الموضوع: سؤال فني معرفش اذا كان مكانه هنا او لا

بص يا طاهر

اولا و انت نازل المنزل بسرعة 100 على الخامس حتبقى شايل رجلك من على البنزين و العربية حتنزل المنزل لوحدها بدون الحاجة لاى ضغط على البنزين

فى الحالة دى حيبقى الRPM فى حدود 2500 و بالتالى استهلاك البنزين حيبقى اكتر من الاستهلاك فى السلانسبة على RPM 850 نتيجة الزيادة فى عدد لفات الموتور...و طبعا الاستهلاك حيبقى اقل من السير على سرعة 100 كيلو فى طريق مستوى لانك فى المنزل بتبقى مش دايس بنزين و بالتالى البوابة مقفولة تماما و كمية الهواء اللى داخلة الموتور قليلة جدا و بيتناسب معاها كمية البنزين اللى بيستهلكها الموتور فى الحالة دى

الاهم من دة كلة انك متفكرش تمور فى المنزل خصوصا لو المنزل طويل لمحاولة ترشيد استهلاك البنزين لان لو عملت كدة حتضطر تحمل على الفرامل طول المنزل و دة حيسخن التيل و الطنابير و ممكن اوى على اخر المنزل متلاقيش معاك فرامل و تحصل حادثة

اكيد حياتك اهم من شوية البنزين اللى حتوفرهم فى الوضع دة

MMamdouh