الجيتز Vs السيريون

**hanyfarrag** · 10-05-2007 10:00 AM

مبروك مقدما وكويس إنك رسيت على السيريون
عربية ماشاء الله عليها (أنا سوقتها وعجبتنى جدا)
وفى حاجة مهمة جدا الأخوة نسيوا يقولها إنها 16 صباب
واالون الأسود شيك جدا

**basma01000** · 14-05-2009 04:10 AM

طيب يا جماعه و انا كمان محتاره اشتري سيريون وان ولا جيتز انا عايزه اراء الناس كلهاااااااااااااااااااااا ااا

**أبو عبدالله** · 14-05-2009 11:38 AM

المشاركة الأصلية كتبت بواسطة basma01000

طيب يا جماعه و انا كمان محتاره اشتري سيريون وان ولا جيتز انا عايزه اراء الناس كلهاااااااااااااااااااااا ااا

السيريون ووان ماتور 1000 سي سي موفر في الأستهلاك البنزين واداء اقتصادي

الجيتز 1600 سي سي يعني استهلاك اعلى للبنزين واداء اعلى من 1000 سي سي اكيد مع فارق استهلاك البنزين
يعني ليست اقتصادية

المهم اولوياتك انتي ايه بالظبط

**abohalmos** · 14-05-2009 11:57 AM

انا من اشد المعجبين بالسيريون
و فرحت اكتر لما نزل منها 1000 سى سى عشان السعر يقل شوية .
و طبعا سيريون للاسباب الاتية :
- عربية 100 % يابابى .......مع ان الكورولا نفسها بقت من جنوب افريقيا.
- توفير رهيب فى البنزين يعنى 425 كم فى الصفيحة بنزين 92 و دى حاجة
مهمة لانه زى مانتى عارفة انه بلدنا مفهاش حاجة مضمونة فى الاسعار يعنى
ممكن نصحى الصبح تلاقى اللتر ب 2 جنيه .
- 4 نجوم فى اختبار الامان الاوروبى و دى حاجة مش هينة و فى غاية الاهمية
- 2 ايرباج و دى العربية الوحيدة اليابانى اللى فيها كده بالسعر ده
- توكيل محترم جدا و لو حضرتك شوفتى منتدى سيريون هاتشوفى قد ايه الناس حابة العربية و بتشكر فيها
- التكييف يابانى و اداء كويس ولا يؤثر على السحب .
- قعدة العربية من جوة واسعة جدا و الركوب و النزول مريح جدا و دى جربتها
بنفسى .
- 4 زجاج كهربا و 2 مرايات كهربا ودى برضه حاجة مش هينة انك تجيب عربية
وفول اوبشن بالسعر ده . و فى ناس شارية 1500 ودافعة حاجة و تسعين الف
ونفس شكل العربية و فارق بسيط فى الكماليات و انتى هاتركبيها ب 70 الف
بس.
- العربية منتشرة برة من سنين و كل الريفيوهات عنها بتشكر فيها لحد 200
الف كم
- شنطة اوسع من الجيتز عاملة 225 لتر .
- العربية ممكن تجيبها تقسيط مباشر من الشركة و كمان فى عرض 5 الاف
مقدم يعنى حلال و بعيد عن شبهات البنوك و قرفها.
- انا شخصيا سوقت الاتوماتيك بتاعها 1300 كانت حكاية و برضه روحت شوفت السريون وان فى المصرية و كان معايا اصدقاء و برطعنا فى الفرجة على العربية . وعجبتنى اكتر و بصراحة طلعت احلى من اللى كان فى بالى
- اختيار موفق جدا و فى رايى ان العربية دى هاتنتشر فى مصر جدا قريب

**basma01000** · 14-05-2009 12:46 PM

المشاركة الأصلية كتبت بواسطة أبو عبدالله

السيريون ووان ماتور 1000 سي سي موفر في الأستهلاك البنزين واداء اقتصادي

الجيتز 1600 سي سي يعني استهلاك اعلى للبنزين واداء اعلى من 1000 سي سي اكيد مع فارق استهلاك البنزين
يعني ليست اقتصادية

المهم اولوياتك انتي ايه بالظبط

شكرا على الاهتمام و الرد
انا معنديش مشكله في السي سي انا كل اللي يهمني شكل العربيه و حجمها و الرفاهيه اللي فيها