سؤال فني معرفش اذا كان مكانه هنا او لا

**Thaer** · 05-03-2009 05:54 PM

سلام
عندي سؤال:
يا ترى اذا كنت ماشي بالعربية و كان الفتيس على النقلة الخامسة و الطريق نازل نزول (يعني منحدر) و السرعة على سبيل المثال 100كم، يا ترى مصروف البنزين كانك دايس بنزين لغاية ما توصل ل 100كم او كانك مبوش؟ و سواء كان فتيس عادي او اوتوماتيك!

أرجو اني أكون وضحت السؤال و عذرا اذا كان في غير مكانه بس لاني مش مستعد اكتب في مكان تاني.

و دمتم

**NaviGator_13** · 05-03-2009 05:58 PM

يعنى ايه مبوش !!!

**Thaer** · 05-03-2009 06:03 PM

المشاركة الأصلية كتبت بواسطة NaviGator_13

يعنى ايه مبوش !!!

يعني مش عامل ولا نقلة! اه انتم بتسموه ممور!

**khater87** · 05-03-2009 06:11 PM

اعتقد هيبقي فيه مصروووف بنزين زي ماانت بتقووول
بس مش هيبقي زي مصررروف البنزين اثناء المطلع ولا اثناء الطريق المستوي
لان في حاله المنحدر عزم الموتور اقل وبالتالي جهد العربيه (الباور ) االلازم لتحريكها اقل وبالتالي استهلاك البنزين اقل بالمقارنه في الحاله الاخري وهي اثناء المطلع او الطريق المستوي
عزم اكتر = باور اكتر = استهلاك اكتر
والعكس صحيح يارب اكوون فيدتك
بس بصراحه مش عارف هل القصور الذاتي بتاع العربيه هيأثر في الاستهلاك ولا لاء ........

**samirayad** · 05-03-2009 07:13 PM

هو طبعا اللى بيحدد عداد الكيلومترات هى السرعه بتاعة الفتيس........مش المحرك

_ فلو تقصد أنك مثلا لما تكون نازل على أرض منحدره ورفعت رجللك من على البنزين وكانت السرعه 100 مثلا ......وأنت مبوش (ممور ).....طبعا حيكون مصروف (أستهلاك البنزين أقل ) من حالة لما تكون جايب 100 على أرض مستويه........لأن القصور الذاتى ومركز ثقل العربيه أختلف ونزول المنحدر بيمثل قوة جر بتوفر فى البنزين (لأن مركز ثقل العربيه حيكون أختلف فى الحاله دى والمنحدر بيساعد فى توليد قوة جر لأسفل بسبب وجودة قوة جاذبيه للأرض بتساعد فى الحاله دى.... وقوة جذب الأرض دى بتشيل حمل من على المحرك )......ومعنى أنى شيلت حمل من على المحرك فى حاله زى دى فده بيوفر فى البنزين طبعا........ياريت أكون وضحت الصوره كويس ولو مش واضحه ممكن أعيد تانى .....

**NaviGator_13** · 05-03-2009 07:28 PM

لا يبقى تقريبا كأنك ممور
رغم انها بتبقى ثوانى قليلة
يعنى مش هتفرق بتستهلك بنزين ولا لأ بس
هى طبعا اكيد مبتسهلكش بنزين اكتر !

**Samir Elshahawy** · 05-03-2009 08:14 PM

فعلا أستهلاك البنزين بيقل جامد و الدليل علي كده طريق (القطامية/العين السخنة) و أنت رايح السخنة العربية بتسحب و بتجري زي الحلاوة و مؤشر البنزين بتلاقيه مانزلش كتير , لكن تعالي أتفرج بقي و أنت راجع تلاقي العربية مش عايزة تزود عن 140 كم/ساعة و المؤشر بتاع البنزين نزل أكتر من الحالة الأولي

ده لدرجة أني في أول مرة كنت أسافر علي الطريق ده أفتكرت أن التنك أتخرم

**wesam_salom** · 05-03-2009 09:49 PM

المشاركة الأصلية كتبت بواسطة SE_coralsea

فعلا أستهلاك البنزين بيقل جامد و الدليل علي كده طريق (القطامية/العين السخنة) و أنت رايح السخنة العربية بتسحب و بتجري زي الحلاوة و مؤشر البنزين بتلاقيه مانزلش كتير , لكن تعالي أتفرج بقي و أنت راجع تلاقي العربية مش عايزة تزود عن 140 كم/ساعة و المؤشر بتاع البنزين نزل أكتر من الحالة الأولي

ده لدرجة أني في أول مرة كنت أسافر علي الطريق ده أفتكرت أن التنك أتخرم

ده علشان بتكون عكس اتجاه الريح يا باشا
لان الميل مش كبير للدرجه دى
دى حاجه لا تذكر

**Hany A Fattah** · 06-03-2009 12:27 AM

المشاركة الأصلية كتبت بواسطة mobitek

ده علشان بتكون عكس اتجاه الريح يا باشا
لان الميل مش كبير للدرجه دى
دى حاجه لا تذكر

+11111111111

فعلا اتجاه الريح عامل اساسى فى الطريق ده

الموضوع: سؤال فني معرفش اذا كان مكانه هنا او لا

LinkBack

أدوات الموضوع

عرض

سؤال فني معرفش اذا كان مكانه هنا او لا - انشر الموضوع فى :

-

-

-

-

-

-

-

المواضيع المتشابهه

سؤال مش في مكانه بس ساعدوني ارجوكم

سؤال عن فيات اونو 93انا معرفش حاجة في العربيات والنهاردة شوفت اونو 93 على 27500 حالته

معلش سؤال متكرر بس انا معرفش اجابته

الكلمات الدلالية لهذا الموضوع

المفضلات

المفضلات

ضوابط المشاركة