هل فى صالح المواطن المصرى إلغاء الجمارك و رفع أسعار البنزين

**MohabSaeed** · 09-03-2009 03:16 AM

ارجوكم
مش عاوز اشوف عباره " رفع اسعار بنزين " فى اى موضوع او تحت اى مسمى
احد اسباب كرهى للنزول اساسا هو اسعار البنزين " النار " .اقل مشوار بنزله مش اقل من 20 جنيه بنزين !!!

**horas3000** · 09-03-2009 10:03 PM

والله يا جماعة اخجلتم تواضعي بالتفاعل بتاعكم .
اولا احب اقول ان ده تصور خيالي جالي قبل النوم و حبيت اشركم معايا. يعني لا الجمارك هتتلغي واشك ان البنزين يغلي او يترفع الدعم عنه.
ثانيا انا شايف من كلامكم ان محدش عنده اي ثقة في الحكومة او ان تغيير هيحصل هيبقي في مصلحة الشعب و انا شايف ان دي حاجة خطيرة والله ومعناة ان الحال هيبقي اسوأ لان كله هيقول يلا نفسي و انا و من بعدي الطوفان و ربنا يستر

**menabigboss** · 12-03-2009 11:38 PM

المشاركة الأصلية كتبت بواسطة حماده المصري

والله الحاجتين دول ملهمش علاقه ببعض

مهو البترول رخص وبقى برخص التراب وبقى ارخص من الاول ايام مكان البرميل مش عارف ب 10 دولار ولا ايه

تقدر تقولي ليه البنزين مرخصش

وعلى ما اعتقد كمان ان مصر بتصدر بترول كمان

طب مش احنا اولى برضو

وكمان الجمارك دي هيبقى موضوع نسبي بمعنى انها لو اتلغت

عدد العربيات مش هيزيد ولا حاجه هيفضل زي ماهو الا زياده بسيطه

بمعنى ان الي معاه 20 الف بيشتري 128
لما تتلغي الجمارك الي معاه 20 الف هيشتري عربيه احسن مثلا سيفيك او كورولا موديلات التسيعينات

ساعتها هنلاقي تطور وتحضر ولا هتلاقي العربيات القديمه الي عطلانه ولا الي ماشيه مدخنه في الشارع ولا هتلاقي المشاكل المروريه الي بتحصل بسبب اعطال العربيات وكمان نسبه الحوادث هتقل شويه بسبب تطور العربيات

انا والله رايي ان الجمارك تتلغي تماما لحد ال 2000 سي سي

وفوق كده ترخص شويه يعني تبقى مثلا 70 %

هتلاقي السوق مزبوت الموضوع نسبه وتناسب

اوافق 100% وايضا يجب الغاء ترخيص العربيات اللي مضي علي صنعها 20 سنة وبذلك كل الناس هتركب جديد ودة لية المميزات اللي ذكرتها حضرتك....

**blazer** · 13-03-2009 02:16 PM

لما الجمارك تتشال والدعم يترفع عن البنزين
الدخل القومى هيزيد و المواصلات هتغلى
فلدخل القومى مش هيتأثر بلشكل الكبير اللى احنا متخيلينه
انتم لو حسبتم الدخل القومى الناتج عن السيارات مش هيطلع الرقم المهول اللى هيفرق عن الفلوس اللى الحكومه هتاخدها من فرق رفع الدعم عن البنزين
ثانيا الحكومه تقدر تحجم موضوع شراء العربيات بوضع قرارات تلزم اى واحد يشترى عربيه بتوفير جراج للعربيه بتاعته زى الدول المتقدمه
ثالثا الناس لما تلاقى اللبنزين غلى جدا (يعنى يوصل سعر اللتر 7جنيه مثلا)
هتختفى ظاهره ان كل واحد يخرج يروح شغله بعربيته لواحده و هتلاقيه بياخد جاره او زميله معاه فى الشغل او يوصل مراته معاه زى الدول الاجنبيه ما بتعمل وكذللك فى الخروجات بدل ما يخرجوا ب 4 عربيات يخرجوا ب 2 بس (بعد كدا مقبلات نايل موتورز نحضرها فى اتوبيسات هيئه النقل !!!)
الموضوع هيتزبط لوحده بعيدا عن السرقه العلنيه ديه
وخللى بالكم انا لما ادفع 60 الف جنيه للحكومه جمارك ممكن احط ال 60 الف دوله فى البنك و بلفوايد بتاعتهم ادفع البنزين !!

**ahmed322** · 13-03-2009 04:26 PM

والله موضوع الجمارك دا موضوع محير لان الواحد مش عارف لو اتلغت وبقت الناس فعلا ركبه عربيات كويسه احسن من الاول بس البنزين هيغلى تبقى الفايده ايه كده

**فادى** · 13-03-2009 06:54 PM

هرد على نقطتين قالهم الأخوة الأعضاء :
- لو الجمارك اتشالت و العربيات رخصت الشوارع هتتزحم و مش هنعرف نمشى.

ديه حجة الحكومة, حجة الخايب,

- لو العربيات رخصت يبقى هنتخلص من العربيات القديمة و المستهلكة تماما, و بالتالى هتقل الأعطال فى الشوارع و الحوادث طبعا, و ديه بتتسبب فى جزء لا بأس به من الحوادث, و كذلك هتختفى السيارات الصينية تماما و التى تفتقد لأبسط مواصفات الأمان.

- الشارع هيضبط نفسه بنفسه, عندك مثلا لندن, الناس هناك بتسيب عربياتها تحت البيت, و تروح شغلها بالمترو, هذا لا يحدث دعما للبيئة أو اى من هذا الهراء, بل لسبب بسيط و هو أن المترو أسرع!
معنى ذلك انو الشارع هيضبط نفسه بنفسه, حاجة كده زى التوازن البيئى, لما الشوارع توصل لدرجة الاختناق, الناس تلقائيا هتسيب العربيات و تركب المواصلات, طبعا هنا دور الحكومة فى العناية بوسائل المواصلات العامة, لكن تقول لمين, رفع الجمارك أسهل!

- تخفيف الحمل على المواصلات العامة مهم جدا, فليس من المعقول أن نتحدث ليلا نهارا عن ازدحام الشوارع على سائقى السيارات المساكين, و لا نفكر فى تخفيف الضغط على راكبى الأوتوبيس و المترو.

النقطة التانية, البنزين, هل الحكومة تدعم الوقود؟

- بالمعنى العملى, لا.
لأن الحكومة بتطلع البترول من غير و لا مليم!! أيوه البترول اللى طالع من الأرض ده الحكومة مبتدفعش فيه و لا مليم, و هو ملك للشعب المصرى, و الحكومة بتبيعهولنا بالشى الفلانى!
ازاى؟
الحكومة مش بتحفر, الحكومة بتتعاقد مع شركة أجنبية عشان تنقب عن البترول, , و التكاليف كلها على الشركة الأجنبية, فى حالة عدم العثور على البترول, يبقى عوضهم على ربنا, أما فى حالة العثور على بترول, بيعملوا شراكة مع الحكومة لتقسيم البترول بنسبة 51% للحكومة و 49% للشريك الأجنبى, و بتاخد الحكومة نصيبها 51% من الانتاج البترولى, و بعد كده تبيعلنا ال51% (اللى هى اصلا جابتهم ببلاش لأن جميع تكاليف البحث و الاستكشاف دفعها الشريك الأجنبى) بأسعار فلكية.
طب ليه الحكومة بتقولنا انها بتدعم البترول؟؟!
الحكومة بتقول انها بتبيعلنا البنزين بأقل من الأسعار العالمية, يعنى لو خدت البترول باعته برا هتكسب فيه أكتر ما تبيعهولنا, و هو ده الدعم اللى الحكومة بتتكلم عنه!
يعنى بيذلونا و البترول ده بتاعنا!

**bishoy02010** · 13-03-2009 10:47 PM

المشاركة الأصلية كتبت بواسطة فادى

هرد على نقطتين قالهم الأخوة الأعضاء :
- لو الجمارك اتشالت و العربيات رخصت الشوارع هتتزحم و مش هنعرف نمشى.

ديه حجة الحكومة, حجة الخايب,

- لو العربيات رخصت يبقى هنتخلص من العربيات القديمة و المستهلكة تماما, و بالتالى هتقل الأعطال فى الشوارع و الحوادث طبعا, و ديه بتتسبب فى جزء لا بأس به من الحوادث, و كذلك هتختفى السيارات الصينية تماما و التى تفتقد لأبسط مواصفات الأمان.

- الشارع هيضبط نفسه بنفسه, عندك مثلا لندن, الناس هناك بتسيب عربياتها تحت البيت, و تروح شغلها بالمترو, هذا لا يحدث دعما للبيئة أو اى من هذا الهراء, بل لسبب بسيط و هو أن المترو أسرع!
معنى ذلك انو الشارع هيضبط نفسه بنفسه, حاجة كده زى التوازن البيئى, لما الشوارع توصل لدرجة الاختناق, الناس تلقائيا هتسيب العربيات و تركب المواصلات, طبعا هنا دور الحكومة فى العناية بوسائل المواصلات العامة, لكن تقول لمين, رفع الجمارك أسهل!

- تخفيف الحمل على المواصلات العامة مهم جدا, فليس من المعقول أن نتحدث ليلا نهارا عن ازدحام الشوارع على سائقى السيارات المساكين, و لا نفكر فى تخفيف الضغط على راكبى الأوتوبيس و المترو.

النقطة التانية, البنزين, هل الحكومة تدعم الوقود؟

- بالمعنى العملى, لا.
لأن الحكومة بتطلع البترول من غير و لا مليم!! أيوه البترول اللى طالع من الأرض ده الحكومة مبتدفعش فيه و لا مليم, و هو ملك للشعب المصرى, و الحكومة بتبيعهولنا بالشى الفلانى!
ازاى؟
الحكومة مش بتحفر, الحكومة بتتعاقد مع شركة أجنبية عشان تنقب عن البترول, , و التكاليف كلها على الشركة الأجنبية, فى حالة عدم العثور على البترول, يبقى عوضهم على ربنا, أما فى حالة العثور على بترول, بيعملوا شراكة مع الحكومة لتقسيم البترول بنسبة 51% للحكومة و 49% للشريك الأجنبى, و بتاخد الحكومة نصيبها 51% من الانتاج البترولى, و بعد كده تبيعلنا ال51% (اللى هى اصلا جابتهم ببلاش لأن جميع تكاليف البحث و الاستكشاف دفعها الشريك الأجنبى) بأسعار فلكية.
طب ليه الحكومة بتقولنا انها بتدعم البترول؟؟!
الحكومة بتقول انها بتبيعلنا البنزين بأقل من الأسعار العالمية, يعنى لو خدت البترول باعته برا هتكسب فيه أكتر ما تبيعهولنا, و هو ده الدعم اللى الحكومة بتتكلم عنه!
يعنى بيذلونا و البترول ده بتاعنا!

+111111111111111111111111