يا ريت تجربة قيادة فيكترا 99 منيوال 1600 سىسى

**elshreef_hemo** · 28-02-2009 05:24 PM

يا ريت اصحاب الفيكترا ال1600 المنيوال يحكولى عن اداء العربية (موديل من 96 ل 99 ) فى التسارع والمناورة والسرعة القصوى والفرامل عن تجربة واقعية
وهل صحيح ان الموديل ده بيتفوق على اللانسر البومة فى السحب والثبات ؟؟؟

**M.Osama** · 28-02-2009 06:30 PM

أولا اهلا بيك معانا ويارب تفضل هنا علي طول

ثانيا مفيش اي وجه مقارنه بين اللانسر والاوبل من حيث الثبات... الأوبل تتفوق بشده وبمراحل كمان

بالنسبه للتسارع هوا معقول بس بيكون في الأول بطئ نسبيا نظرا لتقل جسم العربيه.. انما بعد ال 70 او ال 80 بتلاقي العربيه حتطير من علي الارض

الفرامل ممتازه وهايله وخصوصا لو الـ Abs شغال.. والسرعه القصوي للعربيه انا جايب بيها 200 لوحدي و180 ومعايا 4 افراد والشنطه والتنك مليانين

الثبات مش حتلاقي اثبت من كدا في الفئه السعريه دي

**manabedo** · 28-02-2009 06:49 PM

انا مش حقول غير حاجه
مفيش مقارنه خالص
الفيكترا متعه متعه متعه متعه متعه متعه

**ENG\AHMED** · 28-02-2009 07:09 PM

المشاركة الأصلية كتبت بواسطة elshreef_hemo

يا ريت اصحاب الفيكترا ال1600 المنيوال يحكولى عن اداء العربية (موديل من 96 ل 99 ) فى التسارع والمناورة والسرعة القصوى والفرامل عن تجربة واقعية
وهل صحيح ان الموديل ده بيتفوق على اللانسر البومة فى السحب والثبات ؟؟؟

بالنسبة للانسر والفكترا (بما ان كنت بفكر فى اللانسر يوما ما)
-السحب:الفكترا طلعتها تقيلة لحد التانى من اول التالت خلاص ... اللانسر مسوقتهاش بس اعتقد هتبقى احسن على الاقل فى الاول على اساس اللانسر موتور احدث 16 صمام فى حين الفكترا الموديل دة 8 صمام وكمان اللانسر اخف

-السرعة القصوى : الفكترا جبت بيها 190 ومكانش اخرها ومعلش يعنى مش السرعة القصوى اللى تحدد عليها انهى عربية تجيبها ... انت هتجيب السرعة القصوى دى كام مرة !!

الصاج والامان: فكترا طبعا وبمراحل

الثبات والفرامل : الفكترا"انا كنت سايق 190 بايد واحدة "
بالنسبة للفرامل مجربتش اللانسر بس احب اقولك على اى سررعة فى الفكترا اكبس فرامل بس ولاحظ عداد السرعة والمسافة اللى هتقف فيها العربية ومن غير تعويم

-خامات وتقفيل وفخامة : الفكترا

الفكترا فئة اعلى

شكل:اعتقد الفكترا وبالرغم من مرور 13 سنة على بداية انتاجها شكلها احسن بكتير من عربيات زيرو وبالذات لو العربية متحافظ عليها ولو عايز تعرف الفرق قارنها بعربيات جيلها وشوف فرق التصميم

**tananybasha** · 28-02-2009 10:16 PM

المشاركة الأصلية كتبت بواسطة eng\ahmed

بالنسبة للانسر والفكترا (بما ان كنت بفكر فى اللانسر يوما ما)
-السحب:الفكترا طلعتها تقيلة لحد التانى من اول التالت خلاص ... اللانسر مسوقتهاش بس اعتقد هتبقى احسن على الاقل فى الاول على اساس اللانسر موتور احدث 16 صمام فى حين الفكترا الموديل دة 8 صمام وكمان اللانسر اخف

-السرعة القصوى : الفكترا جبت بيها 190 ومكانش اخرها ومعلش يعنى مش السرعة القصوى اللى تحدد عليها انهى عربية تجيبها ... انت هتجيب السرعة القصوى دى كام مرة !!

الصاج والامان: فكترا طبعا وبمراحل

الثبات والفرامل : الفكترا"انا كنت سايق 190 بايد واحدة "
بالنسبة للفرامل مجربتش اللانسر بس احب اقولك على اى سررعة فى الفكترا اكبس فرامل بس ولاحظ عداد السرعة والمسافة اللى هتقف فيها العربية ومن غير تعويم

-خامات وتقفيل وفخامة : الفكترا

الفكترا فئة اعلى

شكل:اعتقد الفكترا وبالرغم من مرور 13 سنة على بداية انتاجها شكلها احسن بكتير من عربيات زيرو وبالذات لو العربية متحافظ عليها ولو عايز تعرف الفرق قارنها بعربيات جيلها وشوف فرق التصميم

جمعت و اوجزت و لا مجال للكلام

**فادى محمد** · 28-02-2009 11:31 PM

اهلا بيك اولا .. بالاضافه للي اتقال قبل كده . قطع غيارها معمرررره جدا ومش غاليه زي ما الناس فاهمه منها الالماني درجات (شركات)والتايواني والبرازيلي والمصري ...الخلاصه عربيه قيمتها اعلي من ثمنها حلال فيها الفلوس .

**elshreef_hemo** · 01-03-2009 01:50 PM

المشاركة الأصلية كتبت بواسطة tamertamer

لا وجة مقرنة بين الالمانى واليابنى انت اكنك بتقارن بين الارنب والسلحفة
انا بدوس على اللانسر البومة بالعربية 1300 مشدتش مع ال1600

يعنى حضرتك كنت راكب لانسر 1300 ومشدتش مع الاوبل 1600 والا ايه ؟؟؟

**BeroOo** · 01-03-2009 01:53 PM

أنا سوقت فيكترا 99 و لانسر 2009...

* فرامل الفيكترا لا يعلى عليها.. فرامل يعنى فرامل :)
اللانسر (مع انها أحدث بكتير) محتاجة مسافة أكبر للفرملة

* التسارع بتاع اللانسر فى السرعات القليلة أعلى من الفيكترا.. بس بمن أول التالت على الفيكترا خلاص كدة..

* الثبات.. مفيش مقارنة أصلا.. الفيكترا من غير تفكير

يعنى شوف 10 سنين فرق الصنع.. ومع ذلك الفروق دى موجودة!