الموضوع: البنزين حيجنني يا جدعان

المشاركة الأصلية كتبت بواسطة EGMIDO

يا جماعة انتوا لية بتلفوا حولين الشيخ لية
الاستاذ الى عامل الموضوع ممكن اعرف عربيتك عاملة اد اية كيلومتر
الموضوع دة لا يحلة سوى تغير الصبابات لان انا كنت بعانى زيك كدة لكن بعد تغير الصبابات العربية اختلفت تماما
طبعا جوان وش السلندر بيتغير
والكوبستنات بتتنضف فدة هايفرق معاك جامد جدا جدا جدا فى السحب
والصبابات هتفرق فى البنزين
واوعى تقول ان المشوار دة هايتكلف انا كنت بحط بنزين ب 2500 فى الاسبوع لان انا مشوار بيتى كبير وبعدين مشاوير مصنعى كتيرة كمان فلما حسبتها لقتها مش بعيدة المشوار كلة اتكلف 750 جنية
وعلى فكرة انت ممكن ماتشتريش صبابات وتعملها فريزة

***
* بتحط ب 2500 ج بنزين في ألأسبوع
* يعني عربيتك بتستهلك 1351 لتر بنزين في 7 أيام
* يعني 193 لتر في اليوم
* بفرض أن متوسط إستهلاكها 160 كم في الصفيحة يبقي سيادتك بتمشي بالعربية 1544 كيلو متر ف اليوم(لية بتلف الجمهورية بحالها)
* يعني 10808 كيلو متر ف الأسبوع
* يعني 555840 كيلو متر ف السنة
----------
معلهش ؛؛؛ إين المنطق فيما تقولة

هو اكيد قصده 250 لكن يا جماعه استهلاك العربيه ال 1600 لو 180 فى الصفيحه فده معدل كويس جدا داخل البلد و بلاش لو سمحتم الاخوه اللى بيقولو جوه البلد الصفيحه بتعمل 220 لأن ده كلام خيالى و اتحدى اثباته احنا بنقف اكتر مابنمشى جوه البلد يعنى بمثال بسيط للتوضيح المسافه مابين البيت و المحل عندى 9 كيلو بالظبط و انا باخد المسافه دى فى حوالى ساعه الا ربع مين بقى يقول انا الصفيحه تعمل اكتر من 180 كيلو .......نصيحتى للأخ صاحب الموضوع يجرب عربيته على طريق مفتوح و بعد كده يشوف الاستهلاك مضبوط و الا زياده ............. و شكرا

حاول تاخدها مشوار محترم وامشى على 90 - 100 كم/س
وشوف هتعمل معاك كام كم فى الصفيحه

عشان تعرف تحسبها فول التانك قبل ما تطلع ولما توصل فول التانك تانى وشوف مشيت قد ايه وحطيت بنزين قد ايه

كده هتعرف الاستهلاك الطبيعى للموتور
لكن فى وسط البلد كل واحد وليه طريقه
وفى طرق واقفه وفى طرق الى حد ما بتزحف وفى طرق مفتوحه
مش هتعرف تقسيها كويس

بالنسبة لمنظف الرشاشات انا بستعمله كتير
وبحس بفرق جميل