الموضوع: مطبات علي إمتداد محور 26 يوليو، خذ حذرك

إدارة مرور 6 أكتوبر قامت برسم عدة مطبات وهمية علي الطريق في إمتداد المحور المار بمدينة الشيخ زايد و في الطريق إلي 6 أكتوبر .

و بتقوم بتحويلها واحدة واحدة إلي مطبات حقيقية (و ده في رأيي أسلوب كويس عشان متلاقيش مطب فجأة) .

أماكن المطبات دي أمام هايبر وان و فيه إتنين بعده و إتنين قبل و بعد جامعة مصر .. و كله في الإتجاهين .

و فيه إتنين تحولوا بالفعل إلي مطبات حقيقية بارزة و هما أمام جامعة مصر ، واحدة أدام تمثال الإتحاد الأفريقي ، و واحد بعد الجامعة .. خد حذرك حتي لا تفاجأ بالمطب و تقف فجأة و تعرض نفسك للحوادث خاصة أنه طريق سريع .

تذكر أن الغرض من المطب إنه معمول في أماكن حيوية من الطريق فا بتهدي سرعتك عشان واحد بيعدي علي رجليه الطريق السريع و إنت قاعد في عربيتك مستريح، فا بتهيأله الطريق إنه يعدي بأمان ، فلا تبخل عليه بذلك .

و ملحوظة : جهاز مرور 6 أكتوبر محترم و مجتهد لأنه عمل شغل كويس في الطريق في الفترة اللي فاتت و الضباط اللي قابلتهم لحد دلوقت متعاونين و ودودين .