ياجماعة الناس لو ضغطت هيستجيبوا بس بشرط ال1300 و1600
لانهم بيعتبرو عربيات الشعب والفئة العادية
عرض للطباعة
ياجماعة الناس لو ضغطت هيستجيبوا بس بشرط ال1300 و1600
لانهم بيعتبرو عربيات الشعب والفئة العادية
الموضوع ممكن يدخل فيه تدخل أجنبي
لأن العربيات دي بتمثل جزء من صادرات الدول إللي زي ألمانيا واليابان وكوريا ..... إلخ
وهم أكيد عارفين ان مبيعاتهم بتتأثر في سوق كبيرة زي مصر بسبب الجمارك الرهيبة
يمكن لو الدول دي ضغطت على الدولة في صفقات تبادل تجاري أو أي حاجة ممكن الدولة تنزل الضرايب
وانا أتوقع مهما حصل من الضغوط مفيش تخفيض جمارك لأني أتوقع ان عائدات جمارك السيارات أعلى من عائدات قناة السويس والبترول!!!!
وبصراحة مفيش أسهل من كده
الدوله لا أنتجت ولا صنعت بس أخدت قرار وفرضت جمارك بتجيب مليارات كل سنة فأكيد صعب يتخلوا عن منجم الدهب ده بسهولة
ده اللي كنت عاوز أقوله من زمان
الحملة مش حتأثر إلا في هامش ربح الوكلاء يعني أخرها 6 او 7 الاف جنيه للعربية اللي بـ 100 الف
مش فارقه كتير !
إنما المشكلة الكبرى في اللكشة اللي الحكومة بتهبشها من كل عربية
ودي في رايي إن الحكومة مش حتخفضها ولا بالطبل البلدي
ولو نزلتها .... حترفع ضريبة التجديد السنوي اكتر واكتر وحتعوض الجمارك ويمكن تكسب أكتر
وممكن يعمل حاجة أحلى
يخللي الجمارك وبرضه يعللي الضريبة :36_6_3[1]::fdsa::049::dzey::ma::44::Copy of majd(4):
الحل الوحيد علشان تشيل الجمارك , انك تشيل النظام نفسه
هو ده نفس اللي انا كنت بقوله...
انا مش عارف صاحب الموضوع عايز يعمل ايه علشان الحكومه تنزل الجمرك...
نبطل نشتري عربيات زيرو... طب ماهي حملة خلوها تصدي عامله كده...
التجار يبطلوا يستوردوا عربيات علشان مايدفعوش عليها جمرك... عليك بيهم بقي بس معظمهم دلوقتي متوقف عن الاستيراد...
نخلي التدخل من بره مصر... ضغط من حكومات تانيه يعني... طب ما هو الاتحاد الاوروبي بيعمل كده بقاله سنين من ساعة ما وقعوا اتفاقية الجات و هيبتدوا من السنه اللي جايه يخفضوا الجمرك 10% سنوياً علي العربيات الأوروبي...
المشكله ان الجمرك ده بيعتبر دخل أساسي بالنسبه للحكومه فهي لو فقدته أو حتي قل بنسبه كبيره... لازم هيدوروا علي حجه تانيه علشان يعوضوا بيه عجز الموازنه...
يا جماعة فكر الحكومة واضح وصريح
والسياسة العامة بمصر هي كالتالي
ان المواطن المصري هو المورد الوحيد الي بيصرف على البلد للاسف الحكومة لاتفكر ابدا في ان تزيد موارد البلد او تفكر في شيئ جديد للمصرين تزيد به الموارد
فقط المورد الوحيد للحكومة هو جيب المواطن المصري
وهي دي سياسة وزير المالية ووزير الاسكان
وهما مثلث معروف مثلث الجباية بمصر
غالي والمغربي ومحي الدين
الحكومة بقت حكومة لم جباية زي ايام المماليك بالضبط
مفيش اي اتجاه لزيادة تصدير او انتاج كل ده كلام فارع او تحديث صناعة مثلا او اكتفاء ذاتي من اي سلعة تموينية
اولويات الحكومة بيع ما يمكن بيعه من مصانع واراضي ولم فلوس
مش مهم العامل قاعد على القهوة لا المهم يقفلوا المصانع ويسرحو العمالة
المهم هو فرض الضرائب بيع الاراضي واشعال الاسعار عشان الحكومة تلم فلوس وطبعا وبلا ادني شك حبايب الحكومة من اصحاب الملايين لا اسف جدا اصحاب المليارات
معاك حق يا activehero
الجمارك دي إتاوات فارضاهة الحكومة بحجة حماية الإنتاج الوطني والكلام الفارغ ده كله.....ويا ريت مثلاً المنتج الوطني ده أرخص من نظيره المستورد...لأ ده بنفس سعره وساعات أغلى كمان!!! ولنا في الأفيو واللانوس وغيرهم خير مثال! :T_thum1[1]: