الموضوع: صوت الموتور

لا ان شاء الله اعملها زي الارقام اللي انت قلتلي عليها انشالله الف علي ميكانيكي كل يوم لحد ماواحد يقتنع انو ينفذ الكلام من غير مايجادل ويحسسني انه هو اللي مصنع العربية

لا صر على كلامك

ظبط التاكيهات اخيرا علي الارقام اللي انت قلتلي عليها بس بيني وبينك مش حاسس بفرق بردو مش عارف بئي الميكانيكي اللي معرفش يظبط(لان العربية مكنتش سخنة اوي والمفرود الظبط علي السخن) ولا العيب من حاجة تانية بئي

الف مبروك
بص هيا عندي بتفرق جامد في الصوت و استهلاك البنزين
طيب عموما بدام الصوت موطيش ممكن يكون الصنايعي معرفش يظبط كويس
او المشكلة كدة ممكن تكون من الكاتينة يا اما عاوزة تغير او عاوزة شد
و ممكن تكون المشكلة من طنبورة في الموتور فيها رفة او ريجة او السير مش مشدود كويس
و كدة معظم الحاجات ديه محتاجة حد بتاع فورد مش بس ميكانيكي يعني انت كدة محتاج تنعم علينا برؤيتك

ياباشا اكيد في اقرب فرصة من غير حتي ماكون محتاج حاجة للعربية وكان ليا استفسار عندك مؤقت كدا لحد ماربنا يسهل بميكانيكي متخصص في الفورد اروحله هو ظبط التاكيهات غلط ممكن يخلي العربية تسخن بسرعة؟؟؟هو مؤشر الحرارة تمام مفيش فيه مشاكل بس عشان المروحة تحافظ عليه في المستوي الطبيعي بقيت بحس انها بتشتغل كتير اوي يادوب تفصل شوية صغيرين وترجع تشتغل تاني وقلت للباشا الميكانيكي اللي ظبطلي التاكيهات قالي لا عادي الجو اليومين دول حر بس فلازم تشتغل كتير وانا دلوقتي من ساعة ماظبط التاكيهات وانا متزاول انها السبب ومش عارف اعمل ايه وكفاية كدا احسن انا رغيت كتير اوي دانت زمانك صدعت ياراجل

لا كدة التكيهات متظبتطش صح
و الفورد اصلا مبتسخنش في العادي سواء حر او برد
عموما اتاكد من غطاء القربة علشان منظلمش التكيهات الاول