الظاهر يا جماعه انى لازم اروح التوكيل

**akarem** · 14-03-2009 11:50 AM

الحمد لله يا جماعه صلحت العربية عملتها في الحرفيين
فعلا الاكصدام ده جميل جدا الراجل سلط على هوا سخن وراح رده بيده
وكان فيه حته معوجه ورا العجل الامامى على طول ديه عملها سمكرة وطبعا من الخبطة الحته اللى قدام الباب دخلت لجوه فاماكنش البابا بيفتح
الحمد لله ردها برة والباب بقى بيفتح
و فى ائناء الشغل اتكتشفت ان دراع في الفانوس محل الخبطة برضه اتكسر فلحمت الدراع علشان المسمار بتاع الفانوس يربط والحمد لله كله تمام دلوقتى
الف شكر ليكم جميعا على النصايح
في بقى ملحوظه عايز اقولكم عليها انا حاسس ان العربية واطية امبارح كان معايا اخويا ومراته كان مراتى ومراته قاعدين ورا ومعاهم 3 ولاد العربية بقيت تحك في المطبات ومرة حسيت ان الخبطة جامده ربنا يسترها يا رب ده ياترى عيب منى والا العربية فيها حاجه لانى لما وصلتهم ورجعت عديت على نفس المطبات ماكنتش بتحك
ياريت لو فيه حاجه تقولولى لانى حجزت صيانه الالف يوم الاتنين الجاى
علشان لو فيه حاجه اقولهم عليها في الصيانه
لكن غير كده الحمد لله انا مبسوط من العربية جدا اداءها جميل وراضينى
بفضل الله
معلش اخر سؤال لو ركبت انذار وريموت في التوكيل هيتكلفوا كام؟
وجزاكم الله خيرا جميعا وربنا يحفظنا جميعا من كل سوء

**أبو عبدالله** · 14-03-2009 01:40 PM

المشاركة الأصلية كتبت بواسطة akarem

الحمد لله يا جماعه صلحت العربية عملتها في الحرفيين
فعلا الاكصدام ده جميل جدا الراجل سلط على هوا سخن وراح رده بيده
وكان فيه حته معوجه ورا العجل الامامى على طول ديه عملها سمكرة وطبعا من الخبطة الحته اللى قدام الباب دخلت لجوه فاماكنش البابا بيفتح
الحمد لله ردها برة والباب بقى بيفتح
و فى ائناء الشغل اتكتشفت ان دراع في الفانوس محل الخبطة برضه اتكسر فلحمت الدراع علشان المسمار بتاع الفانوس يربط والحمد لله كله تمام دلوقتى
الف شكر ليكم جميعا على النصايح
في بقى ملحوظه عايز اقولكم عليها انا حاسس ان العربية واطية امبارح كان معايا اخويا ومراته كان مراتى ومراته قاعدين ورا ومعاهم 3 ولاد العربية بقيت تحك في المطبات ومرة حسيت ان الخبطة جامده ربنا يسترها يا رب ده ياترى عيب منى والا العربية فيها حاجه لانى لما وصلتهم ورجعت عديت على نفس المطبات ماكنتش بتحك
ياريت لو فيه حاجه تقولولى لانى حجزت صيانه الالف يوم الاتنين الجاى
علشان لو فيه حاجه اقولهم عليها في الصيانه
لكن غير كده الحمد لله انا مبسوط من العربية جدا اداءها جميل وراضينى
بفضل الله
معلش اخر سؤال لو ركبت انذار وريموت في التوكيل هيتكلفوا كام؟
وجزاكم الله خيرا جميعا وربنا يحفظنا جميعا من كل سوء

مبارك عليك التصليح والأكصدام ده فعلا جميل جدا في رده

اما بخصوص المطبات فأنا أظن ان ده عيب منك او ممكن المطب يكون رخم قوي
لأن في مطبات مبتعديش أي عربيه خالص

بس في ملحوظة عاوز اقولك عليها
الا وهيا
ان العربيه دي لو اخدت بها المطب وانت معرض شويه على المطب او بزاوية حتى لو صغيره هتحك ليه مش عارف
ولكن اذا اخدت المطب وانت داخل عليه راسي عليه يعني مش هتحك وفيه حاجه تانيه
انك تخده براحه لأن العربيه وهيا محمله السوست الخلفيه بتبقى ناعمه ولو اخدت المطب وانت بتعديه مثلا وضغطت فرامل او ضغت بنزين العربيه هتنام من الخلف اكتر يعني هتنزل نازله خفيفه عن الطبيعي لها بسبب انها محمله وانك ضغطت مثلا فرمله وانت على المطب او بعد ما عديت العجل الامامي ضغت بنزين
الحالتين دول بيخلوا العربيه تنزل من ورا شويه

اما غير كده فالعربيه ممتازه في المطبات جدا
وعلى فكره متخفشي لأن بطن العربيه من تحت عالي جدا وبعيد عن الأرض واللي بيحك بيبقى السيفتين اللي على جوانب العربيه من تحت هما اللي بيخدوا الخبطه كلها

وان شاء الله تجرب وتقولي

الانذار والريموت هما الأتنين واحد وسعرهم في التوكيل أظن انهم بــ 850 او 880 مش فاكر

بس هما الأصلي بتوع العربيه انا شوفتهم
ولو ركبتهم ياريت تقولي اخبارهم ايه لأني بفكر اركبهم

وان شاء الله يكون خير

**M.Mosaad** · 14-03-2009 08:43 PM

بص يا سيدي انا عربيتي اخدت خبطة زي بتاعتك بس علي اشد شوية لان الفانوس كمان كان اتشرخ و الكارتيرة وقعت و الباب مكنش بيفتح خالص
انا نصيحتي انك تعملها في التوكيل حتي لو اعلي بس بصراحه بترجع زي ماكانت بالظبط و شغلهم نضيف جدا انا اتكلفت حوالي 4000 بس خلي بالك انا غيرت الرفرف و الاكصدام و الكارتيرة و الفانوس و كان في خبطة جامدة شوية ورا اتردت فممكن السعر بتاعك يقل كتير لاني فاهم من كلامك انه اكصدام و بس
و ربنا يصبرك و الحمد لله

**shreif16672** · 14-03-2009 09:38 PM

لو اطلعتم على الغيب لاخترتم الواقع
قدر الله وماشاء فعل.. والحمد لله انك كويس ..واللي ييجي في الحديد يتعوض

**ows212** · 15-03-2009 01:48 AM

مبروووك تصليح العربية استاذ احمد
بالنسبة للمطبات ... انا عربيتى فعلا بتريح لما اكون محمل ناس ورا وبتحك فى مطبات مابتحكش فيها لو انا لواحدى
لكن لو هاتقارنها بعربيات تانية هى فعلا اعلى من عربيات كتير
بالنسبة للانذار هايكلف حوالى 500 جنيه فى التوكيل

**akarem** · 15-03-2009 10:14 AM

الله يبارك فيكم ياجماعه وربنا يحفظنا جميعا
جزاك الله خيرا يا ابو عبدالله على المعلومات الجميلة ديه
وان شاء الله هجرب واقول لحضرتك
بس مش 800 جنيه كتير على الانذار انا حاسس انه سعر مبالغ فيه قوى
على العموم انا هاروح بكرة ان شاء الله الصيانه وهاشوف كده الاسعار اخبارها ايه
عندى شوية اسئلة معلش
- هل فيه ورق معين من بتاع العربية باخده معايا الصيانه
- مش المفروض يبقى مع الكاسيت ريموت اصلى انا مخدش ريموت
- فيه حاجه قلقانى مش عارف صح والا غلط
لما بدور العربية مؤشر ال Rpm بيبقى واقف على 1.5 هوا ده طبيعى
مش المفروض يرجع للصفر ولما ابدا امشى يبدا هوا يتحرك والا ايه

**أبو عبدالله** · 15-03-2009 11:55 AM

المشاركة الأصلية كتبت بواسطة akarem

الله يبارك فيكم ياجماعه وربنا يحفظنا جميعا
جزاك الله خيرا يا ابو عبدالله على المعلومات الجميلة ديه
وان شاء الله هجرب واقول لحضرتك
بس مش 800 جنيه كتير على الانذار انا حاسس انه سعر مبالغ فيه قوى
على العموم انا هاروح بكرة ان شاء الله الصيانه وهاشوف كده الاسعار اخبارها ايه
عندى شوية اسئلة معلش
- هل فيه ورق معين من بتاع العربية باخده معايا الصيانه
- مش المفروض يبقى مع الكاسيت ريموت اصلى انا مخدش ريموت
- فيه حاجه قلقانى مش عارف صح والا غلط
لما بدور العربية مؤشر ال Rpm بيبقى واقف على 1.5 هوا ده طبيعى
مش المفروض يرجع للصفر ولما ابدا امشى يبدا هوا يتحرك والا ايه

- في الصيانة مفيش ورق ولا حاجه عادي يعني الرخصه بس بتاعت العربيه
- الكاسيت متهيألي مبينزلشي بريموت تقريبا على ما اعتقد
- الأر بي ام بيعلى اول ما تشغل العربيه علشان السخان بتاع العربيه لحد ما العربيه تسخن وبعدين ينزل لتحت الواحد بشرطه تقريبا اما انه يبقى صفر فأكيد لا طبعا لأن الماتور شغال وبيلف

**akarem** · 15-03-2009 12:51 PM

بس الكاسيت فيه وحدة استقبال ريموت وكمان الكاتالوج بيقول انه ليه ريموت
بالنسبة لل Rpm يا ابو عبد الله ملاحظتش انه بينزل والا لا بس هل لو ما نزلش قبل الواحد زى ماحضرتك بتقول تبقى ديه مشكلة والا ايه؟

**aliabutaleb** · 15-03-2009 12:57 PM

أبو عبد الله
فعلاً زي ما قال د. عمر الإنذار بحوالي 500 في التوكيل
يمكن اللي بتتكلم عليه هو اللي الانذار في المفتاح عشان كدة أغلى

أستاذ أحمد
مبروك عليك تصليح الإكصدام وربنا يسترها معانا جميعاً

**askoda** · 15-03-2009 01:47 PM

I have got the Alarm from eltawkeel
its the one in the key and it was around 500 l.e

الموضوع: الظاهر يا جماعه انى لازم اروح التوكيل

LinkBack

أدوات الموضوع

عرض

-

-

-

-

-

-

المواضيع المتشابهه

هو لازم احجز قبل ما اروح اوتو ماستر؟؟

لازم اروح الارجا

لازم نلبس خوذه يا جماعه

عاوز اروح توكيل اوماترا لازم احجز

يا جماعه لازم مساعده بقي من حد فاهم بعد اذنكوا

الكلمات الدلالية لهذا الموضوع

المفضلات

المفضلات

ضوابط المشاركة