البلد نضيفة و الشوارع متسفلتة و مافيش زحمة و الحياة عسل
الشغل موجود و مافيش بطالة و حتى المصالح الحكومية بتنجزك و بتخلصلك كل ورقك بسرعة ده كل ده غير الشوارع المكيفة طبعا :44:
عرض للطباعة
انا ماقولتش انك لازم تحس بالمصاريف بتاعت الحكومه...
يعني هما لازم يقبضوا مرتبهم كل شهر هما و كل اللي شغالين في الحكومه... و اكيد عند فكره عن مرتبات الوزراء...
انا لسه سامع امبارح ان مرسي عطا الله بياخد مرتب مليون و 200,000 في حين ان مؤسسة الاهرام بتخسر... كل ديه فلوس من الحكومه اللي هي فلوس الشعب...
هي الحكومه هتجيب الفلوس ديه كلها منين يعني...
مشكلة مصر فى الفساد
يا جماعة الفساد فى مصر كتيررررررررررر
الفساد فى كل حتة
خصوصا الفساد الادارى
ومتأهيلى كده ان شاء الله قدمنا مش اكتر من 50000000000000 سنة وهينتهى
والله يا جماعة انا عايش بره وحاسس بالموضوع ده اكتر منكم كمان..
ده عندنا افتراء فى الاسعار .. وانا نفسى أعرف ايه السبب
- قولت لنفسى ممكن علشان احنا مصريين فماينفعش نستمتع زى غيرنا فاحنا شعب اتكتب عليه الاسىء بس
وانا عارف أن استحاله فى حل للموضوع ده فى مصر .. علشان المنظومة اساسا فاسدة
يالا لنا الله يرحمنا برحمته
طبعاً انا مقتنع...
الحكومه لازم تلم الفلوس من الناس... انما تعمل بيها ايه ديه حاجه تانيه...
يعني الحكومه كده كده لازم تجيب الفلوس اللي هي عايزاها... ايه بقي اللي يحدد اوجه الصرف للفلوس ديه فده موضوع تاني...
يعني ممكن يجيبو بها عربيات زيرو لموظفي الحكومه الكبار زي ما بيعملوا دلوقتي...
يدفعوا مرتبات مهوله للرجال النظام...
في فساد كبير بيتحكم في اوجه صرف الفلوس ديه علشان كده احنا مش بنحس بيها...
يارب تكون فاهم وجهة نظري... انا مش فرحان علشان انا بدفع جمرك كبير علي العربيات و لا اني بدفع ضريبة مبيعات علي كل المنتجات... بتوصل لحد 35% علي بعض المنتجات...
انا بس عايز اوضحلك الناس اللي في الحكومه و اللي بيتحكموا في الضرايب و الجمارك بيفكروا إزاي
ده كان كلامك اللى كنت بتقول ان الحكومة بتصرف الفلوس على الشعب و فى لحظة غيرته و قلت بيصرفوه على الكبار و عربياتهم و رجال ال ................
و مع ذلك بتقول انك مقتنع باللى انت بتقوله
عموما .......ده مش موضوعنا .... خلينا نربى عيالنا و ياريت نتكلم احسن فى موضوعنا الرئيسى اللى هو الجمارك على العربيات و ازاى نحاول نقللها
و انا كنت طلب ان اى حد من المشرفين يشارك معانا و يقولنا رأيه ايه فى الموضوع
ولا يعنى المشرفين نايمين :36_7_4[1]:
انا ماغيرتش كلامي ولا حاجه... انا حاسيت انك مش فاهم وجهة نظري في الموضوع...
ماهو اي طريق بيتسفلت بيكون بفلوس الضرايب و الجمارك اللي احنا بندفعها... اي كوبري بيتعمل برده... مشروع مترو الانفاق اللي شغال دلوقتي معظم فلوسه من اللي احنا بندفعها...
يعني هي الحكومه بتجيب الفلوس منين...
طبعاً في ظل الفساد اللي موجود و المبالغ الضخمه اللي بتكون مع الحكومه في نسبه منها بتوجه لأغراض تانيه غير خدمة الشعب... ياريت تكون فهمتني...
انا مش عارف حاسس ان انت قافش عليا رغم ان احنا الاتنين في خندق واحد... انا نفسي الجمارك تتشال بس قولي هنعمل ايه علشان نشلها... هانقاطع شراء السيارات
طب ما احنا عاملين كده دلوقتي... و انا منضم لحملة خلوها تصدي و بايع عربيتي من شهر 11 اللي فات و لسه ماشترتش لحد دلوقتي تضامن مع الحمله...
لو في طريقه مؤثره قولي عليها و انا اول المنضمين إن شاء الله...