=== عندما يتغير عليك أعز إنسان ===

**Islam Amer** · 07-03-2009 12:14 PM

السلام عليكم

يا أخواني الأعزاء احب نتكلم في موضوع مهم جدا اكيد كل الاعضاء تعرضوا لمثل هذا الموقف وياريت نسمع الردود

عــندما يتــغير عــليــك"أعـــز الناس"..؟

"انســــان عـــزيز علـــيك"

تــقضي مــعظم أوقـــاتك مــعه..

فــــي يـــوم مـــن الأيــــام تجـــد تصرفـــاته "غريـــبه"..

وعـــندما يفـــتح الموبايل..

يجد..

المكالمات التي لم يرد عليها=7

الرسائل الواردة=3

وتـــكون هذه الاتـــصالات مـــنك أنت..

لــكنه لايـــرد عـــليها..

أو عــلى رســائلك..

كـــان الانــــسان الـــذي تشـــكو لـــه هـــمومك..

وتـــسعدك ابتـــسامته الــرقيقه..

وكــان يـــهتــم بــك..

ولا يـــقدر عــلى فراقـــك..

وحـــالك لايــصبح أفضـــل إلا بـلقــياه..و ســماع صــوته كـــل يــوم..

بــين يوم وليـــله انقــلب حــاله..

وتــغيرت تصـــرفاته...

كــأنــه لـــم تــكن بيــنكم عــلاقة وطيــدة تـــجمعكما..

مـــاذا ســـتكون ردة فعــلك اتــجاه..؟

هـــل تحــاول معــرفة السبــب..؟

أو تنســـاه ولاتــهتم بــه..؟؟

ومـــاذا ســتفعـــل..؟؟

وهــــل مررت بهـــذه الـــتجربــه؟؟

انتظر الردود منكم

ممنوع الكتابه بللون الاحمر حيث انه مخصص لمداخلات الاداره فقط
مشرف فرعي 1

**KHALED AYMAN** · 07-03-2009 12:43 PM

موضوع جميل من شخص اجمل .
لو الشخص ده قطع عنى فجأه يبقى اكيد :
1-حصل منى حاجه زعلته و مخدتش بالى .
2-حد وقع بينا و قاله حاجه مش صح !!!
3-الشخص ده بيمر بأذمه شديده و مخنوق من الدنيا .
فى ال3 حالات هكلمه و طبعا مش على الموبايل لانه مش هيرد ..
هروحله البيت او هبعتله حد يكون قريب مننا احنا الاتنين و اشوف ايه سبب المشكله ؟؟
1-لو انا غلطان يبقى هتاسفله ..
2-لو هو غلطان هعاتبه و هعمل انى زعلان علشان ميكررهاش تانى (مع انى مش هكون زعلان لانى مش بعرف ازعل خصوصا لو حد من حد قريب منى ).
3-لو حد وقع بينا مش هسكت الا لما اعرف قاله ايه بالظبط و هجيبه الى وقع بينا و هوقفهم ادام بعض و اواجهه و اوضحله كذبه و مش هسكت كمان الا لما الموقعاتى ده يتأسف و يعتذر و يبعد عننا خاااااااااااااااااااالص ...
4- لو الشخص ده بيمر باذمه يبقى مش هحاول افهم منه المشكله و احاول احلها و هستحمل اى خطأ يصدر منى تجاهه لانه فى ازمه و مخنوق و مش عارف يفكر.

التصرف ده انا الى هعمله ممكن لو حد تانى يعمل حاجه تانيه ..
يعنى قصدى انها بتختلف من شخص للتانى ...
بس ده الى انا هعمله و لو انى مش عارف ده صح ولا غلط ؟؟

الموقف ده حصلى قريب بس طلع الشخص ده هو الى غلطان و فهمته غلطه و خلاص الموضوع عدى و مفيش اى مشاكل ...

**AboELsoud** · 07-03-2009 02:26 PM

لسه حاصلي الموقف ده قريب و كان صديق عزيز اوي عليا و مكناش بنسيب بعض خالص
و في يوم و ليله لقيته بيعد و بينفضلي و كانه لم يكن بيننا صداقه دامت 3 سنين و لا اي حاجه
حاولت معاه كتير اني احسسه اني زعلان او هو متغير بس مفيش فايده
قررت اني اسكت انا و اشوف هو هيعمل ايه
شهر ورا التاني مفيش اي تعامل او حتى اتصال

قلبت عليا المواجع
معلش قلبت دماغكوا

**نور القمر** · 07-03-2009 02:34 PM

اكيد هحس ان الدنيا اسودت في عيني بس لازم احاول اعرف السبب لو مش غلطانه خلاص هو اختار البعد

**mohmd76** · 07-03-2009 05:46 PM

التمس له عذرا لا تعرفه
كما قال الامام الشافعى رضى الله عنه
لعل له عذرا لا نعرفه

**sa3dawy** · 07-03-2009 05:55 PM

ياااة كتير ...
السبب الوحيد هو حب التغيرر والناس بتزهق من بعضا ببساطة جدا جدا

**AhMeD EzZ** · 08-03-2009 12:54 AM

لسة حاصل معايا بسبب واحدة *^&*& الله يسامحها بقي

**eng.octooo** · 08-03-2009 01:09 AM

لو كان جة وقالى اية مشاكلة كنت حليتها معاة اما لو قطع مرة واحدة هاحاول معاة ولو منفعش يبقى هو الى اختار

**magyver** · 08-03-2009 04:10 AM

الموقف فعلا حصلي
واعز الناس عشرة اكتر من 15 سنة وفجاة باعني علشاان واحد
تااني عااتبتة اللي في دماغة في دمااغة

**pro_samir** · 08-03-2009 05:03 AM

اكيد لازم تفضل وراة لحد ما تفهم فى اية
لو كان متنرفذ او متعصب اتقل علية شوية على ما يهدى وبعدين

خليك وراة مرة واتنين لحد ما تفهم فى اية وحاول تفهمة

لو لاقيت دماغة اتحولت لقفل كبير سيبك منة وخلى الموضوع سلامات واخبارك وخلاص

مفيش اكتر من الأصحاب ،،، لكن فين الأصدقاء !

الموضوع: === عندما يتغير عليك أعز إنسان ===

LinkBack

أدوات الموضوع

عرض

-

-

-

-

-

-

-

المواضيع المتشابهه

لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

عذرا لم يتم العثور على إنسان

يا إنسان العصر

لفتة طيبة من إنسان مميز ..

الكلمات الدلالية لهذا الموضوع

المفضلات

المفضلات

ضوابط المشاركة