رابطة مالكي وعشاق التمبرا (الجزء الأول)

**mikology** · 03-08-2010 12:39 PM

يا رجاله انا هاطلع ممكن يوم السبت الصبح ان شاء الله - اكون عملت طقم الدبرياج و اطلع الينه بالمره

**kdosoki** · 03-08-2010 12:47 PM

المشاركة الأصلية كتبت بواسطة caysersosaih

اللي يعمل الرعشة علي السرعه العاليه من غير فرامل ترصيص وفي حالات نادرة علبة الدركسيون
اللي يعمل رعشة علي السرعه العاليه بالفرامل طنابير
الترصيص غير ظبط الزوايا

الكلام ده مظبوط

المشاركة الأصلية كتبت بواسطة mosa_mody

انا ممكن اغير الموتور الى 1600 سعر الموتور كامل عندنا تكييف وباور ب 1500 جنيه

فكرة ممتازة والسعر رائع

المشاركة الأصلية كتبت بواسطة mosa_mody

ايوه انا ساكن فى بورسعيد

المفروض انك تكون مورد قطع غيار المنتدى
اهلا بيك

المشاركة الأصلية كتبت بواسطة heshamzaky

و على فكرة عاوز قول حاجة بلاش المية الخضراء الا لو نوع نظيف يعنى جركن من الخنفية أحسن من المية الخضراء المضروبة ممكن تبوظ الرادياتير

احسن نوع ميه خضراء بتاعة توتال هيه لونها أحمر بس ممتازة عن تجربة

المشاركة الأصلية كتبت بواسطة zago

يلا يا رجاله وادي المشاركه رقم 200 كله يبارك
ويجيب حاجه في ايده مايباركش كده وخلاص
وبالمناسبه السعيده احب اشكر كل اللي كان ليه فضل عليا واتسبب في النجاح الفظيع ده
بابا وماما وجدو والاهل والاحباب وعم فتحي بتاع الفول والسيد رئيس الجمهوريه ورئيس مجلس الشعب والشوري وابو تريكه اللي مجبش اي جون امبارح لا وكمان اخد انذار ههههههه كفايه كده عشان بوخت:b4_592:

الف مبروك خد دى هديتك يا زاجو

وعقبال 100 سنه فى المنتدى مش 100 مشاركة

المشاركة الأصلية كتبت بواسطة adelco

السلام عليكم
سلامى لكل التمبراويه وكل الاخوة المشاركين
اسامه
زلبانى
هشام
الدوك
جاليليو
ميكو
عاطف
محمد
kdosoki
شوماخر
eng_tefa
mostafa_sherif
yoyomano
wwael12345
حرررررررااااااااامممممممم مم عليكم القرايه اللى انا اشتريتها باظت نيههههههااااااااا (اسامه)
ايه يا جماعه الجمال اللى انتوا فيه ده حوارات ايه ونقاشات ايه الموضوع اتطور قوى
احنا بقينا مجتمع التمبرا مش مجلرد رابطه
يا زاجوا اوعى تنسى تصور الكارتيرات وتقولى اخبارهم ايه وبكان ومنين فعليا
ازيك يا h واحشنى جدا انت وزلبانى واسامه والدوك حمد الله على سلامته
وجاليليو مش واحشنى خالص عشان انا ما شوفتوش اصلا
بس نفسى اشوفه وان مجهز العده اللى هقابله بيها انا وهشام
عموما انا شايف ان احنا بقينا مجتمع التمبرا مش رابطه
وربنا يجمعنا دائما فى الخير ويديم المحبه والمعروف
واخيرا كل عام وانتم بخير
اللهم بلغنا رمضان

الله يسلمك وانا اسمى خالد
ربنا يبلغنا رمضان وينفعنا بيه

المشاركة الأصلية كتبت بواسطة mikology

صباح الفل على الكل
انا ناوى انزل بورسعيد ابص على الجنوط - واخد بالك يا جاليليو - حد عنده مقترحات او اماكن اروحها و المواعيد وكده ؟؟
عشان انا عمرى ما روحت هناك قبل كده ولا حتى اعرف الطريق ازاى

احنا بقى عندنا فى المنتدى عضو من بورسعيد ممكن يبص على الجنوط ويصورهالك علشان متروحش على فاشوش

**heshamzaky** · 03-08-2010 12:48 PM

ما انا قولت لك انت دماغك حا تتجة للموتور و العفشة بس برضو الشكل الخارجى مهم

**kdosoki** · 03-08-2010 12:50 PM

بصوا بقى انا بقترح نعمل تقنين للمشاركات علشان انا بجد تعبت من كتر القراية وفكرت اشترى قراية بس مش لاقى حاجه على مقاسى

**kdosoki** · 03-08-2010 12:51 PM

انا بعرف بقالى اد ايه بعيد عن المنتدى لما بلاقى فى المشاركات هشام كاتب صباح الخير
بعد كام صباح الخير = عدد الايام اللى بكون بعيد فيها عن المنتدى

**heshamzaky** · 03-08-2010 12:52 PM

المشاركة الأصلية كتبت بواسطة mikology

يا رجاله انا هاطلع ممكن يوم السبت الصبح ان شاء الله - اكون عملت طقم الدبرياج و اطلع الينه بالمره

كنت حا اقولك ابعد عن يوم الجمعة لان الحياة بتبدأ بعد صلاة الجمعة كدة أفضل يوم فى نص الاسبوع

**x100** · 03-08-2010 01:14 PM

المشاركة الأصلية كتبت بواسطة reemnabel

منوفى احمدك يارب اذيك عامل ايه بقالنا كتير مشفناش مانيفه فى كوكب الارض ههههههههه
انا منوفيه اعتز ببلدى على فكره

مفيش منايفة على كوكب الارض

يمكن علشان احتلو شركات المهندسين انا فى شركة قوامها 80 موظف منهم 52 منوفى لله الامر من قبل ومن بعد

**kdosoki** · 03-08-2010 01:23 PM

انا بحاول احط صورة فى التوقيع ومش عارف

**x100** · 03-08-2010 01:25 PM

المشاركة الأصلية كتبت بواسطة heshamzaky

صباح الفل يا معلم طريق بورسعيد عارف ملاهى السندباد الى فى النزهة الجديدة مصر الجديدة يعنى تمشى فى الشارع لغاية الاخر حا تلاقى كوبرى أطلعة حا تنزل فى طريق مصر أسماعيلية طوالى على طول الاول حا تشوف العاشر من رمضان و بعدين الاسماعيلية و بعدين بورسعيد 200 كيلو الطريق سهل جدا جدا جدا و بالمرة تروح المحلات تشترى هدوم هههههههههههه

لا ومانجو هتلاقى الطريق مرشق اجود انواع المانجو دلوقتى

**galilio_mad** · 03-08-2010 01:28 PM

المشاركة الأصلية كتبت بواسطة heshamzaky

ما انا قولت لك انت دماغك حا تتجة للموتور و العفشة بس برضو الشكل الخارجى مهم

هو ايه حكاية الصورة دى , ده موتور ايسوزو و ديزل , مش عارف انت معجب بيه ليه ؟؟؟؟؟؟

و بعدين يا اتش , الشكل مش مهم فى اى حاجة بالنسبة لى

بص انا دماغى مش Cosmetic خالص , المهم الاداء المثالى و الاعتمادية

يعنى انا عندى الفرامل و العفشة اهم حتى من الموتور , و الموتور اهم من كل التعديلات الخارجية
يمكن الحاجة الوحيدة اللى حاعملها بره , جنوط 15" و بالاكراه عشان الفرامل ال 284مم مش حتركب على الجنوط ال14"