رابطة مالكي وعشاق التمبرا (الجزء الأول)

**adelco** · 28-07-2010 01:12 PM

المشاركة الأصلية كتبت بواسطة zalabany

صباح الفل على أجدع رجاله في الدنيا
هشام باشا عمنا
وعادل باشا عمنا برده احترام لفرق السنان اقصد السن احنا خلاص اتفقنا من هنا ورايح مش هانقول غير يا عمو هشام
هشام باشا ربنا يباركلك تعبتك ونزلتك من البيت وانت راجل محترم والله
عادل بيه من الناس اللي لما تشوفها ترتاحلها وتحس انك عارفها من فتره ربنا يكرمك عشان تعبت نفسك وجيتلنا
أسامة حبيبي اللي كل اصحابه وقرايبه طلعو جيراني مش عارف اشكرك ازاي على الواجب الجامد اللي عملته معايا وربنا يكرمك يا باشا وتتردلك في الأفراح بأمر الله والله من أجدع الناس اللي شفتهم في حياتي ربنا يحفظكم كلكم لما شفت اسامه وهشام حسيت اني عارفهم بجد ومش اول مره نتقابل بالرك الله لكم وجزاكم خيرا
وفي انتظار لقاءات اكثر مع كل التمبراوية

السلام عليكم
يا اخى انت اللى كلك ذوق وادب وكمان اخلاق
والله انا سعيد جدا امبارح لثلاث اسباب
اولا انى عرفت ان اسامه خطب يوم الجمعه ولو انى زعلان انه ما عزمنيش بس ملحوقه ممكن يكون كان عاملها عائلى
وكمان عشان قابلت هشام اللى بحب اشوفه دايما واسمع حواديته اللذيذه
واخيرا لانى اتعرفت عليك واعتقد انه صعب تلاقى ناس بالشكل ده والله ربنا كرمنى بمعرفتكم
اه فى حاجه نسيتها
كمان انا زعلان ان جاليليو ما جاش ده انا كنت محضرله سنجه وكانت خطه الاختطاف جاهزة بس نفد بجلده عموما تتعوض يا جاليليو انا وانت والزمن قصير

**adelco** · 28-07-2010 01:14 PM

المشاركة الأصلية كتبت بواسطة aliit

السلام عليكم ورحمة الله وبركاته

انا اسمى على وعضو جديد بالرابطه الجميله دى ومن زيادة اعجابى بالعربيه دى لسه شاريها طازه امبارح والحمد لله من خلال تجربتى ليها امبارح بس عربيه جميله جدا وسحبها على الطريق حلو اوى ، بس لسه مجربتش التكييف بتاعها ومش عارف ايه ظروفه

السلام عليكم
اهلا بيك يا استاذ على
بص يا سيدى انت تستمر فى القراءه من صفحه 1 حتى 150 وبعدين تستمر فى القراءه من صفحه 150 الى 200
وبعدين تستمر من 200 الى 300
وساعتها هنكون عدينا ال1000 مشاركه وتكون قربت تحصلنا
عموما اهلا بيك وسط التمبراويه
وان شاء الله تستفيد من وجودك الناس كلها هتحبها وهتحبك ان شاء الله

**adelco** · 28-07-2010 01:25 PM

المشاركة الأصلية كتبت بواسطة bonanza

والله ياباشا انا لسة مخطبتش و دي مكانتش خطوبه .. دي مجرد تعارف و قراءة فاتحة بس

السلام عليكم
ماشى هنعديها
بس انت كده رجلك جت فى الجد خلاص
شد حيلك بقى يا بطل علشان تشيل من الهباب اللى احنا شايلينه ده الجواز ده حاجه كده جميله كل يوم بتكتشف الصبح انك مغفل وبرضه مفيش حد بيتعلم (طبعا انا بهزر)
عموما ربنا يبارك لك ويجعلها ان شاء الله زوجه صالحه ويتم لك موضوعك على خير

**heshamzaky** · 28-07-2010 01:26 PM

السلام عليكم يا رجالة مرحبا بكم جميعا فرد فرد و مرحبا بالاخوة التمبراوية الجداد فى الرابطة معانا و الف مبروك على العربيات انا جاهز ابتدى بأية مش عارف طبعا لازم اناكف جاليليو على بركة الله

**heshamzaky** · 28-07-2010 01:26 PM

المشاركة الأصلية كتبت بواسطة adelco

السلام عليكم
ماشى هنعديها
بس انت كده رجلك جت فى الجد خلاص
شد حيلك بقى يا بطل علشان تشيل من الهباب اللى احنا شايلينه ده الجواز ده حاجه كده جميله كل يوم بتكتشف الصبح انك مغفل وبرضه مفيش حد بيتعلم (طبعا انا بهزر)
عموما ربنا يبارك لك ويجعلها ان شاء الله زوجه صالحه ويتم لك موضوعك على خير

حا اروح افتن لام الاولاد يا عدولة ههههههههههههه

**adelco** · 28-07-2010 01:34 PM

السلام عليكم
يا جماعه هشام وزلبانى واسامه كانوا امبارح بيقترحوا يقسموا المواضيع
وانا باقترح ان احنا نبتدى نحط اقتراحتنا فى الموضوع
وكمان انا بيتهيالى ان ميكو ممكن يكون مفيد ولو فى حد عنده افكار ويقدر يساعد ياريت يقول
بس انا رايي ان لازم يكون فى مدير للموضوع عشان يعرف يهندل الدنيا وينسق بينا
وانا عندى اسمين ممكن ينفعوا وممكن نجرى عليهم اقتراع
بالنسبه للادارة
هشام لانه اكثر واحد متواجد ومشارك
بالنسبه للدعم الفنى
جاليليو وزلبانى
بالنسبه للتنظيم للرابطه
اسامه وميكو
ده طبعا رايي الشخصى
واوعوا حد يزعل منى وطبعا مش لازم يكون رايي صحيح

**heshamzaky** · 28-07-2010 01:36 PM

المشاركة الأصلية كتبت بواسطة galilio_mad

صباح الخير عليكم يا رجال التمبرا

التمبرا ما نزلتش بكارتيرات بلاستيك ورا اصلا , و اللى قدام بيتفكوا و يركبوا عادى و مالهمش دعوة بالمساعدين خالص

ى

ازيك يا جاليليو بص الكارتيرات الامامية انا بصيت كويس عليهم امبارح فى نص عربية بص الكارتيرة كبيرة ليها زى زور كبير بيبقى راكب فى القلة الى مربوط فيها المساعد و نازلة لحد تحت مكان ما بتقفل عى الاكصدام المكان الى فية الهوايات و علشان تركب لازم تفك المشاعد و تركبة مرة أخرى و الكارتيرة الخلفية واحدة زى مانع تراب فى الخلف وواحدة مغكية الفخذة الخلفية من الجنب يعنى لو جاى تغير المساعد الخلفى ممكن تهوى مكانها شوية و لازم تفتح باب العربية الخلفة و تفك من خلف الكنبة الخلفية