الموضوع: لازم نتكلم بصراحه عن frv

المشاركة الأصلية كتبت بواسطة Ramy7_7

التصميم بتاع شكل الكابوت حاجة و فارق الحز وعوجت الكابوت حاجة تانية خالص أما التصميم بتاع الكابوت جميل جدا وشيك قوى وشبابي موووووووووووووت بس لو قفلوه بضمير شوية كانت هتبقى ما فيهاش غلطة
بس أخ مشمش هو اللى مش قادر يفهمنى
يا جماعة والله الحز موجود والكابوت فى لوحة شوية من الناحية الشمال إلى اليمين مع عقارب الساعة
وتلاقى طرف الكابوت من عند الفانوس داخل على الفانوس

الأخ الفاضل رامى
صدقنى احنا مش بنسرد العيوب علشان نعطى الحق علشان العربية يبقى فيها عيب فى الكبوت المقصود ان الفروق دى موجوده فى التصميم يعنى مثلا لو بصيت على شنطة الأكتافيا واظن دى مفيهاش غلطة حتلاقى الشنطة مفارقة عن جسم السيارة 4 ميلى وده فى التصميم ...
الأمر الآخر وصلنى كلامك ان ك بتقصد ان الكبوت الحز الجانبى بتعاها مش مظبوط يعنى مثلا من ناحية المراية مثلا الخلوص 2مم وبعدين يكون عند الفانوس توصل مثلا 3مم فيبقى الكبوت معوج أو مجنح زى كلام السوق أظن ده قصدك لكن مع احترامى لوجة نظرك إلا ده مش قاعده لأن اتجاه الرؤية للكبوت ممكن تختلف لو بتبص من اليمين أو الشمال والأسلم انك تقيس ببوكليز وتشوف الخلوص بنفسك ..
وبالنسبالى فعربيتى كبوتها مظبوط على حوض الموتور ولو افترضنا جدلا ان فى حيود بسيط ولو 1/2 مم ده ميعبش فى شئ لأن معلش فى حاجة اسمها جوده بتستلم العربية وعندها سماحيات فى الإستلام وده شئ عالمى لأن الحيود ليه نسبة وإلا الكبوت مش حيقفل كويس وحيبقى ليه صوت مع الحركة..
وبحكم شغلى كمهندس مشتريات وبنستورد حديد من الخارج عاوز اقولك ان فيه سماحية وانا بستورد حديد بنسب تصل ل 10% فى الأطوال والسمك ومينفعش تستورد حديد إلا اذا اقريت بالسماحية فى بنود اعتماد الإستيراد.
ومثال آخر وهو عند تصنيع المعالج الخاص بالكمبيوتر وهذه صناعة دقيقة جدا وكلها كمبيوتريز مفهاش تدخل بشرى انت تعرف انهم وهما بيصنعوا شريحة المعالج مبيبقوش محددين سرعتها ولكن بعد تصنعها وعلى قدر نقائها بيحددوا سرعة الشريحة على درجة استقررها يعنى السماحية موجوده والمقصود أن الكمال لله وحده ولا توجد قيم سليمة بنسبة 100% فى الصناعة ...
آسف على الإطالة ولكن لا تنخدع من الشكل الخارجى فعيب الصناعة أمر وارد وحقيقه مسلم بها وموجوده ومعترف بها ولا يعيب الصناعة فى شئ أن يوجدبها نسبة معيوبة ...
وهذا الأمر موجود لدى كبرى صناع السيارات فى العالم
ويجب أن نقنع بذلك...
ارجوا ان تعلم اننى احترم وجهة نظرك وحرصك على اختيارك ولكن لتعلم ان الكمال لله وحده...
وهذه السيارة فى تلك الفئة السعرية هى الأفضل بلا تحيذ تقبل تحياتى ومداخلتى وسامحنى على الإطالة.

المشاركة الأصلية كتبت بواسطة ezzatfox

الموضوع مش كام عربية ب8000 فيها وسائد هوائية وكام عربية فيها ABS-EBD
ما انا ممكن قوى اقولك الاسبيرانزا ب 68000 يعنى ارخص 12000 و فيها اير باج و abs-ebd و اقدم من ال frv فى السوق و الموتور اللى راكب فيها من صنع شركة val النمساوية بعكس ال frv اللى ماتورها صناعة صينية .
عندك كمان البولو سيدان فيها كل حاجة و ب 85000 و عشان يوصلوها للسعر دة صنعوها فى الصين تحت اشراف مهندسين من شركة فولكس فاجن.
و عندك كمان السكودا رومستر صالونها اد ال frv مرتين و فيها كل حاجة و عربية المانى و ب 87000 .
اللى انا عايز اقولة ان ال 80000 دول مش قليلين بالنسبة لسيارة مصنعة فى الصين بالكامل
و مع ذلك انا لا اهاجم العربية او الصناعة الصينية و اتمنى ان تثبت الايام انها عربية جديرة بالاحترام و لكن لى تحفظ على سعرها حاليا
و تقبل احترامى

سيدى الفاضل لم اقصد أنه لا توجد سيارات ليس فيها مواصفات ال FRV ولكن قصدت أنها ليست بالكثير
الأمر الآخر لما نقلل من قدر السيارة وان هذا المبلغ كثير عليها وهذا ما أحاول توضيحه من واقع التجربة السيارة ما شاء الله راااائعة وصدقنى وليس دفاعا عنها وليست لأنها معى ولكن احقاقا للحق .