تسمحولى اشارك؟
الراجل بتاع المبيعات بيتكلم صح لكن هو معرفش يعبر عن فكرته وبالتالى الناس فهمت كلامه حرفيا

الموتور ده علشان 2 كامة فاستجابته للتسارع عالية جدا، مدعوما ببرنامج كونترول بيدعم التسارع بشدة عن طريق ضخ كميات وافرة من الوقود لما الكونترول يحس بحركة حساس وضع باب الهواءThrotle position sensor (TPS) ، يعنى لمسة بنزين بتخلى العربية تسحب بشدة ودى تجربه عارفها كل راكبى الصنى مانيوال واتوماتيك

لكن التسارع ده مش بدون ثمن، لأن كمية البنزين اللى بيستهلكها المحرك فى لحطة التسارع قد تصل الى عشرة اضعاف الكمية التى يستهلكها المحرك فى نفس الفترة الزمنية لو ماشى بسرعة ثابتة، وبالتالى فان فرحتك بقفزة السيارة من على الرض لما تعفق دواسة البنزين لها ثمن هتدفعه لما تدخل محطة البنزين

وعلى ذلك فالرجل يقصد ان رجلك تكون خفيفة على البنزين علشان متوصلش للدرجة اللى تخلى الكونترول يستجيب بدفع كميات وافرة من الوقود، بعبارة اخرى حاول قدر الأمكان انك تمشى بسرعات ثابتة، وتذكر دائما ان التسارع فالفرملة ثم التسارع فالفرملة ثم التسارع فالفرملة ثمنه ليس فقط استهلاك البنزين لكن استهلاك المحرك والجير بوكس والعفشة وآلات الجر، وده مش فى الصنى بس لكن فى اى سيارة اخرى