ياجماعه انا مش مصدق نفسي!!! في كده؟؟لازم الناس كلها تعرف ايه هي ال roomster

**semihuman** · 04-03-2009 11:10 AM

يا جماعه انا شوفتها في المعرض الي في مدينه نصر
بصراحه مش فاكر العنوان بس انا جبته من الدليل

لازم تروحو تشوفوها بجد
لاني مضايق قوي و عايز اجيبها و نفسي تنتشر
تخيلو مثلا FRV الصيني عربيه حلو وشكلها جامد و هي كويسه حسب كلام الي جربوها تمناها كام حوالي 75 الف علي الاقل ان مكانش اكتر

طيب انتو بتتكلمو عن عربيه زي roomster ماتورها الماني و تصنعيها بجد تحفه و اغلي بتاع12 الف جنيه بس و تشتري نفسك و تجيب عربيه معمره

طيب في ناس اكيد هتقول شكلها مش حلو
هرد روح شوفها و بعدين احكم

الي مخليني بقي بدافع عنها هي اني لما دخلت علي النت عشان اقري اي معلومات عن العربيه الصيني او اراء من الناس الي جربوها ملقتش خالص بالنسبه للمواقع الاجنبيه المشهوره زي top gear
فبدور بقي علي roomster
حدث و لاحرج كل الاختبارات فيها كويسه
خصوصا الامان وخده خمسه من خمسه
وفيها ايرباج و ABSووسعه جدا
يارب ترخص كمااااااااااااااان عشان تبقي الاكثر انتشارا

**sh23** · 04-03-2009 12:12 PM

المشاركة الأصلية كتبت بواسطة venus-doom

فعلا و هى يعنى الماتريكس شكلها حلو ؟؟؟
والله انا نفسى اعرف الناس هنا بتشترى عربيات على اساس ايه مش عارف ؟؟

*لو لم تختلف الأراء لبارت السلع

**sakrquraish** · 04-03-2009 03:20 PM

يا جماعة هي اكبر من الماتريكس بكتير حجم شنطتها 450-530 لتر في حين الماتريكس لا تزيد عن 300 لتر الماتريكس, اللي مكبر شكل الماتريكس ان سقفها عالي الماتريكس تعتبر بين الرومستر و الفابيا

**abou_ruqi** · 04-03-2009 03:25 PM

يا جماعة لازم تدخلوا الموضوع ده عن الرومستر

**abou_ruqi** · 04-03-2009 03:32 PM

http://www.nilemotors.net/Nile/showthread.php?t=60639

**ooso28** · 04-03-2009 05:50 PM

هيا الرومستر في منها اوتوماتيك عادي واوتوماتيك تيب ترونيك ولا الاوتوماتيك كلو تيبترونيك

**CryptonX** · 04-03-2009 06:13 PM

متزعلش نفس اوي كدة :)

انا لا عجباني الرومستر و لا عجباني الماتركس :)

بس علشان خاطرك رحت التوكيل بتاع سكودا .

المهم شفت الرومستر يا سيدي .. سيارة جيدة مش وحشة و مش وهمممممممية اوي كدة بصراحة !

الي ضايقتني اوي مع اني كنت متوقع اتوهم .. هي الفابيا الي مسمينها ميني قالي يعني ميني كوبر .. السيارة شكلها " مفعصة " و مش حلوة خالص في راي .. و من جوه اسوأ !

يعني اختها الي بتببني علي نفس المحرك و الشاسيه ( الابيزا و البولو ) احلي الف مرة !

اذواق بقى .

ارجع لموضوعنا . حضرتك بتقول الماتركس ليه منشري اكتر .. حضرتك سالت علي قطع غيار الماتركس او بصيت علي كم محل عنده قطع غيار ماتركس ؟ او كام مركز صيانة ليهونداي في القاهرة ؟

حلو .. ا رجع بقى اسال نفس الاسئلة للرومستر .. حتلاقي قطع الغيار " الالماني " اغلي من 60 الى 160% - محلات قطع الغيار ( سالت في شارع دمشق ) مفيش حد سمع عن العربية اصلا ! و مراكز الصيانة اتنين تقريبا في القاهرة !

بس ده لا يقلل من العربية في شيء .. الدور و الباقي علي التوكيل بقى .