الموضوع: استهلاك البنزين في الصني الاوتوماتك/ مانيوال

المشاركة الأصلية كتبت بواسطة amir

اكيد بقي بعد كم المشاركات المهمه دي و بقياسك الشخصي بنفسك نقدر نقول بكل ثقه ان استهلاك الصني بيكون معتمد علي اسلوب القياده و كونها في طرق مزدحمه ولا طرق طوالي




العفو انا من قبل ما اجيب الصني و انا متابع مشاركات سبعاوي الله يكرمه و اخدت عهد علي نفسي اني افيد الناس كلها اللي بتفكر فيها
و حاليا انا مش بحط استهلاكي بسبب ان البوجيهات تعبانه قوي و محتاجه تتغير و ده بيخليني ادوس بنزين ازيد من المعتاد بس استنو علي شويه كده و هتلاقو حاجات جديده بعيده عن التوكيل اللهم الا اذا كان عند حسن ظني و ده موضوع تاني هبقي اعمله مخصوص في خلال اسبوع كده
ليا تعليق صغير علي اسلوب التفويل لحد الزور ده هل انت واثق ان الاسلوب ده مش هيكون موحد دايما في كل مره و هل ممكن البنزين الزياده ده يكون غلط علي الطرمبه او اي حاجه تانيه؟

من وجهة نظري ونظر ناس علمتني وفاتدني كتير في مجال السيارات ان ده هو الأسلوب الأمثل لحساب إستهلاك البنزين ونسبة الخطأ تكاد تكون طفيفة جداإن وجدت وناتجة عن مثلا وبشكل جدلي عن إختلاف رؤيتك للبنزين فالزور كل مرة. بس عموما الزور مش واسع انه يأخذ عدة لترات ومادام انت شفت البنزين بعينك هتلاقي ان صعب تضيف تاني بنزين للتانك علشان قوة إندفاع البنزين حيخرج البنزين من جوة لبرة التانك.
فأعتقد انه يكون اسلوب موحد إلا مثلا لو واقف العربية على قطعةمرتفعة في الأرض او على مطلع او منزل (مايلة( وده نادرحدوثة في محطات البنزين وممكن تلافية بأنك تتأكد من وقوف السيارة والأربع عجلات على ارض مستوي مش مطلع ولا ممنزل.
الي اقصدة ان الطريقة ديه اقل في نسبة الخطأ وافضل طريقة متاحة وفرق كبير بينها وبين التعبئة حتى فصل طلمبة البنزين الخاصة بالمحطة

النقطة الثانية البنزين الزيادة ده عبارة عن حوالي 5 لتر او 7 او اقل فمش هيأثر في شئ إن شاء الله لأن طلمبة البنزين بتكون غاطسة جوه التنك فلا اعتقد ان هيكون فيه تأثير ناتج عن زيادة كمية البنزين في التانك. ثاني حاجة اغلب تانكات البنزين في السيارات بيكون فيها فايظ بيعمل زي تنفيث في حالة زيادة الضغط داخل التانك
وبعدين احنا بنعمل الخطوات ديه لما بنكون عايزين نحسب الإستهلاك مش في كل مرة هنعمل كده .
عموما التفويل بالشكل الي ذكرته بياخذ تقريبا مرة ونصف إلى ضعف الوقت الي بتستغرقة للتفويل بالشكل التقليدي وده ناتج عن ان عامل المحطة المسدس هيفضل يفصل منه كل شوية ويبعدة حبة حبة ويسايس علشان يحقق لحضرتك الي طلبته منه:)