الموضوع: عاوز أعرف إزاى يتم تليين عربية جديدة؟؟؟

اول الف كيلو حاول متجريش اكتر من 80 ومتقرصش على العربية يعنى متعديش ار بى ام 3

متحرقش على الغيار يعنى تنقل بدرى قبل ما ال rpm يزيد عن 2500-3000 rpm و تضغط على دواسة البنزين بالتدريج لو كبست بنزين هتلاقى صوت التسقيف بدأ يظهر و ده مش كويس.
و بردوا متنقلش بدرى جدا بحيث ان التسقيف يظهر.
على الطرق السريعة متزودش عن 80 كم/س
و متمشيش بسرعة ثابته لفترة طويله اهم حاجة تنوع فى سرعة العربية علشان تتلين.

دى مجرد اشياء احتياطية و مش بتختلف من عربية لاخرى.... لأن عملية التليين بتبدأ من المصنع. و احنا بنهتم بس بيها اول 1000 كم علشان الاجزاء الميكانيكية يحدث بينها تجانس زى تطبيع تيل الفرامل على الطنابير... المفروض متقرصش جامد على الفرامل فى الاول.

اولا مبروك العربية الجديدة ربنا يعطيك خيرها ويكفيك شرها
ثانياً: طبعا كل كلام الزملاء لا تعليق عليه
لكن احب اضيف بس حاجة صغيرة
كل عربية جديدة بيكون معاها owner manual او كتيب الاستخدام
بيتم شرح كل حاجة فيه طبعا، اعتقد ان ممكن الموضوع يفرق من عربية والتانية
لكن العموم زي ما الزملاء قالوا اول الف كيل ما تجريش اكتر من 100كم/س
مع اتباع اجراءات الفحص على الموتور (كشف زيت - مياه - ... الخ)

شكرا لكم جميعا وتمنياتى لكم بدوام التوفيق

- انا لاحظت أن بعض الأعضاء ركز على موضوع النقل،،،،، طيب وإذا كانت العربية أوتوماتك أعمل اية
- حاجة ثانية : هل لو أول ما استلم العربية وأمشى بيها 400 كيلو مرة واحدة (مضطر والله ،، مش فرحان قوى للدرجة دى) هل دة يأثر عليها