استهلاك البنزين في الصني الاوتوماتك/ مانيوال

**amir** · 15-03-2009 04:29 PM

المشاركة الأصلية كتبت بواسطة conc

375 كم لكل 35 لتر بنزين 92 وانا كده كده سواقتي واحده ممكن نقول عليها هاديه

المشاركة الأصلية كتبت بواسطة racing

450كيلو متر للتنك باكامل

ياريت توضحو عربياتكو مانيوال ولا اوتوماتك

**farfero1234** · 20-03-2009 03:29 PM

150 كم فى الصفيحة موديل 2008

**amir** · 01-05-2009 01:57 AM

شويه حسابات جديده:
338 كيلو ب 26 لتر= 260 كيلو للصفيحه (92)
310 كيلو ب 25 لتر= 248 كيلو للصفيحه (92)
380 كيلو ب 30 لتر=253 كيلو للصفيحه (92)

**amir** · 03-05-2009 04:41 PM

المشاركة الأصلية كتبت بواسطة sNIPER_007

حضرتك بتوصل للمعدلات دي ازاي يا دكتور؟؟؟

و الله الارقام دي بالمشي العادي من غير ما احاول اسبق حد
يعني في الشوارع العاديه بحاول امشي 60 او 70 و لما باجي اهدي بشيل رجلي من علي البنزين الاول و كده
متنساش ان عربيتي اوتوماتك فميش مجال اني افصل الغيار و انا سايق
بس الارقام دي من غير تكييف

**amir** · 04-05-2009 12:02 AM

المشاركة الأصلية كتبت بواسطة sNIPER_007

اما تقريبا بعمل كل اللي حضرتك قلته
ومبكملش ال180 كيلو ف الصفيحه
بس انا لسه مكملتش الخمسه الالاف كيلو الاولي
هل دا له علاقه؟

بص يا سيدي
العربيه اي عربيه في خلال ال 5000 كيلو الموتور بيبقي لسه مطبعش مع بعضه
انما بعد الخمس تلاف كيلو الاولي و خصوصا بعد العشره الاف كيلو الاولي الاستهلاك بيبقي اقرب حاجه للكاتالوج
فالموضوع عندك طبيعي و متقلقش من الاستهلاك خالص دلوقتي و لو برضو لسه عندك شك في الكلام روح في اي قسم من المنتدي و راجع اي موضوع متعلق بواحد استلم عربيته الجديده هتلاقيه برضو بيشتكي من الاستهلاك و الناس بتطمنه انه كده طبيعي في الاول
و خد بالك ان الاوتوماتك (بغض النظر عن طريقه السواقه) بيستهلك اكتر من المانيوال بنسبه بسيطه
مثلا لو فرضنا ان متوسط الصني الاوتوماتك 200 كيلو في الصفيحه فابالتالي المانيوال منها هيعمل من 220-230 في الصفيحه

**amir** · 09-05-2009 10:38 AM

قياس اخر
طرق طوالي قليله
سواقه رياضيه
بدون تكييف
26 لتر ل 337 كيلو = 259 كيلو في الصفيحه

ياريت الاعضاء الكرام يشاركو بحساب استهلاكهم للبنزين بنفس الاسلوب
1- تفول العربيه و تصفر العداد
2-تمشي زي ما انت عايز بس تحاول مثلا تمشي جوه البلد بس او علي طريق طوالي بس مش الاتنين مختلطين و لو هتشغل التكييف يبقي علي طول و لو مش هتشغل التكييف يبقي تسيبه مطفي طول المسافه اللي انت ناوي تمشيها
3- بعد ما تمشي و التنك يبدء ينقص تروح تفول العربيه و تقرا العربيه اخدت كام لتر
4-من واقع عدد اللترات المستخدمه و قراءه عداد الكيلومتري هتقدر تحسب العربيه مشيت قد ايه بكام لتر
5- المعادله بتقسم المسافه بالكيلومتر علي استهلاك البنزين باللترات هيبقي عندك العربيه بتمشي كام كيلو باللتر واحد
6- تضرب النتيجه دي في عشرين هيكون عندك استهلاك العربيه في الصفيحه خلال نوع سير محدد (طوالي- سفر-جوه البلد-تكييف او بدون)
7-و في الاخر تييجي تنورنا هنا و تكتب النتيجه و الموضوع مش موضوع قياس واحد او اتنين العمليه محتاجه اكتر من قياس مع مراعاه ان العربيات و هي لسه زيرو استهلاكها بيكون اكتر بكنير في حاله انها تكون مشيت مسافات اطول