تحذير من ظبط الإطارات فى محطات البنزين

**maka** · 02-03-2009 01:40 AM

بس هما مش عارفين المال الحرام ما بيدمش ؟؟؟؟؟؟؟؟؟؟؟

وشكرا على التحذير

**KHALED AYMAN** · 02-03-2009 01:40 AM

هههههههه
مفيش ضمير اساسا ...
فى محطه دايما بمون منها و انا جاى من القاهره للمحله بس مش فاكر اسمها ايه بس هقولكو عليه لما افتكره.
كل مره و انا بمون ييجى واحد يغسل الازازا و يقولى على فكره العجلتين الى ادام مريحين جامد اوى زودهم بسرعه من هنا ....
و انا كل مره اقوله مهو انا الى مريحهم كده متشغلش بالك ...
عملو معايا الموضوع ده اكتر من 4 مرات ههههه

**tamertamer** · 02-03-2009 02:51 AM

المشاركة الأصلية كتبت بواسطة THETOP

بصراحة انا لما بسافر اسكندريه بظبط الكاوتش عند بنزينة امارات مصر

اول طريق مصر اسكندريه الصحراوى عند كارفور قبل الكارتة بتاعت البوابة

بجد توحفة فى جهاز هناك توحفة بتكتب الرقم اللى عايز تظبط عليه مثال

بكتب 30 وبحط الخرطوم ونظام شاشة بيقولك الكاوتش متذود على كام ناقص او زيادة

لو زيادة بينقصة ل 30 لو ناقص بيزود على 30

حد جرب قبل كده الموضوع ده ؟!

ويجعله عامر

ايوة انا جربتها من مدة لما كنت بشتغل فى القرية الذكية بصراحة انضف بنزينة فى مصر بدون كلام

**egypt123456** · 02-03-2009 03:30 AM

الاخوه الافاضل
انا قرأت عن نفس الموضوع في احد جرائد السيارات من حوالي سنتين بالاضافة اني اقسم بالله اني شفت ده مرة في محطة بنزين مصر للبترول اللي فش شارع 26 يوليو في الزمالك امام عيني وانا بمون وكان في واحد تاني بيضبط العجل ومن ساعتها بروح الي اي محل كاوتش مش في البنزينة وفي نفس الوقت بنزل من العربية اشوفه وبالممارسة اتعودت اروح واحد جنب البيت كل فترة اضمن
وحسبي الله ونعم الوكيل قلة الضمير في كل حاجة في البلد ربنا يستر

**M.Gamaledeen** · 02-03-2009 08:21 AM

وانا دخلت بنزينة موبيل اللي في الأريزونا - الهرم علشان أكشف ع العجل وفعلا قالي إكسر العجل يمين وبعدها اعدنا نعد ....
1,2,3, .... لغاية عشر خرام في فردة واحدة
وأنا بذكائي قلتله نبص على الفردة التانية
وبعد العد والذي منه, طلعنا بـ 8 خرام في الفردة التانية
ويجعله عامر

**Islam Amer** · 02-03-2009 12:23 PM

شكرا جدا يا تامر

**tamertamer** · 02-03-2009 02:32 PM

انت تأمر يا اسلام باشا والله منور الموضوع مبقاش فى ضمير خالص يارب تكون الناس استفادت عشان محدش يقع فى الحوار دة

**hesham_tawfiq** · 02-03-2009 08:57 PM

المشاركة الأصلية كتبت بواسطة M.Gamaledeen

وانا دخلت بنزينة موبيل اللي في الأريزونا - الهرم علشان أكشف ع العجل وفعلا قالي إكسر العجل يمين وبعدها اعدنا نعد ....
1,2,3, .... لغاية عشر خرام في فردة واحدة
وأنا بذكائي قلتله نبص على الفردة التانية
وبعد العد والذي منه, طلعنا بـ 8 خرام في الفردة التانية

ويجعله عامر

ماهو عمل نفس الحركه معايا بس نفضتله
ابن ال..... كان حاطط موس بين صوابعه وهو بيكشف عالعجله واوال ما شرطلى الكاوتش وقالى عاوز يتلحم اولتله هوووووووووب مش عاوز

**tamertamer** · 02-03-2009 10:51 PM

بص هو مش موس هو عبارة عن ابرة رفيعة متتكسرش بسهولة والناس غلابة

**maka** · 02-03-2009 11:41 PM

المشاركة الأصلية كتبت بواسطة tamertamer

بص هو مش موس هو عبارة عن ابرة رفيعة متتكسرش بسهولة والناس غلابة

هما مين اللى غلابة

الموضوع: تحذير من ظبط الإطارات فى محطات البنزين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تحذير : تغيير الإطارات عشوائيا يؤدى إلى حوادث مميتة

محطات البنزين

إضافة ميزة تحذير الإطارات لسيارات هيونداي وكيا بالبرمجة

محطات غش البنزين

تحذير من محطات موبيل!!

الكلمات الدلالية لهذا الموضوع

المفضلات

المفضلات

ضوابط المشاركة