مساعدة عاجلة جدا في كورسا 2005

**mirageman** · 08-03-2009 06:03 AM

يا جماعة انا قدامي كورسا 2005 ماشية 50 الف كيلو بس بأمانة يا جماعة العربية زيرو
انا مكنش في دماغي الكورسا خالص بس بالصدفة كدا شفتها وعجبتني
العربية الاستبن بتاعها منزلش الارض لسة وصقم العدة مفهوش ولا خربوش والكريك والعفريتة لسة بكياسهم
وصاحبتها مركبالها فرش جلد طبيعي ب 3 الاف (على كلامها :) والعربية سحبها وجريها فوق الطبيعي العفشة تمام مفهاش شعرة لسة هكش برضو عليها بكرة
يعني ممكن تعتبرها اعلى عربية كورسا ممكن تشوفها 2005
السؤال بقى
صاحبت العربية كانت بتتكلم في 60 وفين وفين نزلت 59 الف
بس في ناس كتيير قالتلى السعر دا كتيير قوي على الموديل دا
فياريت يا جماعة لو تقولولي اعلى سعر ممكن ييجي فعربية نظيفة جدا زي مقلتلكو كأنها خارجة من معرضها طبعا فابريكة برا وجوا
ممكن يكون كام
انا المفروض هخلص بكرة فارجوكم ساعدوني

**Ahmad Allawy** · 08-03-2009 11:40 AM

شوف يا باشا.. سعر السوق دلوقتي للعربية دي كبيرها قوي..55 الف جنيه.. بس الموضوع يتوقف عليك انت..
لو انت شايف العربية دي حلوة في عينك انت و مرتاح ليها نفسيا..و مش بتفكر انك تغيرها قريب خالص.. يعني تقعد بيها كام سنة.. متفكرش تبيع في السنة الجاية دي عشان متخسرش فيها..
بمعني انك ممكن تدفع فلوس اكتر شوية في مقابل استمتاعك بحالة العربية.. فكده كويس.. ممكن تاخدها..

لكن لو انت العربية مش فارقة معاك.. ممكن تتقل عليها جدا.. و تقولها العربية سعرها عالي عن السوق 5 الاف جنيه.. و غالبا غالبا مش هتعرف تبيع بالسعر ده.. و هتضطر انها تنزل ف السعر لو هي محتاجة تبيع.. انت و ظروفك بقي..

وانت بتكشف لازم ف التوكيل و تعرف العربية مغيرة اسطوانة و ديسك و بلية دبرياج ولا لأ.. لو مغيره خلاص..
لو لأ يبقي تبقي عامل حسابك في 2000-2500 جنيه كمان 10 الاف كم.. في الصيانة بتاعت ال60 ف التوكيل..
هتغير اسطوانة و ديسك و بلية.. لو حالتهم مش كويسة.. و طلمبة مية و سير كاتينه و بلية كاتينه.. يعني لو عرفت انك تخصم الفلوس دي منها من دلوقتي يبقي كويس..

و تحت امرك في اي حاجة يا باشا.. و ربنا يوفقك لما فيها لخير..و يكرمك بعربية نضيفة باذن الله.. و في انتظارك ف العصابة قريبا ان شاء الله..

**tamertamer** · 09-03-2009 02:30 PM

بلاش العربية دية ياباشا العربية دية تعتبر من اسواء العربيات الاوبل فى الثبات لانها خفيفة وبتتقلب بسرعة غير ان قطع غيرها بصراحة غالية انا عارفها كويس عشان كدة بقلك بلاش احسن هات الاسترا افضل منها مليون مرة هى ارحم منها مليون مرة
واخرها 50 الف مفيش بيع وشرا ياباشا سيبة يحتاس بيها ابلنى لو بعها

**biboelking200** · 10-03-2009 03:40 PM

ربنا معك العربيه معي يا عم الحاج وانا لما اشترتها كانت نفس الحال كده بس عن تجربه يعني خالي بالك لو اشتريت دقولتي مش هتعرف تبيع لاني السوق نايم خالص وبزياده بقي شويه اني الاوبل سعرها اصلا واقع يعني سعر العربيه عالي شويه
العربيه انا مش بغير فيها غير الزيت والبنزين وروحت التوكيل بتاعها عملت صيانه ال65 وخلاص علي كده بس خالي بالك بقي هي بتعمل الصيانه بتاعتها ولا لا لاني مش بتعمل الصيانه بتاعت العربيه يبقي هتزعل اوي اوي اوي في الفلوس لما انت تروح وتعمل الصيانه بتاعت العربيه
وعلي العموم ربنا معك ويوفقك في عربيه حلوة

**mirageman** · 10-03-2009 10:27 PM

والله يا جماعو ونعم الاخوان بجد الف شكر لكل واحد كتب حرف في المنتدى دة
وانا الحمد لله خلاص فكتني منها عشان كان شكلها مش عاجبني وكمان كطلوو قالي سعرها عالى
انا دلوقتي دافع مقدم اوبترا زيرو زان شاء الله هستلم كمان 3 4 ايام
ادعولي بقى ربنا يوفقني

وشكرا كمان مرة

**Ahmad Allawy** · 11-03-2009 09:07 AM

ربنا يوفقك لما فيه الخير ان شاء الله..

**biboelking200** · 14-03-2009 11:10 PM

يلا علي البركه يا عم وربنا يباركلك فيها

الموضوع: مساعدة عاجلة جدا في كورسا 2005

LinkBack

أدوات الموضوع

عرض

مساعدة عاجلة جدا في كورسا 2005 - انشر الموضوع فى :

-

-

-

-

-

-

المواضيع المتشابهه

مساعدة عاجلة

مساعدة عاجلة

مساعدة عاجلة

مساعدة عاجلة جدا

مساعدة عاجلة ... help please ~!

الكلمات الدلالية لهذا الموضوع

المفضلات

المفضلات

ضوابط المشاركة