هوندا سيفيك 2009

**ahmed_meno** · 06-03-2009 01:57 AM

الاخ حسن مش فاهم يعني ايه ماينفعش اركب فرش جلد؟؟؟
معلش سامحني ياريت توضحلي اكتر ومتشكر ليك جداااااااا

**ahmed_meno** · 06-03-2009 02:11 AM

derba الاخ عندك حق الكامله منها عاليه جدااااا
وممكن اكمل شويه واجيب جيتتا وا جولف..
بس حيكونو فاضيين
والهوندا بصراحه تحفه انا ركبتها بس ماسقتهاش..انا سقت ال 2007
وياريت اللي جربها يقولنا ايه رايه في الموتور والعفشه...
انا سمعت ان الهورس باور 140 دي اشتغاله...مع انها مكتوبه في الكاتالوج بتاع العربيه بس واحد قاللي دي اشتغاله هيا 121 حصان بس..ياريت ياشباب حد يأكد المعلومه دي ..وشكرا للجميع

**wal** · 06-03-2009 03:55 AM

الزينون حلو جدا بس هو فى النور الواطى فقط وليس العالى وبالنسبة لعدم امكانية تركيب فرش جلد فى الموديل vti وذلك بسبب وجود عدد 2 ايرباج فى المقاعد الامامية بخلاف الموجودين فى التابلوة يعنى الايرباج فى حالة حدوث اى حادثة جامدة لاقدر الله بيفتح من المقاعد وبذلك عند تركيبك للفرش الجلد هتمنع الايرباج من الفتح فى حالة حدوث خطر واكيد التوكيل مش هيخليك تركب فرش على الكراسى الامامية ولو انت ركبتهم هيخرجلك العربية من الضمان

**kemo0o** · 06-03-2009 04:20 AM

الاخ عندك حق الكامله منها عاليه جدااااا
وممكن اكمل شويه واجيب جيتتا وا جولف..
بس حيكونو فاضيين
والهوندا بصراحه تحفه انا ركبتها بس ماسقتهاش..انا سقت ال 2007
وياريت اللي جربها يقولنا ايه رايه في الموتور والعفشه...
انا سمعت ان الهورس باور 140 دي اشتغاله...مع انها مكتوبه في الكاتالوج بتاع العربيه بس واحد قاللي دي اشتغاله هيا 121 حصان بس..ياريت ياشباب حد يأكد المعلومه دي ..وشكرا للجميع

2007 نفس 2009 في كل حاجةو مع اختلاف الشكل والصالون قليلا
الموتور ممتاز جدا جدا والعفشة كويسة بس ناشفة حبتين
الهورس باور 125 حصان

لو في دماغك بصحيح وعاوز موتور واداء كويس ممكن برضه تفكر في الجيتا Tsi

**mr_joooe** · 06-03-2009 04:59 AM

المشاركة الأصلية كتبت بواسطة Hassan

على فكرة فى الموديل الكامل لا يمكن تركيب فرش جلد نظرا لوجود الاير باج فى الكراسى

ازاى ياباشا ...؟؟
انا معيا 2009 4 ايرباج جبتاها من شهر وكنت هركب فرش جلد وسالت عن موضوع الايرباج اللى فى الابواب أصحابى قلولى فى ناس بتراكبو عادى ..لأن فى ناس بتركب فى بى ام ومرسيدس بنفس المواصفات.
انا الفرش بتاعى بيج وفاتح جدأ لدرجت انة بدا يتوسخ قبل حتى ماشيل الاكياس اللى على الكراسى....

**Hassan** · 07-03-2009 07:05 PM

يوجد عدد 2 ايرباج فى المقاعد الا مامية بخلاف الموجودين فى التابلوة يعنى الايرباج فى حالة حدوث اى حادثة جامدة لاقدر الله بيفتح من المقاعد وبذلك عند تركيبك للفرش الجلد هتمنع الايرباج من الفتح فى حالة حدوث خطر ,لذلك التوكيل يمنع تركيب فرش جلد فى هذة الفئة

**ahmed_meno** · 07-03-2009 07:42 PM

شكرا للجميع...
بس شباب على فكره في موديل تاني نازل بفتحة سقف وفرش جلد..
ياترى عالجو الموضوع بتاع الايرباج ده ازاي....ماهو فرش جلد برضو
وشكرا

**wal** · 08-03-2009 01:39 AM

الموديل اللى بيكون فية فرش جلد اصلى بيكون هو دة فرش الكراسى نفسها زى الفرش القماش الاصلى لاى سيارة يعنى مش متركب على فرش قماش او خلافه وبالتالى بتكون الايرباج موجودة بداخلة زى ماهي موجودة داخل الموديل بالفرش القماش

**mr_joooe** · 09-03-2009 05:11 AM

المشاركة الأصلية كتبت بواسطة wal

الموديل اللى بيكون فية فرش جلد اصلى بيكون هو دة فرش الكراسى نفسها زى الفرش القماش الاصلى لاى سيارة يعنى مش متركب على فرش قماش او خلافه وبالتالى بتكون الايرباج موجودة بداخلة زى ماهي موجودة داخل الموديل بالفرش القماش

المشاركة الأصلية كتبت بواسطة Hassan

يوجد عدد 2 ايرباج فى المقاعد الا مامية بخلاف الموجودين فى التابلوة يعنى الايرباج فى حالة حدوث اى حادثة جامدة لاقدر الله بيفتح من المقاعد وبذلك عند تركيبك للفرش الجلد هتمنع الايرباج من الفتح فى حالة حدوث خطر ,لذلك التوكيل يمنع تركيب فرش جلد فى هذة الفئة

يا باشا انا عارف الكلام دة ...وعارف مكان الأيرباج فين فى الكراسى...أنا اعراف ناس اصحابى مركبين فرش جلد فى أوكتفيا وفيها 10 ايرباج وفيها بردوا فى الكراسى ...انا اعتقد ان الايرباج موجودة فى الجزء البلاستك اللى وارا الكراسى وانا كنت هركب الفرش فى الكراسى من غير مركب فى الجزء دة يعنى هغطى الجزء القماش بس.....بس انا بردوا مش هعمل كدة غير لما اسأل فى التوكيل الاول..

**wal** · 10-03-2009 01:52 AM

يا استاذ mr joooe انا نفسى برضه يكون ينفع يتركب فرش جلد فى الكراسى اللى فيها ايرباج بس هو للاسف مينفعش انا اساسا بفكر اغير عربيتى ومن العربيات اللى عجبتنى كانت الفورد فوكاس بس الموديل اللى بفرش جلد كان غالى فقلت اجيب الموديل اللى قبلة واركب انا الفرش الجلد بس لقيت مندوب المبيعات فى التوكيل بيقولى ماينفعش تركب اى فرش فى العربية علشان الايرباج اللى فى الكراسى وكنت اول مرة اعرف اصلا ان فى ايرباج بتبقى موجودة فى الكراسى الامامية انا كنت فاكران الايرباج الجانبية بتبقى موجودة فى القوايم عند حزام الامان بس معرفش بقى طلعتلنا منين موضوع الكراسى دة ونفس الكلام حصل وانا بتفرج على السوبارو الامبريزا الكاملة 2009 فى التوكيل قالى برضة ماينفعش تركب فرش علشان الايرباج فى الكراسى واكيد توكيل الهوندا هيبقى زيهم وللى مركب فرش فى الحالات دى اكيد بيكون على مسئوليتة الشخصية لان محدش هيمنعك دى عربيتك وانت براحتك واسف للاطالة