الموضوع: مشكلة في عربيتي الاوبل 1600 سي سي

المشاركة الأصلية كتبت بواسطة Ahmad Allawy

اولا.. الف مبروك علي الموتور الجديد..
بس قولنا بقي ركب ازاي الموتور ده و القواعد بتاعته ايه نظامها
عايزين موضوع كامل عن الحركة دي..
ممكن جدا الوصلة الفيبر دي تكون من اسباب الصوت العالي..
الكوستبانات دي جوة الموتور نفسه.. و اللي اعرفه والله اعلم صح ولا لأ.. انها زي التاكيهات كده بس مختلفة شوية..

موضوع لمبة الاعطال.. محتاج سكانر عشان يتعرف ايه سبب المشكلة بالظبط..
موضوع التسخين.. ايه اللي بيحصل؟ لما بتدورها هي بتعلي لوحدها؟ ولا بتفضل واطية زي ما هي ولا ايه؟؟

و موضوع السرعة مستحيل تكون ده اخرها ال170 دول..
الموتور ال1200 ال45 حصان بيجيب 145 يبقي دي اقل واجب تقفل العداد.. وخاصة ان الموتور ده ف الفيكترا بيجيب 190-200

بصراحة مش عارف
الموضوع غريب و محير و محتاج حد خبرة..

احمد باشا اشكرك علي الاهتمام
بص يا سيدي
الموتور 1600 رشاش واحد مش 4 رشاش زي بتاع ال1200 وبالكنترول والضفيرة كامل والفتيس كمان ومكنش محتاج تغيير قواعد هو التعديل كان في عمل طبة لطلمبة زيت البور علشان انا لسه مشغل البور كهربا
اما موضوع التسخين الصبح هي مش بتعلي من اصله زي ما تدورها زي ما تمشي بيها انا بس بفضل قاعد قدامها مش بعرفها هي سخنت واللا لا وانا فاهم ان اكيد فيه حاجة تخليها تسخن

اما موضوع الصوت والسرعة انا مش بستحمل الصوت الفظيع بتاع الموتور واخر حاجة بستحملها 170 الجمعة هسافر اسكندرية وهجيب اخر الموتور
هو الاول بيجيب 40
التاني 70
التالت 110
الرابع 140
الخامس لغاية 170
بس انا كدا بقرص في اخر الغيار لغاية لما دماغي تتدوش لكن لو مش عاوز وجع دماغ يبقي كدا
الاول 20
التاني 45
التالت 65
الرابع 80
الخامس 100
ويبقي كدا مفيش صوت وتبقي زي عربيات الناس
انا قلقان من الصيف ولما يركب التكييف واضح اني هعيط من الصوت
المرة الجاية يا باشا (بس اكمل الشغل اللي فيها ) هعمل كل حاجة عن تغيير الموتور وبالصور كمان
اصلي انا بموت في عربيتي وليها عندي فولدر علي الكمبيوتر فيه الصور من يوم ما جبتها من 4 سنين

1- صوت الموتور عالي جدا جدا جدا واكاد ااقول اني بصدع منه اوي وانا مسافر لدرجه اني مش بعرف اتكلم في الموبايل

علو صوت الموتور ممكن يكون بسبب ضعف وعدم جودة أشارة حساسات الحراره وبالذات حساس مياه تبريد المحرك

3- العربية لو قرصت فيها علشان تجري (زي ما كنت بعمل في الموتور ال1000) تنور لمبة الاعطال ومتطفيش غير لما ااقف خالص واطفي الموتور وادور تاني

لمبة الأعطال عندك أنا شاكك أنها بتنور بسبب حساس الحراره اللى قولنا عليه فوق......وأكيد الحساس مابيوديش اشاره صح لوحدة التحكم عن درجة الحراره الفعليه للمحرك......................وده حيبان على الأسكانر

4-مش عارف اسخن العربية ازاي الصبح الاول كنت بداور وهي بتسخن مع نفسها وتهدي تاني ودي مش عارف اعمل ايه ممكن نصيحة؟

النقطه دى بتدلل على أن شكى يحتمل الصواب الكبير.....وأكيد حتلاقى البنزين عندك أستهلاكه كويس وممكن يكون قليل كمان ......علشان المفروض فى البدايه (فترة التسخين )...أن دورة الحريق تكون دوره مفتوحه open loop للمساعده فى سرعة تسخين المحرك ....والمحرك هنا بيعتمد على حساسات الحراره فى البدايه فقط (علشان يخللى خليط البنزين والهواء غنى) بتزويد زمن فتح الرشاش (على أساس أن عربيتك هاف )**** ولو جمعنا كل النقاط مع بعض (حساس حرارة مية التبريد )بأذن الله حيحللك كل المشاكل دى..............