مين فيكم اتقفش عشان مركب زينون :)

**dr.nemo** · 09-03-2009 02:31 AM

اعرف اتنين صحابي اتسحبت رخصتهم فعلا واحد مش مركب زينون وكان مركب لمبات تلجي والظابط قاله ينور عالي وواطي وقاله دة زينون وخد الرخصه وخلاص !

مش المفروض ان التلجي مش ممنوع!!؟
يعني معقولة الضابط مش عارف يفرق بينهم؟
ولا هي غتاتة وخلاص!!!

**محمد أنور** · 09-03-2009 03:09 AM

يا ريت الرخصة تتسحب و ميحصلش اللي بيحصلي كل ما اركب زينون
الحمد لله اول مرة ركبت زينون خبطت الفانوس اليمين اتكسر والزينون بعد ما ركبت فانوس جديد اتحرق في الاتنين .. قمت مغيره و ركبته تاني و الحمد لله على كل شيء عملت حادثة كبيرة حبيتين العربية جابت نصف امامي و طبعا الزينون بالسلامة
فا يا ريتها تيجي على سحب رخص و تفضل العربية سليمة

**eslam_wega** · 09-03-2009 03:33 AM

المشاركة الأصلية كتبت بواسطة محمد أنور

يا ريت الرخصة تتسحب و ميحصلش اللي بيحصلي كل ما اركب زينون
الحمد لله اول مرة ركبت زينون خبطت الفانوس اليمين اتكسر والزينون بعد ما ركبت فانوس جديد اتحرق في الاتنين .. قمت مغيره و ركبته تاني و الحمد لله على كل شيء عملت حادثة كبيرة حبيتين العربية جابت نصف امامي و طبعا الزينون بالسلامة
فا يا ريتها تيجي على سحب رخص و تفضل العربية سليمة

التشائم حرام

**Haitham10** · 09-03-2009 09:08 AM

المشاركة الأصلية كتبت بواسطة nemo1987

مش المفروض ان التلجي مش ممنوع!!؟
يعني معقولة الضابط مش عارف يفرق بينهم؟
ولا هي غتاتة وخلاص!!!

علي فكره الي مكنش مركب دة انا كنت فطسان من الضحك وهو بيحكيلي لانه عايز يجيب زينون ومعاه 128 وانا دايما بحب اناكفه عليها فحكالي تاني يوم قالي بليل ظابط رخم وقفني وخلاني اولع النور وفضلت اقلب اقلب ويقولي زينون احلفله ان دي لمبتين ب20 جنيه ميصدقش وسحب الرخصه .
اوقات بيكون في ظباط رخمين بجد وفي الي هما محترمين بس مستنيين الاحترام والذوق معاهم عشان يقدروك.(وطبعا دة نادر جدا جدا)

انا الحمدلله لسه متقفشتش ولا اتمتعت بيه اسااسا:k36:

**tmedhat** · 09-03-2009 11:56 AM

الزينون الراكب هنا فى مصر بيبقى مؤذى جدا جدا لكل العربيات اللى قدامة و اللى جاية من الناحية التانية للاسف مش كويس

**zeyad1810** · 09-03-2009 03:15 PM

المشاركة الأصلية كتبت بواسطة Sameh

اللمبة الصغيرة البيضا دى هى اللى بتخليهم يوقفوك !! أنا مركب طقمين زينون يعنى 4 لمبات ، بس جيت على اللمبة الصغيرة (السيريا) وسيبت العادية الصفرا ، وأنا داخل كمين ببقى طافى طبعاً والسيريا منورة الكشاف أصفر والحمد لله بتعدى على خير

الكهربائى كان هيبوس إيدى عشان يركبها ومش متخيل إيه الزبون اللى مش بيفهم اللى جايب طقمين ومستخسر 5 جنيه بتوع اللمبة البيضا ، بس الحمد لله كانت فكرتى فى محلها والفانوس وهو أصفر كدة ماحدش يجى فى باله إنه بينور زينون ومابيسألوش

فعلا انت كلامك صح هما اول مابيشوفو نور ابيض او ملون بيقولك زينون او اضواء مبهرة ويتلككلك
وانت فعلا فكرتك جامدة جدا

**ouba2** · 09-03-2009 03:40 PM

المشاركة الأصلية كتبت بواسطة mooody2007

فعلا معاك حق هما مبيغيروش الاماكن الثابتة اللى انت قولتها الا نادرا اوى ممكن
احيانا يوقفوا عند الشيخة صباح بليل
واحيانا فى ش سعيد بليل
ومرات قليلة اوى فى كوبرى الجلاء
وعمر مفى لجنة بتدقق فى حكاية الزينون دية ابدا ولا بيقوللك ولع النور الواطى والعالى .

الجمعة اللي فاتت كان في لجنة في حسان قدام 911 بس فلت منها

**meromar** · 09-03-2009 04:14 PM

انا كنت ناوى اركب زينون بس خلاص غيرت رايى مع ان اصحابى كلهم بيقولولى حيفرق معاك اوى لو ركبت زينون بس انا بصراحة مش بحب اضايق العربيات اللى قدامى واكيد لو ركبتة الناس حتضايق منى جدا فحسيب العربية بانوارها افضل والحمدلله عربيتى فيها فامية مثبوت على الرخصة وانا مش محتاج اكتر من الفامية

**KHALED AYMAN** · 09-03-2009 05:38 PM

انا الحمد لله لسه متقفشتش ...
انا مربك زينون فى العالى و فى الواطى و مربك اللمبه الصغيره الى بتنور ابيض يعنى بقول يا لجنه تعاليلى هههههههههههه و الكلام ده فى الاسترا ...
الاوكتافيا نازله بالزينون بس مرخصه بيه عادى و مفحوصه بيه ..