبع الى قويسنا العواميد منورة عادى بس برضو الطريق ظفلطة

وكان فى حادثة واحدة كرولا مخيشة من قدام بس معرفش كانت داخلة فى اية

وشبين مش غرقانة يعنى الدنيا عادى ، مطرت من شوية بس

بس برضو كنت مستمتع بالجو دة

**AhMeD EzZ** · 01-03-2009 10:19 PM

قدرنا بقي يا علا
فين ايام المانيا
كنت مش بقدر اقوم من السرير من السقعة
كانت غية عندي اطفي heater الشقة كلة عشان احس بالسقعة

**mido01050** · 01-03-2009 11:58 PM

طنطا أصبحت بركة كبيرة من الطين بعد شتاء لمدة 3 أيام متقطع , أطول فترة كانت سبع ساعات من المطر المتواصل . الحمد لله كلنا مبسوطين و مهرجان التزحلق على الطين ابتدا والكل مشارك ناس و عربيات

**youssefmustang** · 02-03-2009 01:48 AM

بكره الشتاء بحس انى مسجون كئيب الناس ميتة محدش فى الشارع اللى بيجرى من السقعة واللى عنده برد واللى عنده نزلة شعبية حادة .... الخ
لكن الصيف ده حبيب قلبى الناس ماشية عريانة فى الشارع الناس بتسهر لحد الساعة 8 الصبح والمصايف بقى والبحر والشغل الجامد ده
اخوكم يوسف

**powerofhelll** · 02-03-2009 01:58 AM

اسكندريه بتشتي ثلج

**Terrible_DaRsH** · 02-03-2009 02:12 AM

المشاركة الأصلية كتبت بواسطة youssef_00

بكره الشتاء بحس انى مسجون كئيب الناس ميتة محدش فى الشارع اللى بيجرى من السقعة واللى عنده برد واللى عنده نزلة شعبية حادة .... الخ
لكن الصيف ده حبيب قلبى الناس ماشية عريانة فى الشارع الناس بتسهر لحد الساعة 8 الصبح والمصايف بقى والبحر والشغل الجامد ده

+1111
بس اهتقد حرام نقول بنكره الشتاء وبنحب الصيف لانها كلها ايام ربنا ...
وكمان انا بحب جو الصيف جدااااا و ملابس الصيف كمان خصوصا فى الايام اللى بنزل فيها الجامعة ..

**aratux** · 02-03-2009 09:21 AM

المشاركة الأصلية كتبت بواسطة OlaOsman

هي ليه في الأقاليم كلها بتمطر كتير و بالأيام متواصل و في الزفتة القاهرة دي شوية نقط و تبطل؟

اما صحيح قاهرة

قولى الحمد لله
الشوارع مش ناقصة, كفاية المطبات و البلاعات, كمان عايزة المية تغطى البلاعات دى؟؟؟

الموضوع: ايه اخبار الجو معاكم

LinkBack

أدوات الموضوع

عرض

-

-

-

-

المواضيع المتشابهه

ايه اخبار الفورد معاكم

اية اخبار العصبية معاكم

اية اخبار الكروز معاكم؟

في هذا الجو اللعين ... اية اخبار تكييف العربيات الفيات معاكم ؟

اخبار العمرة ايه معاكم

الكلمات الدلالية لهذا الموضوع

المفضلات

المفضلات

ضوابط المشاركة