الموضوع: سوائل لاهل الخبرة

المشاركة الأصلية كتبت بواسطة eslamwega

طيب وبالنسبة للمانويل عادى لو جابت 7 او 8 Rbm ولا ايه ؟

الغيار زي ما الأستاذ تويتي قال
أخره 6500 و الكمبيوتر هايفصل الغيار قبل دخول المنطقة الحمراء
و بعدين هو أنت عايز تعمل 8000 لفة ليه ؟؟ هو حضرتك داخل سباق ؟

على فكرة أقصى قدرة بتطلع من العربية عند 6000 و بيبدأ منحنى القوة الحصانية يقل لو عليت بسرعة الموتور لأكتر من 6000
يعني الدوس فوق 6000 ملوش أي لزمة و كل ده حمل على الموتور و استهلاك بنزين بدون اي داعي

المشاركة الأصلية كتبت بواسطة ahmedsiyam

الاخ الفاضل سعيد بكر

انا عندى ليك سؤال
انت ليينت كام عربية زيرو قبل بكده بنفسك ؟
لان صاحب الموضوع بيسال اهل الخبرة و اشك بصراحة فى ان عربية زيرو يتعمل فيها كده و تعمر معاك

ثانيا يا باشا كتيب التعليمات بتاع العربية اللى انا امتلكها و قراته كلمة كلمة قبل ماعمل بالعربية اى حاجة بيقول ان المفروض تجنب السرعات العالية فى اول 1000 كلم

انا باوجه نظر حضرتك بس ان ردك ممكن الراجل ياخد بيه و فى الاخر هو اللى هايضر لانه بصراحة رد عارى تماما من الصحة



الملحوظة دى انا موافقك عليها

عزيزي الفاضل،

العربية الشاهين اللي معايا حالياً انا اللي ملينها بنفسي، و كان ساعتها عندي 20 سنة بالتمام و الكمال (للصراحة انا و ابويا) و حتى اننا روحنا بيها مركز الصيانة بتاع غمرة و ده كان قبل ما تكمل الألف كيلو، علشان كان في صدا في سقف العربية، المهم كان فيه واحد هناك (طبعا انا لايمكن افتكر اسمه دلوقتي) بس كان شكله راجل خبرة، سألته ينفع ادي العربية الخامس دلوقتي، قالي شوف : اديها اللي انت عاوزه، بس ما تقرصشي عليها، يعني طول ما هي قابلة معاك من غير قرص خليك ماشي.

جايز في الوقت ده كانت الأمور ماشية تمام لأني ايامها كنت بحط فيها بنزين 80 و عن تجربتي البنزين 80 بيخنق العربية شوية، و لكن تقريبا بعد سنة او اتنين يعني 99 ما عدت احطلها غير 90 لأنه بيحسسني بفرق كبير في السحب.