عادي جدا فيه ناس ملتزمة جدا انهم يشغلو الأشارة عند الملفات بس الأغرب تلاقي واحد يديك اشارة يمين وهو داخل شمال :36_1_8[1]:
عادي جدا فيه ناس ملتزمة جدا انهم يشغلو الأشارة عند الملفات بس الأغرب تلاقي واحد يديك اشارة يمين وهو داخل شمال :36_1_8[1]:
طبعا اكيد بستخدمها
انا بتضايق جدا لو حد قدامى فاجئنى انه هيلف يمين اوشمال من غير مايدنى اشاره والاقى نفسى هدخل فيه
ربنا يسترها علينا جميعا
اكيد بستعملها وياريت كل الناس تستعملها عشان الواحد جاب اخره من الناس اللى فجأه يفتكر انه داخل يمين ولا شمال ويروح مهدى جامد ويلف وملوش دعوه بالناس اللى وراه واللبس انت بقى لو مش واخد بالك :_Alshmokh08[1]:بس حركة اشارة يمين في شمال في انتظار دى على حسب معلوماتي بيكون بيجرى و انه بيدعوك للشد معه، بيقولك تعلا نشد مع بعض وهو بالمره حد يسليه بدل ماهو بيجرى مع نفسه ههههه وبعد كدة لما الشد يخلص وكل واحد يروح في طريقة يروح مكلكسلاك بحبك بحبك معنها بيقولك المكنه تمام يعنى وانت سواق 100 100 :C_laugh[1]: وكمان في بالنسبة للأشارات بس دى مشفتهاش غير في طرق السفر بالبر لو رايح الاردن او السعودية اكثر ناس بتعملها بتوع النقل لما بيكون الطريق رايح جى وانت عاوز تتجاوزه من الشمال بتروح مطلع راسك من الشباك عشان تشوف حاجه جيه في وشك ولا لأ ههههه طبعا قصدي بتطلع سنه شمال بالعربيه وتشوف الطريق لو فاضي بتتجاوز ولو حاجه جيه بترجع تانى ورا النقل هو طبعا كاشف الطريق قدامه بيروح لو في حاجه جيه بيديلك اشارة شمال يعنى متعديش دلوقتى ولو فاضي بيديلك اشارة يمين يعنى اتفضل عدي وبدورك لما تيجي جنبه بتروح مديله كلاكس صغير تحيه وشكر يعني وهو يقلك العفو بكلاكس الهوا المزعج والمرعب:satelite: برده LOL
كلام مظبوط 100%
بس لو على الشد بيديك اشاره يمين فى شمال فقط
شمال فى يمين فى انتظار لو مش بمعناها اللى قولنا عليه قبل كده (مشاركة 8)
يبقى كده شتيمه او مضايق منك فى حاجة :Zb_sor1[1]:
شكرا على التوضيح ياباشا شتيمه شتيمه هيا هتلزق يعنى :C_laugh[1]:و بعدين مسيروه يجي اللي يشتمهاقتباس:
أرسل أصلا بواسطة M.Mokhtarكلام مظبوط 100%
بس لو على الشد بيديك اشاره يمين فى شمال فقط
شمال فى يمين فى انتظار لو مش بمعناها اللى قولنا عليه قبل كده (مشاركة 8)
يبقى كده شتيمه او مضايق منك فى حاجة
طبعا باستخدمها وقبل ما أدخل اليوتيرن او الشارع ب 100متر على الأقل
شكرا بس مكنتش اعرف انها هتعجبك اوى كده ممكن اقولهالك ثانى لو عجباكاقتباس:
أرسل أصلا بواسطة nabaster
والله انتا راجل طيب ههههههههههههههههههههههههه ههه
ربنا يكتر من امثالك
غير انك لو جيت جمب اللى ايداك الاشارة هتقوله انت بتشتم بالاشارة هيقولك ايه ؟ الرد معروف طبعا
والله يا جماعة امبارح ماشي في شارع فيصل ( قصدي واقف ) وحبيت ادخل يمين اديت اشاره الاول ودخلت واحدة واحدة لقيتلكوا واحد محترم جداااااااااااااااا داخل ب افيو ولحق ودخل بدالي بقولو في اشارة وبشارورلو ب ايدي
رد عليا بمنتهي ........ وقالي يعني ايه
حسيت ان كان هيجرالي حاجة
اكيد باستخدام الاشارات الجانبيه لما بحب ادخل شارع او لما بحب اطلع من الصف ال انا فيه وهكذا وهو ده الصح ومبحبش حد بفجائني بدخول شارع او غيرة بدون الاشارات الجانبيه
اكيد شىء ضرورى
لو الطريق زحمه ولو ماشي ساعات نعم وساعاتل لا:36_3_10[1]:
انا كنت فاكر الاشارات دي في عربيتي بس الحمد لله في ناس زيي عندهم اشارات
ماشية زي الناس ع اليمين في شارع الكوبري فيه ع الشمال و انا طالعة الكوبري.. و على مسافة كافية جدا جدا من الكوبري بدأت أدي إشارة شمال.. إن حد يعديني.. آآآآآآآآآآآبدا :dontudear:
فضلت كده شوية لحد ما لقيت الكوبري قرب و برضه الناس كابسة علية.. رحت قلت لأ بأه ما بدهاش.. رحت كابسة انا كمان على اللي ورايا ع الشمال و كانت عربية نص نقل.. برضه عمال يكلكس و يقلب لي نور عشان أعديه و انا بصراحة بأه عندت و رحت واخدة شمالي و ماهمنيش.. انا عارفة اني كده اتغابيت، بس اعمل ايه؟ همه هايخلوني أمشي في طريق غير طريقي و ما اطلعش الكوبري عشان خاطر بسلامتهم مش عايزين يعدوني؟ :44:
النكتة بأه اني و انا طالعة الكوبري بابص في المراية على اللي ورايا ما لقتش حد من اللي كانوا كابسين علية دول طالع الكوبري، و لا حتى بتاع النص نقل.. يعني البهوات كان طريقهم يمين و مش عايزين يدخلوني انا شمال عشان أطلع الكوبري :_Alshmokh08[1]:
اكيد لازم الواحد يستخدمها
الاغبى بقى انك تتزنق فى ملف
انا اتزنقت فى ملف داخل يمين رحت مدى شمال على اساس ان اى كائن بشرى عندة تمييز يعرف انى مش هلف الملف معاهم بس مكنش فى فرصه اخد شمالى علشان الطريق كان واقف
ودول ولا الهواء
اوبشن الاشارات دة مش نازل عن 90% من الناس
انا بدى اشارات برضه عادى
بس بديها وبكبس مش بديها واستنى حد يعدينى
دة غير انى غلس جدا وبحب اسيب مسافه بينى وبين الى قدامى بس برضه متسمحش لحد يدى غرز فبتشتم بالاشارات كتير جدا
و احيانا المساحات
والاسواء من عدم استخدام الاشرات انك تستخدمها غلط
واحدة راكب جيب شروكى ومديه اشارة يمين يعنى تمام شمالها امان بقدرة قادر حدفت شمال بزعقلها بتقلى منا مديه اشارة قلتلا طيب بصى على الاشاراة اللى انتى مدياها
غباء صرف
******
طيب أنا حصل معايا العكس تماماً
* أنا ماشي في طريق الواحات في أتجاة 6 أكتوبربعد الفردوس مباشرة وماسك شمالي ومدي إشارة شمال لأني داخل الملف اللي جاي علي مسافة حوالي 50 متر .( أعتقد إني كدة صح )
* ورائي مباشرة واحد راكب BMW وإيدة علي الكلاكس وبيرعش بالنور العالي
* بصراحة أن وقفت عند مدخل ال ( U Turn ) أفتكرت عربيتي فيها حاجة والا يمكن اللي راكب العربية دي يعرفني أو عايز يسأل عن الطريق مثلا ً
* البية جة علي يمني وفتح الشباك وبيزعق وبيقول أنا بزمرلك وبقلب نور علشان تفتح لي الطريق وأنت مطنش
* طبعاً أنا رديت وقلت لة أن ماسك شمالي ومدي إشارة وبهدي علشان داخل الملف والمفروض سيادتك تهدي وتدخل الملف بعدي براحتك
* الغربية أنه رد بكل جليطة أنا مش داخل الملف أصلاً أنا طالع دوغري .. كمان الإشارة اللي أنت بتتكلم عليها دي إستئذان وأنا أسمح لك أو ما اسمحش.. وقبل ما أرد علية كان طاير وهو بيبرطم
* سبحان الله ؛؛ أنا أصلاً ما دخلتش في حارتة أو كسرت علية
أنا كنت ماشي حوالي 80 كم / ساعة وأول ما شفت علامة الدوران للخلف هديت وإديت إشارة .. كمان اليمين كلة كان فاضي والساعة كانت حوالي 1 بالليل ؛ يعني لو خد يمينة كان مشي براحتة لأنه أصلاً مش مزنوق
لسة حصلالي امبارح في شارع السودان عند مقار
اليمين جنبي فاضي خالص و الشارع زحمة موت
اديت اشارة يمين علشان اوسع للجنبي مع العلم انه مافيش حد في اليمين
و انا بصين في مراية الجنب و الصالون كويس
و اول ما اديت اشارة
سمعت صوت حرق على الاولاني و لا كأنه طالع في الاوتو كروس
ببص لقيت كيا برايد هاتش باك رشق جنبي عدل ببصه راح مدور وشة الناحية التانية بكل تناحة
روحت زانقه في عربية نص نقل كانت واقفة و فضلت موقفة كدة شوية لحد ما في حوالي اربع عربيات كبسوا ورايا و مشيت و خليته زي **** و لا بلاش
بس ناس تنرفز قوي
يعني هو شايف الاشارة و شافني و انا ابتديت ادخل في المكان الفاضي
مش عارف عمل كدة ليه
هو كدة شايف نفسه بورم يعني و الشاب الي هوة الي مافيش حد زيه
ناس فاهمة الدنيا غلط
بس لازم يتربوا
مش عارف ايه المغزي من انك اول ما تدي اشارة تلاقي الي جنبك كبس عليك
مع انه قبل ما تدي الاشارة كان عادي و ممكن تدخل زي ما انت عايز من غير ما تدي الاشارة
لكن اول ما الشيطان يلعب في دماغك و تحط صباعك على دراع الاشارة
النخوة و الكرامة تتمكن من الي جنبك و الي وراك
و يحلفوا ما يعدوك ابداً
يعني بتدي اشارة و عايز تعدي
طول الوفت وطول السكة
والاغرب بقا لما تبقى عايز تدخل يمين مثلا وتدى اشارة ... تلاقى واحد كبس عليك من يمينك وفضل ماشى جمبك (وهوا مش داخل يمين )
بتحصلى كتير جدا بس مش عارف لية يعنى
الحمد لله بستعمل الإشارات دائما حتى والشارع فاضى!! ههههه بجد
-----------------------------------
بالنسبه للإشاره يمين شمال بأستعملها لما يكون السائق إلى فى الخلف منور النور العالى ...وفعلا بيطفى العالى ويشغل الواطى..وسعات بيطفيه خالص ههه وانا بستعمل الطرق السريعه كتير .
وعرفت من المنتدى هنا انها معناها علمت عليك لما تعدى واحد
واليوم فقط عرفت إن معناها شتيمه...
هي فعلا الاشارة اليمين في شمال دي احنا المصريين اللي خليناها شتيمة بس هي في الاصل زي ما العضو الفاضل مووود ما قال انها بتستخدمها لما حد يكون ماشي وراك ومديك العالي.
وصل الوضع للدرجة دي؟؟
اننا نعمل استفتاء علي الاشارات بنستخدمها ولا لا
لك الله يا مصر
الاشارات بتبين نواياك للاعداء اوعى تستعملها !!
السلام عليكم ورحمة الله وبركاته
أنا دائما بستخدم الإشارات
وعلى فكرة الموضوع بيفرق كتير جدا
وبصراحة الموضوع بيفرق جدا مع استعمال الاشارات
وبدايق جدا من اللي مش بيستعملها
دي لغة حوار أثناء القيادة
وإذا كان غيرك وحش ما بيستعملهاش
خليك انت الحلو اللي بيستعملها وغيرك ها يتعلم منك
انا كنت تحدثت في هذا الموضوع
انا كنت تحدثت في هذا الموضوع من قبل و أحببت أن أضيف،
استعمال الاشارات يجب أن يكون فعل تلقائي عند السائق، و لن يصل إلى كونه فعل تلقائي، إلا إذا أصبح قبلها عادة عند السائق، و لن يصبح عادة إلا إذا فعلها السائق مراراً و تكراراً و في أحوال و أوضاع مختلفة.
هذه هي الخلاصة، و هذا يعني لكي تصل إلى هذه المرحلة، أن تضع في اعتبارك استخدام الاشارات في كل دخول يمين أو شمال بغض النظر عن المكان او الوقت الذي أنت فيه، فمثلاً عند دخولك جراج منزلك الخاص في شارع فارغ، عليك عندها استخدام الإشارة و هكذا.
البعض يتصور أن إستخدام الإشارات يظهر نواياك لأعدائك فينقضون على الطريق ليمنعوك من الإتجاه فى اليمين او الشمال حسب الإشارة و لكن بالرغم من ذلك أستخدم الإشارة سواء مع ركاب السيارات أو المشاه السائرين على أقدامهم
و الواقع أن الشخص الذى يكبس عليك و يمنعك من المرور يكون هو نفس الشخص الذى إذا صادفته سائرا على قدميه أمام مدخل محل او منزل هو الذى يعزم عليك و يقول لك إتفضل أنت اولا .
عندما يجلس أمام عجلة القيادة يتحول إلى إنسان آخر متضخم الآنا .
البعض يتصور أن السيارة تعطيه مزيد من القوة و يصل الأمر بالبعض أحيانا أن يقيم المشاركين له الطريق على حسب نوع سياراتهم .
حقيقي أنا بأستعملها حتى لو كنت في طرق داخلية أو حتى في عدم وجود أحد خلفي لكن الغريب أن البعض يعتبرها عدم خبرة بالقيادة ...
أه والله ..
تجد البعض مثلاً يتخطاك بمجرد أن تعطي إنتظار بالرغم من أنك قد تكون قد رأيت شيئاً وهو لم يراه - وهو الغالب - لأنه خلفك ولكن تجد رد الفعل غريييييييييييييب
انا ببستخدمها من اول يوم سوقت والله وياررييييت الناس كلها تستعمها
أساسي حتى لو الطريق فاضي وانا ماشي لوحدي والساعه تلاته الصبح وانا على طريق اسماعليه الصحراوي لو بفكر آخد متر واحد يمين او شمال لازم ادي اشاره حتى لو الطريق طريقي ولو شايف العربيه اللي ورايا بينها وبيني كيلو حتى لازم ادي اشاره مش مثاليه ولا حاجه بس تقدر تقول اتعودت على كده مقدرش اسوق من غير مااعمل كده.
طبعا اكيد وبضايق جدا من اللى بيعدى كده ومش بيدى اشارة
طبعا مهمه جدااااااااااااا
وعشان متديش لحد فرصه انه يفتح بقه معاك