لانوسيا من سنة وعندى بعض الاسفسارات

**mahmoudysf** · 07-03-2009 05:12 PM

السلام عليكم جميعا
عندى لانوس 99 استيراد من بور سعيد بدات تحصل بعض المشاكل مثل التسقيف رحت للفنى من يومين نظف الرشاشات وركب فلتر بنزين والحمد لله اتظبت
لاكن عايز اسال انا لاحظت ان فى رشاشات مش داخلها مكانها كويس والعلامة الخضرة باينة هل دى تسبب مشكلة
وشكر ا للجميع

**samirayad** · 07-03-2009 09:10 PM

يعنى أيه فى رشاشات مش داخله مكانها كويس.........

- انا شايف من الناحيه النظريه ومن خلال عملى أن المفروض تكون أبعاد التركيب واحده للرشاشات الأربعه .....ويكون الوضع مطابق للأربع رشاشات (يعنى الطول اللى بارز لبره يبقى زى بعضه ).....على فكره أنا مغيرتش رشاشات قبل كده ....

_ بس ده الكلام المنطقى والصح .....وأكيد حيكون موجود خلل حاليا فى عملية خلط البنزين والهواء (لأن الرشاش اللى حيكون مظبوط فى مكانه وداخل فى رأس السلندر صح حتكون كفاءته فى الحريق أفضل )........دى وجهة نظر تحليله فقط......ولو أنت شايف الوضع أختل عن الأول (قبل نظافة الرشاشات )....يجب أن تذهب مره أخرى للميكانيكى لضبط الوضع (على قديمه )......دا غير أن فيه أويل رنج على الرشاش (ولازم يكون راكب فى مكانه بأبعاد صح لضمان عملية الحبك أثناء الحريق لأن كده ممكن يحصل عندك تفويت كبس من حول الرنجات اللى حول الرشاشات ).........وبرضه أنتظر رأى من أى زميل غير رشاشات..................

**Samir Elshahawy** · 07-03-2009 10:00 PM

طبعا بأتفق مع كلام الباشمهندس/ سمير , لأن كما ذكر المفروض فيه رينج لأحكام غلق غرفة الحريق من حول الرشاشات لمنع هروب كبس البساتم و كمان لمنع هروب البنزين لأن معني كده أن أستهلاك البنزين عندك المفروض يزيد و كمان هاتشم ريحة بنزين و أنت ماشي

**samirayad** · 07-03-2009 10:05 PM

المشاركة الأصلية كتبت بواسطة SE_coralsea

طبعا بأتفق مع كلام الباشمهندس/ سمير , لأن كما ذكر المفروض فيه رينج لأحكام غلق غرفة الحريق من حول الرشاشات لمنع هروب كبس البساتم و كمان لمنع هروب البنزين لأن معني كده أن أستهلاك البنزين عندك المفروض يزيد و كمان هاتشم ريحة بنزين و أنت ماشي

_ دا غيرأن الرشاش اللى مش حيكون بايت كويس مكانه ....المشوار بتاع الشكل الهرمى لزرات البنزين حيكون أطول فى عملية الأختراق وهو فى طريقه الى حواف بلف السحب لأستكمال تزريره وتبخيره قبل الخلط مع الهواء...........وبالتالى الغرفه اللى زى كده مش حتحرق بالكفاءه المطلوبه ....زى مايكون الرشاش بايت مكانه كويس......وبالتالى حدوث أتزان ديناميكى مش مظبوط على عمود الكرنك نتيجة أختلاف كفاءة الحرق من غرفه لأخرى.وذلك بسبب وجود أختلاف فى كفاءة الخلط بين البنزين والهواء من غرفه الى أخرى...........

.............

**Samir Elshahawy** · 07-03-2009 10:50 PM

المشاركة الأصلية كتبت بواسطة samirayad

_ دا غيرأن الرشاش اللى مش حيكون بايت كويس مكانه ....المشوار بتاع الشكل الهرمى لزرات البنزين حيكون أطول فى عملية الأختراق وهو فى طريقه الى حواف بلف السحب لأستكمال تزريره وتبخيره قبل الخلط مع الهواء...........وبالتالى الغرفه اللى زى كده مش حتحرق بالكفاءه المطلوبه ....زى مايكون الرشاش بايت مكانه كويس......وبالتالى حدوث أتزان ديناميكى مش مظبوط على عمود الكرنك نتيجة أختلاف كفاءة الحرق من غرفه لأخرى.وذلك بسبب وجود أختلاف فى كفاءة الخلط بين البنزين والهواء من غرفه الى أخرى...........

.............

ده أيه الحلاوة دي كلها , بجد أنا بأكون سعيد لما بأتحاور معاك و بحس أني بلاقي نفسي

**samirayad** · 07-03-2009 10:51 PM

المشاركة الأصلية كتبت بواسطة SE_coralsea

ده أيه الحلاوة دي كلها , بجد أنا بأكون سعيد لما بأتحاور معاك و بحس أني بلاقي نفسي

s + s .....

**lol656** · 08-03-2009 02:19 AM

مش مشكله خالص انا في عربيتي كده برضه اهم حاجة مفيش بنزين بيتسرب ومفيش اي ريحة بنزين

**mahmoudysf** · 08-03-2009 03:15 AM

متشكر اخ samirayad على الرد والافادة انا حسيت كدة برضة ان لازم يكون فية خلل طالما انا الشاشات مش فى مستوى واحد وان هرجع للميكبيكى تانى
على الرغم من عدم وجود مشكلة ملموسة

**Drift_Lover** · 08-03-2009 03:45 AM

أرسل أصلا بواسطة samirayad

_ دا غيرأن الرشاش اللى مش حيكون بايت كويس مكانه ....المشوار بتاع الشكل الهرمى لزرات البنزين حيكون أطول فى عملية الأختراق وهو فى طريقه الى حواف بلف السحب لأستكمال تزريره وتبخيره قبل الخلط مع الهواء...........وبالتالى الغرفه اللى زى كده مش حتحرق بالكفاءه المطلوبه ....زى مايكون الرشاش بايت مكانه كويس......وبالتالى حدوث أتزان ديناميكى مش مظبوط على عمود الكرنك نتيجة أختلاف كفاءة الحرق من غرفه لأخرى.وذلك بسبب وجود أختلاف فى كفاءة الخلط بين البنزين والهواء من غرفه الى أخرى........................

بحب تحليلاتك والله العظيم.

**samirayad** · 08-03-2009 07:30 AM

المشاركة الأصلية كتبت بواسطة mahmoudysf

متشكر اخ samirayad على الرد والافادة انا حسيت كدة برضة ان لازم يكون فية خلل طالما انا الشاشات مش فى مستوى واحد وان هرجع للميكبيكى تانى
على الرغم من عدم وجود مشكلة ملموسة

أنا قولتك على وجهة نظرى الفنيه للى ممكن يحصل.......(لأننى بصراحه مبحبش الشغل اللى بالكيلو ده أبدا ).....وحبييت أكون أمين معاك بس من خلال شغلى ....وده فعلا التحليل الهندسى الصح للسيناريو اللى بيحصل حاليا عندك...ورأيى يجب أن تعيد الوضع لما كان عليه (وحنى بالمنطق كده ....الميكانيكى اللى بيعجن ده مش حيكون أينشتين عن اللى مقفلين الموتور بره ).....دول والله بيركبوا الحاجه وخلاص واهم شىء عنده تدور وخلاص......واللى بيشيل هم الحاجه بعد كده (زى مابيقولوا ...أبو العيال ).......

.

المشاركة الأصلية كتبت بواسطة Drift_Lover

بحب تحليلاتك والله العظيم.

_ ياباشا ...الله يخليك

الموضوع: لانوسيا من سنة وعندى بعض الاسفسارات

LinkBack

أدوات الموضوع

عرض

-

-

-

المواضيع المتشابهه

اشتريت a4 وعندى اسئلة

استلمت وعندى مشكلة

عاوز اطمن (بعض الاسفسارات بخصوص الاوبترا)

اشتريت 128 وعندى سؤال؟

لدى سيارة 406 وعندى مشكلة؟

الكلمات الدلالية لهذا الموضوع

المفضلات

المفضلات

ضوابط المشاركة