الموضوع: البطارية نامت

الف شكر ليك و ان شاء الله لما ارجع من عند الكهربائى بكره اقول ايه الاخبار

المشاركة الأصلية كتبت بواسطة m0stafa

الف شكر ليك و ان شاء الله لما ارجع من عند الكهربائى بكره اقول ايه الاخبار

ربنا يوفق ...وأحنا فى أنتظارك للأطمئنان عليك

الدينامو هوة السبب واكيد بسبب المطرة نقط مية جت عليه فحصل يمكن قفلة او حاجة فيه بس متسمعش كلام اللي يقولك ميتصلحش لا بقي يتصلح وسهل جدا ان شاء الله

يا جماعه مش عارف ادور العربية مش بتدور خالص .. مش عارف اروح للكهربائى والعربيه قاطعه النفس

واحد بيقول البطارية نامت تانى وعايزة تتشحن

فى حين انى انا بنور تابلو ونور عالى وواطى و كلاكس ومفيش اى استجابة للمارش
جبت واحد صاحبى بوصله للبطاريه و برضه ادور مفيش اى استجابه ولا صوت
مفيش بس غير تكتكه بس
انا مش عارف اعمل ايه دلوقتى

دة يبقي المارش مش واصلله كهربة او واصلله وهوة معتتل او في تخمين تاني وهوة ان الدينامو يكون قفش عشان كدة مش عايز يلف وسير الدينامو مش عايز يدور ودة احتمال وارد بردو فانت حاول تلف المروحة جامد بئيدك كدة وشوف لو قافشة

المشاركة الأصلية كتبت بواسطة m0stafa

يا جماعه مش عارف ادور العربية مش بتدور خالص .. مش عارف اروح للكهربائى والعربيه قاطعه النفس

واحد بيقول البطارية نامت تانى وعايزة تتشحن

فى حين انى انا بنور تابلو ونور عالى وواطى و كلاكس ومفيش اى استجابة للمارش
جبت واحد صاحبى بوصله للبطاريه و برضه ادور مفيش اى استجابه ولا صوت
مفيش بس غير تكتكه بس
انا مش عارف اعمل ايه دلوقتى

متنساش أنك كنت مكمل مشاويرك أمبارح على البطاريه بسبب عيب الدينامو.....فممكن...... لا ودا أكيد تكون أستنفذت البطاريه وبعد كده مبقتش قادره تدى المارش القدره اللازمه للتدوير النهارده.....

وعلى فكره مش شرط أن الأنوار لما تكون شغاله أن البطاريه تبقى عندها القدره على تدوير المارش ......لأن الأناره بتحتاج حمل ضعيف أما المارش فبيحتاج قدره وأمبير عالى

السلام عليكم

الف شكر استاذ سمير و dr_timo على التوضيح والمساعده وانا الحمد لله شحنت البطاريه تانى ورحت للكهربائى قالى الدينامو عمل قفله واتحرق .. ورحت اشتريت واحد تانى من الشونه وركبته و ما شاء الله الراجل قالى كويس جدا ورجعت العربيه تمام
مش عارف اشكركو ازاى على المساعده ربنا يكرمكو