الموضوع: وفجئه سمعت صوت ورشة حداد جاى من الكبوت

السلام عليكم
معايا فيرنا 2007

بعد ما عملت بيها 20000كم وانا ماشى لقيت صوت دربكه والعربيه مش عايزة تمشى وتخبيط وصوت تكسير واصوات صاخبه وعاليه جدا . :shock:
انا قلت بس الموتور بقى بدره والفتيس وقع على الارض .
انا كنت قريب من المنصورة اتصلت على صاحبى هناك وجابلى نص نقل وشدنى ورحت لميكانيكى هناك وانا ثاير جدا ومتعصب وحزين عليها وعلى فلوسى والاقساط الى لسه بسدد فيها .
المهم لقيه الميكانيكى قالى اهدى بس يا بيه واستريح على الكرسى قلتله لا ووقف جانبه .
عمل ايه بقى وايه الموضوع
قاعدة الموتور ريحت شويه . بس ادى كل الحكايه

ام جايب حته من كاوتش ومزود القاعده بيها وقالى دور لا قيتها رجعت زى الاصلى واتظبطت وكان لم يكن شئ . كام حسابك قالى ولا حساب ولا حاجه بعد الالحاح انه يقول قالى خمسه جنيه اديته الخمسه جنيه واديت الصبى بتاعه خمسه تانيه ومشيت وانا فى بقول

حسبى الله ونعم الوكيل فيك GH حتى قاعدة الموتور بتضربها .

ملحوظه : الميكانيكى قالى ده عيب مشهور فى الفيرنا . بس انا مسمعتش عن حد اشتكا منه
اسف للاطاله