انتا راجل عسل
كان انا اللى بتكلم
+1000000000
اى حد جاى من وراك وتديله يمين فى شمال ده معناها اختارلك طريق انا همشى زى ما انا (اتصرف انت من الاخر)
او معنى اخر ان نورك عالى وضارب فى عينى خلى عندك دم واطفى النور العالى
معناها ان الطريق مقفول قدام لا يمين ولا شمال هينفعك هدى عشان كده كده كله هيهدى (فى زحمه او دخول فى طريق اضيق من الحالى )
مظبوط جدا
دى عادى مش معروفه اوى بس بيستخدمها الناس اللى ليها فى الجرى
عشان المفروض الملف تلتزم بحارتك وتهدى سرعتك وانت داخل
عايز تجرى وتاخد الملف على الضيق ووتوسع لنفسك او على الواسع وفى ضيق عشان تاخد الملف على سرعه اكبر يبقى لازم تخلى بالك من العربيات اللى معاك وتديهم الاشاره عشان محدش يشد جنبك وانت داخل الملف
بالنسبة لليمين فى شمال لما تطلع من حد دى مجرد انها حركه تدل على انك الفائز ده لو انت طلعت من واحد بيشد معاك
مش لازم نقلب كل حاجة لشتيمه وكلام ملوش لازمه
انا هشتمه ليه يعنى؟ عشان عربيته ضعيفه ومش هيقدر يشد معايا؟
لازم نبقى محترمين اكتر من كده
انا ليا بقى حركه مش عارف دى متعارف عليها ولا لأ
لما بلاقى حد بيشد ورايا وغاوى يلزق فيا خصوصا بليل بنور نور الشبوره الخلفى :) بيبعد عنى على طول عشان بيحس انى بفرمل فبيقلق (مش بنصح بتركيب نور مبهر للشبوره الخلفى عشان بيضر جدا اللى وراك)
بستعملها طول الوقت
يمين وشمال فى الدخلات او الملفات ولما احب اعدى من عربيه مرخمه
والانتظار عند المطبات الحلزونيه اللى فى شوارعنا ولو طالعه من نفق ولقيت الشارع واقف قدامى او عند منزل كوبرى
الاشارات والمرايات الجانبيه والفرامل اهم شى
طبعا لازم استخدم الاشارة اي نعم 98% من الشعب العريق يبطلع ايديه ورجليه من الشباك
الحمد لله باستخدم الاشاره حتى لو مافيش حد ورايا
لكن المشكله عندنا فى الهباب الجديد اللى اسمه تكتك ده
مايعرفوش حاجه اسمها اشاره ولايعرفوا يعنى ايه قواعد مرور
يعنى مثلا كنت باخد ملف يمين ومدى اشاره من بعيد جدا قبل الملف بكثير وخلاص هااعدى الاقى الحمار بتاع التكتك سايب الطريق واسع ومصر انه يعدى من شمالى رغم الاشاره اللى مديها له
وكان هيلطش فى الا اننى توقعت خطئه مسكت فرامل على الاخر والاغرب ان سيادته مش عاجبه كمان بيزعق وفاكر انه صح
وخد من ده كثيييييييييييييييييييييير
طبعا بستخدم الإشارات ...
بسم الله ما شاء الله ( 95% ) من الناس بيقولوا انهم بيستخدموها ...
فين الكلام ده ؟ اكيد فى المريخ مش في مصر ....ههههههه
أكيد بستعملها
رغم إن في ناس كثيرة بطلت
لو الشارع اللى ماشى فية زحمة وطبعا لاغنى عن الاشارات اما لو الشارع فاضى حستعمل الاشارة لمين
وكمان لما اكون فى ملف واضح وانا واخد الجمب الصحيح اليمين مثلا فلية اشغل الاشارة مهو انا كدة كدة حلف وواخد الجمب الصحيح .
الموضوع مش كده
يعنى لو مثلا الملف الل ىتبقول عليه ده فى مكان مظلم لازم تدى اشاره عشان اللى جاى وراك ممكن مش ياخد باله ان على اليمين ملف
ده غير ان الاشاره بتختلف حسب الموقف
يعنى لو مثلا بتشد مع واحد غالبا بتدى اشاره للطريق المقفول مش الطريق اللى انت هتنقل ليه
يعنى لو بتاخد غرزة مثلا شمال بتدى اللى بيشد وراك اشاره يمين عشان يفهم انك داخل شمال واليمين مقفول قدامه
الحوار اكبر من كده بكتيييير بس محتاج ناس حافظه العربيه ودامغها كلها فى الطريق والاشارات والمرايات ال 3
والله الاشارات دة عادة عندي تلاقيني عمال بشغلها حتي لو ماافيش حد ورايا وساعات بشتغل بيها النااس بردة ههههه
يمين ×شمال
ايه يا جدعان كلو بيستخدمها
امال اللى فى الشارع دول ايه :)
نادرا جدا ما تلاقى حد مدى اشارة!!
ممكن يدى لو الموقف صعب و مش عارف يخش بالعافية!!
انا عن نفسى لو عند البيت او فى شوارع فاضية مش بدى اشارة (لان بيتى فى الصحرا :)
انما الزحمة و الغرز او تغير الحارات فى الطرق السريعة لازم اشارات
انا كنت شاكك في الحكاية دي بس كدة انت اكدتلي الموضوع دا !!كلامك ياباشا مظبوط 100 في الـ100
وفي حالة تانية بتغيظ الواحد لما تبقى واقف مستني العربية اللي جاية في التقاطع وأول مايوصل تلاقيه بيلف من التقاطع من غير اشارة(يعني مالوش لزمة انك تفضل واقف مستنيه لأنه أصلا مش هيتقاطع معاك في الطريق )
بدي اشاارات ساعة الضرورة القصوى بس في الطرق السريعة او عربية سريعة ورايا وانا هلف ولازم انبهه كدة يعني وأول ماسقت كنت ملتزم تماما بموضوع الاشارات بس عدم التزام الناس بيها خلاني ابطل استعملها بالذات للسببين اللي فاتوا
بالظبط كدة بالذات سواقين الميكروباص و التاكسياقتباس:
انا بستعمل الاشرات ديما بس مؤخرا اكتشفت حاجه غريبه جدا اني لما بدي اشاره الناس بتكبس عليا ومش عايزاني اعدي او الف يمين او شمال
لما بديله اشارة كأني اقتلتله عيل من عياله
الاقيه كبس بكل غباء و يبص بصة مالهاش معنى و يكمل
كانه بيقولي ( قال عايز تلف قال )
فبطر استخدم ايدي مع الاشارة علشان الف
و يا سلام لو عايز الف يمين و محدش قاعد جنبي
بعمل حاجة تنرفز اي حد
بدي انتظار و اقف في الشارع و اكسر العجل
الناس كله بتقف بصراحة بس بيبقى علامات الهلع و الاستهجان على وشوشهم
بص هقولك على حاجة !! البهايم اللي بتقلب نور وانت ماشي على الشمال وبتخطي عربية !!دول انا اكتشفت اني لما بديله اشارة يمين حتى لو مش هينفع ادخل يمين على طول عشان جنبي عربيات والناحية التانية رصيف ولما جربت الحركة دي لقيتو بيهدى ويبطل تقليب نور !!!خلاص الحريف فهم الاشارة ومش فاهم ان على يمينك عربية وشمالك رصيف!!!!ووسعله يمين اول ماليمين يفتح
بستخدمها طبعاً .. وبرده مش نافع
ده لازم واكيد واكيد ولازم
يا حماعه انا سوقت فى القاهره مده لا تتجاوز الساعه اكتشفت ان القاهرويه مش مقتنعين بحاجه اسمها اشاره اساسا لما ادى الاشاره محدش بيعملها احترام وان الاشاره بالنسبه لهم هيه عباره عن قطعه مضيئه عشان الفانوس يكمل ويبقى شكله ظريف انما حد يستنانى عشان انا مشغل الاشاره فده شىء مشفتهوش
أكيد طبعا لاااااااااااااااااااااازم أستعملهم
انا علي طول بستخدمها و حتي لو طالع من الجراج و مفيش و رايا غير الحيطة بتاعة الجراج او حتي لو في شارع فاضي خالص لحد ما واحد صاحبي أنتقدني من كتر ما بستعملها علي طول (و ده في رأيي مش عيب بالعكس) و قال لي انت بتدي إشارة لمين يا بني ايه شايف العربيات وراك واقفة طابور بس ده أسلوب قيادة و مش هغيره ابداً.
استاذ محمد حسنى
أوعى تكون اللى بالى
طبعا بستعملها وبضايه جدا لمى الاقى واح جى من اليمين الى الشمال مره وحده ولمى ازمرله يقولى ايه يا عم انت مش شايفتى وانا داخل قدامك
طبعا لازم استخدمها حتي بستخدمها في الشوارع الفرعيه وبتكون فاضيه كمان مفهاش حد
أكيد طبعا أنا مش مستغني عن ايدي.هههههه
امبارح اضطريت ألف شمال من شارع جانبي وماديتشي اشارة عشان اللي معايا في العربية قاللي خش يمين عند الملف بالظبط وكنت باتكلم في الموبايل ودخلت يمين من ورا العربية اللي كانت جاية في وشي وأتارييه بيرجع لورا عشان العربية اللي قدامة كانت راكنة وهو دخل وراها عشان يعديني وانا بالف من وراه راح راجع على جنب عربيتي وخبطلي الباب والرفرف ورا شمال - لو كنت اديتله اشارة كان يمكن ياخد باله اني هلف من وراة وماكانشي رجع ؟!؟!؟ الله أعلم بس أحين حاجة الواحد يمشي صح ويعمل اللي عليه وخلاص
على فكرة كنت داخل شمال مش يمين
مش مهم الواحد يدي اشارة ولا ما يديش المهم اللي حواليك فاهمين معنى الأشارة..:dzey:
ده في ناس تكسر الدركسيون علشان تلف وتدي الأشارة في نفس اللحظة وانت وراه مطلوب منك تتفداه ويا ويلك لو ابديت استيائك من حركته.. يبصلك على انك ما بتفهمش في اصول السواقة ..
انا بقا بطلع ايدى من الشباك و ساعات بطلع رجلى ههههههههههههههههه بهزر على فكرة اجدع حاجة يعملوها ان العربيات اللى تيجى مصر يزودو عليها اوبشن جديد انه بدل الفانوس الاصفر بتاع الاشارات ايدين فى الجنبين لما تدى يمين الايد اليمين قدام وورا يتحركو و هكذا
موضوع استخدام الاشارات عادة مهمة لازم اي واحد بيسوق يتعود عليه و تتحول الى رد فعل إنعكاسي زي تغيير غيارات الفتيس و خلافه.
علشان تتعود عليها، يبقى لازم تدفع نفسك دايما لاستخدامها، من غير ما تسأل انا فين و لا حوالية ايه.
على سبيل المثال، لو الساعة 2 بعد نص الليل و جاي تدخل العربية الجراج و الشارع فاضي و مافيهوش سريخ بن يومين، يبقى على طول لازم تشغل الاشارة و انت بتكسر يمين او شمال ناحية الجراج، و قيس على كدة اي حودة للدريكسيون بتاع العربية
مش بس دى التى تعتبر شتيمة هناك أيضا نغمة الكلاكس التى عملها كريم عبد العزيز فى فيلم واحد من الناس عندما خرج من السجن و ذهب لإستلام سيارته الجديدة ، عندما عرضت علية السيارة لآخذ رأيه فى إمكانياتها
لم يقم بتجربتها و إنما قام بتجربة الكلاكس الخاص بها بنغمة معينة تعتبر شتيمة للأم
الوضع ده كان حاصل فعلا فى الخمسينات كانت هناك سيارات ستروين و فيات موديلات الخمسينات الإشارة الخاصة بها بخلاف الأمامية و الخلفية كان هناك زراع فى قائم الباب اليمين و الباب الشمال لونه أصفر يرتفع لأعلى بزاوية 90 درجة مضئا باللون الأصفر
و لكن فى ذلك الوقت كان كل من يسوق سيارة يحترم قواعد المرور
عام سعيد علي كل اعضاء نايل موتورز
طبعا بأستخدم الأشارات لأنها شئ أساسي علي النحو التالي :
أولا.. الاشارات الجانبية:
- في الملفات
- عند تغيير الحارات المرورية يمين او يسار
- عند تخطي السيارات
- أستخدام الاشارة اليمين لاعطاء أشارة للسيارة الخلفية بالسماح بالمرورمن جهة اليسار
ثانيا.. أشارات الانتظار :
- عند التوقف علي جانب الطريق
- في حالة وجود خطر أو عائق يهدد سلامة السيارات لتحذير السيارات القادمة بالخلف
- عند الرجوع للخلف
- أثناء السير بالباركينج
- في حالة الطقس السئ ( ضباب - غبار - أمطار )
كما أن السيارة مزودة بجهاز انذار يعمل علي تشغيل أشارات الأنتظار في حالة فتح أحد الابواب اثناء عمل المحرك لتحذير السيارات القادمة من الخلف أو الامام