تطوير عرابيتي اللانسر

**محمد أنور** · 30-08-2007 08:00 PM

طبعا يا جماعة انا معتبركوا زي اخواتي الكبار و كنت عاوز اخد رأيكوا في حاجة
انا معايا لانسر 1600 مانيول مصري فالضمان .. و كنت بفكر جديا اني اقلبها سبورت شيب
بأني اركب جنوط السبورت شيب والسبويلر والزوايد بتوع الاكصدامات ..بس مش هقدر افتح فتحة السقف .. فياريت تقولولي رأيكوا هل الكلام ده هيزود تمن العربية و ايه اللي ممكن يخرجها من الضمان.. أكون ليكوا شاكرا :)

**hatem_badawe** · 30-08-2007 09:58 PM

انا عاوز اعرف منك اية المواصفات بالضبط لو امكن هل في ريموت .
مقاس الجنوط.
واية معني تجهيز كاست بالنسبة للمصرية هل في سماعات ونوعها
معلش هتعبك معايا
الكنبة بتفتح علي الشنطة والاني عاوز اشتري 1600 مانيوال ومش عارف المصرية فرقها اية عن الخليجيية الميزة في كدا

**محمد أنور** · 31-08-2007 03:30 AM

ايه يا جماعة محدش هايقولي رأيوا فالحوار ده واللا اية ؟ عاوز الحق اعمل حاجة قبل ما أنشغل فالدراسة .. عشان الشغل ده عاوز وقت ..
الأخ حاتم بدوي .. العربية نازلة بمفتاح ريموت.. جنوط بلدي 15 وطاسات..
معنى تجهيز الكاسيت يعني كل حاجة موجودة ماعادا الكاسيت .. يعني تشتري الكاسيت من برة و على التركيب وقتي .. و بينزل فيها سماعات بتاعتها مش عارف نوعها بس مرسوم عليها علامة اللانسر و صوتها نقي جدا و حلوة..(على فكرة مبينزلوش فالخليجي)
و فعلا الكنبة بتفتح عالشنطة.. والميزة فالمصري الضمان يعني التوكيل مسئول عن اي عيب صناعة ممكن تلاقيه خلال فترة الضمان و طبعا عفشتها مصممة لطرقنا الجميلة :? وغير كدة تنك البنزين مصمم للبنزين ال90وال92 اللي فمصر..
انا عن نفسي كنت محتار زيك بالظبط وقلت مفيش حاجة كاملة و مفيهاش عيب...الكمال لله وحده.. فاشتريت دماغي و جبت المضمونة اريحلي..واي حاجة بتظهر فيها بروح بيها التوكيل و هما يظبطوها..
ولو عندك اي استفسار انا فالخدمة..
عاوز بأى رأيكوا فالموضوع بتاعي ..

**hazem_khidr** · 31-08-2007 04:34 AM

اكيد اللي حتعمله حيميز العربيه و يعلي من تمنها كمستعمله بتمن الجنوط و الاسبويلر و الحاجات دي انما كون العربيه تخرج من الضمان ولا لاء دي تسالهم شخصيا فيها لحسن التوكيلات بتتلكك

**hamada2010** · 31-08-2007 11:51 AM

مفيش حاجة اسمها تخرج من الضمان والله والله محدش فى اى توكيل يقدر يقول ان عربيتك خارج الضمان

مفيش توكيل بيعملها ابدا دى سمعة توكيل هى لعبة وانت لو عملت اى حاجة فى العربية مفيش مشاكل

يعنى الا انت حتعمله بره لازم يكون عند حد كويس يركبلك ويظبطلك وبلاش الشغل البلدى الا بعض الصنايعية الفاشلين

بيعملوه روح لحد كبير ومش مهم الفلوس انت بتعمل حاجة لنفسك وعربيتك انت الا راكبها

ومتفكرش فى الا انت حتعمله حيزود ولا حيقلل انت معاك عربية زيرو اتمتع بيها زى ما انت عايز

ودى نزاهة ووجاهة انت بتعملها لنفسك لتصبح الى حد ما متفرد عن اصحاب الا نسر الا زيك

وحاجة غريبة اوى ان اصحاب الا نسر وهما ماشيين فى الشارع بيبصوا على عربيات بعض

وكل واحد بيقول من جوه نفسه هو عامل ايه زياده عنى انا مش عامله مخللى العربية حلوه كدا

وكل واحد بيبص على ان الحاجة الا مش فى ايده هى احسن من الا معاه

وفى الا خر اسف على الا طاله :::::::وبالتوفيق

بس برافو عليك انك عايز تهتم بعربيتك ولما تعمل الحاجات الا نتى بتقول عليها حتبقى خطيرة وشكلها جميل
والف مبروك مقدما وانا فى الخدمة

**محمد أنور** · 31-08-2007 04:57 PM

شكرا يا جماعة عالردود وأنتوا شجعتوني فعلا .. واللي هيمييز عرابيتي فعلا ان مفيش عرابية لانسر سبورت شيب و جير مانيول.. فالكلام ده فعلا عاجبني و داخل دماغي بجد.. الف شكر ليكوا..
و لو حد عندوا اقتراحات يساعدني بيها ياريت يقولي و ألف شكر