الموضوع: رابطة مالكي وعشاق التمبرا (الجزء الأول)

المشاركة الأصلية كتبت بواسطة adelco

السلام عليكم
يا سلام يا هشام بيه والله حضرتك فكرتنى بالايام الجميله انت ما تتصورش انا كنت بعمل ايه فى صيد البندقيه
فى مرة من المرات كان واحد حبيبى زي حضرتك عازمنى فى بلدهم اسبوع وكان اسبوع جميل والله
المهم انهم فى يوم من وسط الاسبوع قالوا انهم هيطلعوا يصطادوا بالبنادق وطبعا خوك نشيل درجه اولى بس على عربيه البمب فطلبت اكون معاهم وبالفعل خرجت معاهم وكانت النتائج مبهرة
خلصت علبه الرش من غير ما اصطاد حتى عصفورة او يمامه او فرخ غيط
وده طبعا مقصود عشان احافظ على البيئه
وهما ما كانش عندهم اى ضمير كل طلقه بيمامه منهم لله
المهم عشان يراضونى فى الاخر لقوا عصفوره على غصن شجرة نايمه تقريبا كانت عاملعه دماغ
فوضعوا لى ماسوره البندقيه وبينها وبين العصفورة 2 سم وربنا وفقنى والعصفورة انتحرت
وكان ده الصيد الثمين بتاعى

أزيل يا عادل باشا عامل أية العيب لم يكن فى النشنجى ولكنة عيب تصنيع فى البندقية ذاتها ها ها وبالمناسبة شفت كتالوج التمبرا الى انت كنت طالبة انا كيبت لك الرابط بتاعة فى موضوع ملاك وعشاق التمبرا بس انا مش لاقى اى نسخة عربى