عرض للطباعة
سلام
عندي سؤال:
يا ترى اذا كنت ماشي بالعربية و كان الفتيس على النقلة الخامسة و الطريق نازل نزول (يعني منحدر) و السرعة على سبيل المثال 100كم، يا ترى مصروف البنزين كانك دايس بنزين لغاية ما توصل ل 100كم او كانك مبوش؟ و سواء كان فتيس عادي او اوتوماتيك!
أرجو اني أكون وضحت السؤال و عذرا اذا كان في غير مكانه بس لاني مش مستعد اكتب في مكان تاني.
و دمتم
يعنى ايه مبوش !!!
يعني مش عامل ولا نقلة! اه انتم بتسموه ممور!اقتباس:
المشاركة الأصلية كتبت بواسطة NaviGator_13
اعتقد هيبقي فيه مصروووف بنزين زي ماانت بتقووول
بس مش هيبقي زي مصررروف البنزين اثناء المطلع ولا اثناء الطريق المستوي
لان في حاله المنحدر عزم الموتور اقل وبالتالي جهد العربيه (الباور ) االلازم لتحريكها اقل وبالتالي استهلاك البنزين اقل بالمقارنه في الحاله الاخري وهي اثناء المطلع او الطريق المستوي
عزم اكتر = باور اكتر = استهلاك اكتر
والعكس صحيح يارب اكوون فيدتك
بس بصراحه مش عارف هل القصور الذاتي بتاع العربيه هيأثر في الاستهلاك ولا لاء ........
هو طبعا اللى بيحدد عداد الكيلومترات هى السرعه بتاعة الفتيس........مش المحرك_ فلو تقصد أنك مثلا لما تكون نازل على أرض منحدره ورفعت رجللك من على البنزين وكانت السرعه 100 مثلا ......وأنت مبوش (ممور ).....طبعا حيكون مصروف (أستهلاك البنزين أقل ) من حالة لما تكون جايب 100 على أرض مستويه........لأن القصور الذاتى ومركز ثقل العربيه أختلف ونزول المنحدر بيمثل قوة جر بتوفر فى البنزين (لأن مركز ثقل العربيه حيكون أختلف فى الحاله دى والمنحدر بيساعد فى توليد قوة جر لأسفل بسبب وجودة قوة جاذبيه للأرض بتساعد فى الحاله دى.... وقوة جذب الأرض دى بتشيل حمل من على المحرك )......ومعنى أنى شيلت حمل من على المحرك فى حاله زى دى فده بيوفر فى البنزين طبعا........ياريت أكون وضحت الصوره كويس ولو مش واضحه ممكن أعيد تانى .....
لا يبقى تقريبا كأنك ممور
رغم انها بتبقى ثوانى قليلة
يعنى مش هتفرق بتستهلك بنزين ولا لأ بس
هى طبعا اكيد مبتسهلكش بنزين اكتر !
فعلا أستهلاك البنزين بيقل جامد و الدليل علي كده طريق (القطامية/العين السخنة) و أنت رايح السخنة العربية بتسحب و بتجري زي الحلاوة و مؤشر البنزين بتلاقيه مانزلش كتير , لكن تعالي أتفرج بقي و أنت راجع تلاقي العربية مش عايزة تزود عن 140 كم/ساعة و المؤشر بتاع البنزين نزل أكتر من الحالة الأولي
ده لدرجة أني في أول مرة كنت أسافر علي الطريق ده أفتكرت أن التنك أتخرم
ده علشان بتكون عكس اتجاه الريح يا باشااقتباس:
المشاركة الأصلية كتبت بواسطة SE_coralsea
لان الميل مش كبير للدرجه دى
دى حاجه لا تذكر
اقتباس:
المشاركة الأصلية كتبت بواسطة mobitek
+11111111111
فعلا اتجاه الريح عامل اساسى فى الطريق ده
نفس مصروف البنزيين وانت ممور ذي السلانسيه
لم نختلف المهم أن فيه مقاومة أو وسيلة دفع أضافية مش شرط يكون ميل الطريق فقطاقتباس:
المشاركة الأصلية كتبت بواسطة mobitek
متشكر جدا على الردود الجميلة
بص يا طاهر
اولا و انت نازل المنزل بسرعة 100 على الخامس حتبقى شايل رجلك من على البنزين و العربية حتنزل المنزل لوحدها بدون الحاجة لاى ضغط على البنزين
فى الحالة دى حيبقى الRPM فى حدود 2500 و بالتالى استهلاك البنزين حيبقى اكتر من الاستهلاك فى السلانسبة على RPM 850 نتيجة الزيادة فى عدد لفات الموتور...و طبعا الاستهلاك حيبقى اقل من السير على سرعة 100 كيلو فى طريق مستوى لانك فى المنزل بتبقى مش دايس بنزين و بالتالى البوابة مقفولة تماما و كمية الهواء اللى داخلة الموتور قليلة جدا و بيتناسب معاها كمية البنزين اللى بيستهلكها الموتور فى الحالة دى
الاهم من دة كلة انك متفكرش تمور فى المنزل خصوصا لو المنزل طويل لمحاولة ترشيد استهلاك البنزين لان لو عملت كدة حتضطر تحمل على الفرامل طول المنزل و دة حيسخن التيل و الطنابير و ممكن اوى على اخر المنزل متلاقيش معاك فرامل و تحصل حادثة
اكيد حياتك اهم من شوية البنزين اللى حتوفرهم فى الوضع دة
MMamdouh
يا ألف نهار أبيض، السيد ممدوح شرفني بالرد
أولا يا باشا انا إسمي ثائر نجم أردني فلسطيني الأصل.
ثانيا، شكرا على المعلومات الجميلة، و الحقيقة انه السؤال مش عشان توفير البنزين (بالدرجة الأولى) لكن فقط لفهم الموضوع ده لأنه كتير بيجي ببالي.
و ألف شكر يا باشا.
استاذي العزيز ممدوح بما ان الشئ بالشئ يذكر، انا بعد كل مشوار بتكون الطنابير سخنة، يعني من اسبوعين كنت رايح مطروح من القاهرة ورجعت في نفس اليوم ولما حطيت ايدي على الطنابير لقيتها مولعة خالص...فمش عارف هل كده طبيعي ام لا..رغم ان التيل مش قافش على الطنبورة وانا عارف اني بدوس على الفرامل كتير ...فما تعليقك على ذلك..اقتباس:
المشاركة الأصلية كتبت بواسطة MMamdouh
مع خالص شكري .
طالما بتدوس فرامل يبقى لازم الطنابير تسخن... الخطورة انها تسخن اوى لدرجة ان الفرامل تبقى ضعيفة و تبداء تشم ريحة التيل و هو بيتحرق من شدة الحرارة
MMamdouh