ياجماعه انا مش مصدق نفسي!!! في كده؟؟لازم الناس كلها تعرف ايه هي ال roomster

انا مش عارف ابتدي بأيه
انا شوفت العربيه النهارده في المعرض
بجد العربيه دي بهرتني
حد سمع عن الجوده الالماني؟
العربيه دي بجد بجد تحفه
تخيلو ارخص من الماتريكس و كمان ايه دي اوربي و ماتور الماني
انا هتنقط ازاي العربيه دي مش متنشره ازااااااااي؟؟؟
ياجماعه العربيه دي احسن من الماتريكس مليون مره و مش بس كده دي احسن من اللوجان MCV
مش مصدقني؟؟
تعالو نشوف المواقع العالميه بتقول ايه ؟
http://www.autozeitung.de/node/92532...esamtbewertung
مقارنه و هي رقم واحد
كفايه انها واخده 5 من 5 في اختبارات الامان
مشكلتها يمكن شكلها بس انا شايفها بجد حلوه قوي
علي سعرها 87الف بس!! سكودا بالسعر ده؟؟؟
بصوا المواقع بتقول رايهم فيها؟؟
http://www.topgear.com/uk/skoda/roomster
http://www.parkers.co.uk/cars/review...ster-2006.aspx
http://www.channel4.com/4car/rt/skoda/roomster/682/2
طيب بيقولو ايه عن الماتريكس؟
http://www.parkers.co.uk/cars/review...trix-2001.aspx
مش بالزمه حاجه تضحك؟؟؟
لما الماتريكس منتشره كده و هي اصلا تعبانه!!
والناس رايحه تشتري عربيات صيني!!
طيب زود 10تلاف وهات عربيه الماني
ياجماعه انا هتجنن الناس ازاي بتفكر كده
هيقولك شكلها وحش
علي الاقل عمليه جدا جدا جدا
عموما انا بفكر فيها جديا بس خايف من قله انتشارها
بس باذن الله هتوكل واجيبها

بالنسبة للاسعار الحالية سعرها قليل عليها
وهيا تستاهل اكتر من كدة
وشكلها من الخلف بس اللي مش حلو
يعني الاتريكس شكلها حلو يعني
ارزاااااااااااااااااااااق

فعلا و هى يعنى الماتريكس شكلها حلو ؟؟؟
والله انا نفسى اعرف الناس هنا بتشترى عربيات على اساس ايه مش عارف ؟؟

والل مش مقتنع يشوف بعينو مين احسن
http://foto.autozone.be/fotoseurotax...-2006-5071.jpg
http://images.paultan.org/images/200...Facelift_1.jpg

اما دي عاملة ازاي
http://www.caradvice.com.au/wp-conte...oomster003.jpg
http://www.caradvice.com.au/wp-conte...oomster006.jpg

مخالفة القاعدة 6ب من قواعد المنتدى

إدارة المنتدى - 3

ممكن الناس متكش عجبها العربية عشان شكلها مش تقليدي ومش وخدين علية بس متخفش لو كانوا الناس مبيتعودوش مكنش حد اشتري الادا والبلونييز والشاهين
بكرة الناس تحبها وتاخد علي منظرها

مين قال إنها أرخص من الماتريكس و بـ 87 الف !!!!

العربية دى بـبدأ بـ 110 الف لحد 147 الف !!

اقتباس:

---

المشاركة الأصلية كتبت بواسطة semihuman

علي سعرها 87الف بس!! سكودا بالسعر ده؟؟؟

---

هى طبعا عربيا ممتازة وافضل وامتن من الماتريكس . بس على ما أظن ان سعرها بيبدأ ب 110 للمانوال ويوصل ل 147 لل FO
على الاقل ده اللى مكتوب فى contactcars.

حضرتك شوفتها فى اى معرض؟ و اية الموديلات المتوفرة منها؟

انا معجب بيها - بس ايه مدى توفر قطع الغيار و الصيانة؟

اقتباس:

---

المشاركة الأصلية كتبت بواسطة h_hezzah

هى طبعا عربيا ممتازة وافضل وامتن من الماتريكس . بس على ما أظن ان سعرها بيبدأ ب 110 للمانوال ويوصل ل 147 لل FO
على الاقل ده اللى مكتوب فى contactcars.

---

فيه تخفيض مش قليل فى سعرها
انا مقتبس من الاخ Dr_druggist

http://www.nilemotors.net/Nile/showthread.php?t=55862

والاسعار :

Roomster Style M/T 87000
Style A/T 114000
Sport M/T 114900
Comfort Tiptronic 129000

يا جماعه انا شوفتها في المعرض الي في مدينه نصر
بصراحه مش فاكر العنوان بس انا جبته من الدليل

لازم تروحو تشوفوها بجد
لاني مضايق قوي و عايز اجيبها و نفسي تنتشر
تخيلو مثلا FRV الصيني عربيه حلو وشكلها جامد و هي كويسه حسب كلام الي جربوها تمناها كام حوالي 75 الف علي الاقل ان مكانش اكتر

طيب انتو بتتكلمو عن عربيه زي roomster ماتورها الماني و تصنعيها بجد تحفه و اغلي بتاع12 الف جنيه بس و تشتري نفسك و تجيب عربيه معمره

طيب في ناس اكيد هتقول شكلها مش حلو
هرد روح شوفها و بعدين احكم

الي مخليني بقي بدافع عنها هي اني لما دخلت علي النت عشان اقري اي معلومات عن العربيه الصيني او اراء من الناس الي جربوها ملقتش خالص بالنسبه للمواقع الاجنبيه المشهوره زي top gear
فبدور بقي علي roomster
حدث و لاحرج كل الاختبارات فيها كويسه
خصوصا الامان وخده خمسه من خمسه
وفيها ايرباج و ABSووسعه جدا
يارب ترخص كمااااااااااااااان عشان تبقي الاكثر انتشارا

اقتباس:

---

المشاركة الأصلية كتبت بواسطة venus-doom

فعلا و هى يعنى الماتريكس شكلها حلو ؟؟؟
والله انا نفسى اعرف الناس هنا بتشترى عربيات على اساس ايه مش عارف ؟؟

---

*لو لم تختلف الأراء لبارت السلع

يا جماعة هي اكبر من الماتريكس بكتير حجم شنطتها 450-530 لتر في حين الماتريكس لا تزيد عن 300 لتر الماتريكس, اللي مكبر شكل الماتريكس ان سقفها عالي الماتريكس تعتبر بين الرومستر و الفابيا

يا جماعة لازم تدخلوا الموضوع ده عن الرومستر

http://www.nilemotors.net/Nile/showthread.php?t=60639

هيا الرومستر في منها اوتوماتيك عادي واوتوماتيك تيب ترونيك ولا الاوتوماتيك كلو تيبترونيك

متزعلش نفس اوي كدة :)

انا لا عجباني الرومستر و لا عجباني الماتركس :)

بس علشان خاطرك رحت التوكيل بتاع سكودا .

المهم شفت الرومستر يا سيدي .. سيارة جيدة مش وحشة و مش وهمممممممية اوي كدة بصراحة !

الي ضايقتني اوي مع اني كنت متوقع اتوهم .. هي الفابيا الي مسمينها ميني قالي يعني ميني كوبر .. السيارة شكلها " مفعصة " و مش حلوة خالص في راي .. و من جوه اسوأ !

يعني اختها الي بتببني علي نفس المحرك و الشاسيه ( الابيزا و البولو ) احلي الف مرة !

اذواق بقى .

ارجع لموضوعنا . حضرتك بتقول الماتركس ليه منشري اكتر .. حضرتك سالت علي قطع غيار الماتركس او بصيت علي كم محل عنده قطع غيار ماتركس ؟ او كام مركز صيانة ليهونداي في القاهرة ؟

حلو .. ا رجع بقى اسال نفس الاسئلة للرومستر .. حتلاقي قطع الغيار " الالماني " اغلي من 60 الى 160% - محلات قطع الغيار ( سالت في شارع دمشق ) مفيش حد سمع عن العربية اصلا ! و مراكز الصيانة اتنين تقريبا في القاهرة !

بس ده لا يقلل من العربية في شيء .. الدور و الباقي علي التوكيل بقى .

اقتباس:

---

نا لا عجباني الرومستر و لا عجباني الماتركس :)

بس علشان خاطرك رحت التوكيل بتاع سكودا .

المهم شفت الرومستر يا سيدي .. سيارة جيدة مش وحشة و مش وهمممممممية اوي كدة بصراحة !

الي ضايقتني اوي مع اني كنت متوقع اتوهم .. هي الفابيا الي مسمينها ميني قالي يعني ميني كوبر .. السيارة شكلها " مفعصة " و مش حلوة خالص في راي .. و من جوه اسوأ !

يعني اختها الي بتببني علي نفس المحرك و الشاسيه ( الابيزا و البولو ) احلي الف مرة !

اذواق بقى .

ارجع لموضوعنا . حضرتك بتقول الماتركس ليه منشري اكتر .. حضرتك سالت علي قطع غيار الماتركس او بصيت علي كم محل عنده قطع غيار ماتركس ؟ او كام مركز صيانة ليهونداي في القاهرة ؟

حلو .. ا رجع بقى اسال نفس الاسئلة للرومستر .. حتلاقي قطع الغيار " الالماني " اغلي من 60 الى 160% - محلات قطع الغيار ( سالت في شارع دمشق ) مفيش حد سمع عن العربية اصلا ! و مراكز الصيانة اتنين تقريبا في القاهرة !

---

من الااااااااااااااااااااااا اااااخر

اسعارها إيه يا كريم دلوقتى

أنا عارف إن فرع التوكيل فاتح عند بيتك :)

اقتباس:

---

المشاركة الأصلية كتبت بواسطة Sharky

اسعارها إيه يا كريم دلوقتى

أنا عارف إن فرع التوكيل فاتح عند بيتك :)

---

87 و 114 و 115 و 124

والله انا شايف انها افضل من الماتركس
بس تعالى بيع :الماتركس طيارة فى البيع
قطع الغيار : منتشرة ورخيصة جدا (الماتركس)
الشكل : ازواق

وبعدين الشعب المصرى بيجرى ورا العربية المنتشرة مش بيحب يجرب
ولو سعرها نزل سنة بسيطة هتتباع طيارة مع شوية دعايا

هتنتشر هتنتشر
عربيه وسكودا ب 87الف
صبرا جميلا

اقتباس:

---

المشاركة الأصلية كتبت بواسطة Sharky

اسعارها إيه يا كريم دلوقتى

أنا عارف إن فرع التوكيل فاتح عند بيتك :)

---

ماشي يا شاركي .. ماشي :)

---

انا مسالتش علي اسعارها غير اني اتاكدت ان في نسخة ب 87 فعلا بس الي معروضة كانت اوتوماتيك .

it looks more like cargo car

على فكره يا جماعه قطع غيار الرومستر مش غاليه اوى زى ما بتقولو ....
يعنى مش ازيد ب 160% من الماتريكس ولا حاجه ..
اصل ارتوك اوتو مش عبيط يعنى علشان يعمل كده ..
و موضوع غلو قطع غيار سكودا عموما انا شايفه مش صحيح ..
هقولكو مثال بسيط خااااالص :
الاوكتافيا فئه اعلى من الاسترا 2006 السيدان (برازيلى) صح ؟؟
فانوس الاسترا ب 900 جنيه (برازيلى) .
فانوس الاوكتافيا انا قارى هنا كذا موضوع بياكد انه ب 600 جنيه !!!!
و قيس على كده باقى قطع الغيار ...
عموما انا ان شاء الله هسال على الرومستر دى و اشوف اسعار قطع الغيار ...
هى اه هتكون اغلى من هيونداى بس مش الفرق ده كله يعنى ...

وفى الاخر اذوااااااااق و مش كل الناس هتشترى رومستر ولا كل الناس هتشترى ماتريكس .

بيقولو فانوس الروم ستر ب 450جنيه في التوكيل و الله اعلم

ياباشا اكيد قطع غيارها اغلى بكتير من الماتركس

اقتباس:

---

المشاركة الأصلية كتبت بواسطة NaviGator_13

ياباشا اكيد قطع غيارها اغلى بكتير من الماتركس

---

انا معاك يا باشا انها اغلى بس معتقدش بكتير اوى و كمان فى نقطه :
هو العمر الافتراضى واحد ؟؟
يعنى لو انا جبت كوبلن رومستر فرضا يعنى ب 3000 جنيه و جبت كوبلن ماتريكس فرضا برده ب 1500 جنيه !!!
ده هيعد زى ده ؟؟
لو بتاع الرومستر اعد 100000 كم مثلا يبقى بتاع الماتريكس هيعد 50000 كم ...
لان الفلوس الزياده الى ادفعت مش على الفاضى ....

كلام صحيح و فعلا الحاجه الغاليه تمنها فيها

اقتباس:

---

المشاركة الأصلية كتبت بواسطة semihuman

كلام صحيح و فعلا الحاجه الغاليه تمنها فيها

---

فعلا الغالى تمنه فيه - و انا معجب بالعربيه جدا و اتمنى اشتريها لكن من اهم الاشياء هى خدمة ما بعد البيع

هل مركز الخدمة جيد ؟ على حد علمى هو مركز واحد فقط فى شارع ترعة الجبل عند دير الملاك. علشان كدة اعتقد انة هيكون زحمة جدا

هل قطع الغيار متوفرة - فى المركز و برة المركز؟

انا شخصيا مقتنع ان لو ارتوك اوتو غيروا من سياستهم التسويقية و اهتموا بزيادة مراكز الخدمة او حتى الاتفاق مع مراكز خدمة لجعلها مراكز معتمدة فى اماكن مختلفة مع توفر قطع العيار بهذة المراكز لكان للعربية دى شأن اخر فى مصر

اللى انا شايفة انهم مهتمين الى حد ما بالاوكتافيا فقط

انا هديلك مثل
الكبالن بتاع عربيتي قعدت معايا 14 سنة
اللي جاي فيها
لما جيت اغيره لقيت نوع صيني الجوز ب250 و نوع المانيالجوز ب1000 جنيه
الميكانيكي قالي الصيني مضمون و كده
و الحمد لله قعد معايا شهرين بس و تعيش انتا
و متضطر دلوقتي اجيب الالماني اللي اوفرلي بكتير من الصيني مع عامل الزمن
في الاخر قطع الغيار الغالية تمنها فيها بجد و بتعيش كتير جدا

اقتباس:

---

المشاركة الأصلية كتبت بواسطة halloween

فعلا الغالى تمنه فيه - و انا معجب بالعربيه جدا و اتمنى اشتريها لكن من اهم الاشياء هى خدمة ما بعد البيع

هل مركز الخدمة جيد ؟ على حد علمى هو مركز واحد فقط فى شارع ترعة الجبل عند دير الملاك. علشان كدة اعتقد انة هيكون زحمة جدا

هل قطع الغيار متوفرة - فى المركز و برة المركز؟

انا شخصيا مقتنع ان لو ارتوك اوتو غيروا من سياستهم التسويقية و اهتموا بزيادة مراكز الخدمة او حتى الاتفاق مع مراكز خدمة لجعلها مراكز معتمدة فى اماكن مختلفة مع توفر قطع العيار بهذة المراكز لكان للعربية دى شأن اخر فى مصر

اللى انا شايفة انهم مهتمين الى حد ما بالاوكتافيا فقط

---

على فكره يا باشا هى ليها اكتر من مركز واحد فى القاهره واحد منهم ارتوك اوتو نفسه والباقى معتمدين منه .
انا روحت واحد منهم و هو ارتوك اوتو نفسه و ده الى فى غمره بصراحه هو اه زحمه بس مش بتفضل ملطوع مستنى العربيه ولا الكلام ده لالالا..
انت بتسلم العربيه من على الباب و تطلع الاستراحه تعد فوق (استراحه محترمه ) و لما العربيه بتخلص بيجيلك يقولك و مش بيأخروها اوى يعنى عادى زى اى توكيل لان هناك فى نظام ..
حاليا بروح الى فى اسكندريه على الصحراوى(نور الدين شريف ) و ده برده مركز زى الفل و مفيهوش مشاكل و ببرده بتسلم العربيه و تعد فى الاستراحه و فى نت wireless :S_thum1[1]: ههههه و العربيه بتخلص على طول برده ..

موضوع ان الوكيل وحش انا مش مقتنع بيه بصراحه لانى جربتهم كتيييييير ...

بالنسبه لتوسيع شبكه مراكز الخدمه فهم فعلا بدأو فيه :
1-مركز عقل (معتمد) و ده على طريق المحله طنطا ...(بس انا مش بروحله و بروح اسكندريه).
2-مركز خدمه ضخم لسكودا فى العبور و بيقولو اكبر مركز خدمه لسكودا فى الشرق الاوسط ..

اعتقد كده الوكيل عداه العيب ...

جزاكم الله خيرا موضوع جامد ونقاش مفيد
بالتوفيق يا شباب

اقتباس:

---

المشاركة الأصلية كتبت بواسطة venus-doom

على فكره يا باشا هى ليها اكتر من مركز واحد فى القاهره واحد منهم ارتوك اوتو نفسه والباقى معتمدين منه .
انا روحت واحد منهم و هو ارتوك اوتو نفسه و ده الى فى غمره بصراحه هو اه زحمه بس مش بتفضل ملطوع مستنى العربيه ولا الكلام ده لالالا..
انت بتسلم العربيه من على الباب و تطلع الاستراحه تعد فوق (استراحه محترمه ) و لما العربيه بتخلص بيجيلك يقولك و مش بيأخروها اوى يعنى عادى زى اى توكيل لان هناك فى نظام ..
حاليا بروح الى فى اسكندريه على الصحراوى(نور الدين شريف ) و ده برده مركز زى الفل و مفيهوش مشاكل و ببرده بتسلم العربيه و تعد فى الاستراحه و فى نت wireless :S_thum1[1]: ههههه و العربيه بتخلص على طول برده ..

موضوع ان الوكيل وحش انا مش مقتنع بيه بصراحه لانى جربتهم كتيييييير ...

بالنسبه لتوسيع شبكه مراكز الخدمه فهم فعلا بدأو فيه :
1-مركز عقل (معتمد) و ده على طريق المحله طنطا ...(بس انا مش بروحله و بروح اسكندريه).
2-مركز خدمه ضخم لسكودا فى العبور و بيقولو اكبر مركز خدمه لسكودا فى الشرق الاوسط ..

اعتقد كده الوكيل عداه العيب ...

---

اشكرك يا باشا على مشاركتك وفى الحقيقة انا لى جار عنده فابيا كومبى 1200CC موديل 2003 او 2004 وهو بيروح مركز غمرة و انا شفت بس مركز غمرة فى الموضوع المثبت فى الموقع عن توكيل سكودا و مراكز الخدمة
نتمنى اضافة عناوين و تليفونات مراكز الخدمة التى ذكرتها

عربيات سكودا بصفة عامة من افضل العربيات و ان كانت اغلى شوية من مثيلاتها بس الغالى تمنة فية كفاية ان موتورها فولكس

جارى اللى معاة الفابيا جاب لزوجتة ماتريكس 2008 و لسة كان بيقوللى ان الماتريكس دى مش ممكن تكون 1600CC و لا قوتها 105 حصان - هوة بيقارنها بالفابيا 1200 CC
و بيقوللى كمان اسمع صوت قفلة الباب فى العربيتين - او حتى الثبات على الطريق.

اقتباس:

---

المشاركة الأصلية كتبت بواسطة halloween

اشكرك يا باشا على مشاركتك وفى الحقيقة انا لى جار عنده فابيا كومبى 1200CC موديل 2003 او 2004 وهو بيروح مركز غمرة و انا شفت بس مركز غمرة فى الموضوع المثبت فى الموقع عن توكيل سكودا و مراكز الخدمة
نتمنى اضافة عناوين و تليفونات مراكز الخدمة التى ذكرتها

عربيات سكودا بصفة عامة من افضل العربيات و ان كانت اغلى شوية من مثيلاتها بس الغالى تمنة فية كفاية ان موتورها فولكس

جارى اللى معاة الفابيا جاب لزوجتة ماتريكس 2008 و لسة كان بيقوللى ان الماتريكس دى مش ممكن تكون 1600CC و لا قوتها 105 حصان - هوة بيقارنها بالفابيا 1200 CC
و بيقوللى كمان اسمع صوت قفلة الباب فى العربيتين - او حتى الثبات على الطريق.

---

ربنا يخليك يا باشا على ذوقك .
بالنسبه لعناوين و ارقام باقى مراكز الخدمه فأنت تؤمر و انا انفذ :
الاسكندريه :
نور الدين شريف 3S
العنوان :
ك 27 طريق الاسكندريه الصحراوى .
تليفون :
03/4705678
0106636676
0122409830
القاهره :
مركز الوهدان .
العنوان :
شارع 47 متفرع من شارع 14 بجوار مصنع دايو للسيارات المنطقه الصناعيه الثاثه مدينه 6 اكتوبر .
تليفون :
38342411
38342412
فرع اخر :
11 شارع الفريق عبود -العجوزه
تليفون :
33465374
33470098

كارتك بمدينه العبور
العنوان :
المنطقه الصناعيه الاولى شارع 12 امام سيتى كلوب
تليفون :
46103431
0185004998

مركز الاقصى بزهراء المعادى
العنوان:
المنطقه الصناعيه -قطعه رقم 62 ع الشطر الخامس .
تليفون :
2917356
0100053860

ملحوظه : اعرف واحد عمل حادثه ب A5 و عملها هناك بس الحق لله مطلعتش حلوه اوى (لو حد فاهم هيعرف انها عامله حادثه)..
لو كانت اتعملت فى ارتوك او نور الدين شريف كانت بقت احسن من كده ..
لكن فى الصيانه هيبقو كويسن لانهم مش بيعملو حاجه اساسا .



مركز عقل
العنوان :
المحله الكبرى -كيلو 4 طريق المحله-طنطا السريع ابو وافى
تليفون:
040/2454441

ملحوظه: ده فى المحله عندى بس انا بصراحه مش بروح عنده مع انه عارف والدى كويس بس مستنى الناس تحكم عليه .


احب اقول حاجه :
الارقام و العنواوين دى انا جايبها من الجرنال .
واى خدمه انا تحت امركم .
كده العربيه ليها 7 مراكز صيانه ....

بالنسبه بقى لموضوع الماتريكس و الفابيا فاعتقد مش محتاج تعليق ...
لانه بيدل على الفرق بين عربيه شبه المانى و كورى .....


اخوكم / خالد ايمن .

يا سلام عليك
اصلي من يومك يا بوب

هيونداي
* سيارة ضعيفة جدا
* قطع غيارها ليست رخيصة كما يعتقد الكثير ل 3 اسباب
1. العمر الافتراضي القصير كما سبق الشرح بشكل واضح
2. الأسعار الرخيصه لقطع الغيار المتداوله و لكن هناك بعض قطع الغيار غاليه و تعوض ما وفرته في الأخرى الرخيصة
3. قطع الغيار الموجوده في السوق مضروبة و اخر أحلامك تشتري الأصلي الذي هو كوري ! هذا أعلى ما يمكن الوصول اليه
* التوكيل أسوأ توكيل في مصر (جودة و أسعار و أمانه)
* خفيفه جدا على الطريق ، "تشتريها و تشيل روحك على كفك"
مثال:
تيل فرامل النترا 2006 من التوكيل 440
تيل أوبل كورسا سيدان 2005 ألماني أصلى من خارج التوكيل 180
!!!
وجهة نظر: لا وجه للمقارنة بين أقل اسكودا و أعلى هيونداي
ملاحظه: اذا كانت بعض موديلات هيونداي اسعارها أقل كثيرا من السيارات الألماني يوجد بديل ممتاز لهيونداي .. كيـــــــــــا

يا جماعة أنا بفكر جدياً في شراء الرومستر, و لكن في سؤال محيرني, ايه هي عيوبها؟؟ و لو ما كانلهاش عيوب يبقى اشمعني المانيوال منها ينزل من 109 الى 87 يعني 22 الف طيب ليه؟؟؟

اعتقد ال87 كماليات أقل خاصة ان الدليل بتعها فيه كميه كماليات رهيبه
بصراحه انا كنت بحاول اقارن بينها وبين نيسان تيدا هاتشباك
على فكره نفس الحجم بس رومستر اعلى7سم
لكن اعتقد تيدا تتفوق في الموتور و توفير البنزين وكمان الاوكتان اقل وقطع الغيار اعتقد ارخص و ارتفاع عن الارض اكتر
بالاضافة انها اكثر انتشار و اجمل و مراكز الخدمه منتشرة
اتمنى حد يساعدنا في المقارنه انا مجربتش ايا من السيارتين

شكلها مش عاطفى............