الموضوع: رابطة مالكي وعشاق التمبرا (الجزء الأول)

المشاركة الأصلية كتبت بواسطة galilio_mad

بص هو عندى كان ايطالى و عليه ختم الشركة و عند الوالد نفس الشئ فى التمبرا

و بعدين انا قلت مثلا لقيت حاجة محفورة على البلوك ولا وش السلندر و جاى تشككنا فى العربيات
تقولى الجوان المانى , طب يا ريت يطلع الموتور المانى , هو حد يطول

جاليليو انا راشق قولى الكلام دة محفور فين على الموتور عاوز أشوف بص بالنسبة للعربية عندى ورق المرور كانت نازلة من ألمانيا شتوتجارت تحديدا بس معرفش طبعا هية متجمعة فى اى بلد و لما سالت التوكيل الراجل فى أوماترا برضو معرفش بس قعد يسال جبت الموديل دة من التمبرا أزاى لدرجة انة شككنى فى العربية و قلت المافيا برة سارقينها ههههههههههههههههههههههههه

المشاركة الأصلية كتبت بواسطة aliit

ا/ هشام ازايك ياباشا عامل ايه حلو اوى الفكره دى ياباشا وهتبقه مفيده جدا خاصه للمبتدئيين فى التمبرا زى كده

يا باشا العفو كلنا مبتدئين احنا كلنا بنحب العربيات دى و بالفعل حا تلاقى صور لكل ما هو متاح انا من هواة تدعيم المعلومة بصورة توضيحية

بصراحه اانا حاسس اننا اشترينا المنتدى لحسابنا احنا تقريبا قربنا نخلص على صفحاته كلها فى التمبرا بس
صباح الفل يا رجاله

بمناسبة ترموستات الكوعة. هو شيله غلط فعلا على المتور؟ و هو عامل كام؟ و تركيبه سهل و لا صعب؟؟

المشاركة الأصلية كتبت بواسطة galilio_mad

الحمد لله حليت مشكلة السخونة

العربية من ساعة ما غيرت الرادياتير و طرمبة المية كانت بتسخن شوية بس فى المعقول

جت من يومين كده و ابتدت توصل 110 لدرجة ان بلف الغطا كان بيفضى نص المية من كم الضغط اللى فى دورة المية

نزلت النهارده جبت ترموستات كوعة و ترموستات مروحة و علبة كولانت للرادياتير
و الحمد لله الدنيا ظبطت و اخر تمام

المشاركة الأصلية كتبت بواسطة galilio_mad

ايوه غلط , ليه ؟؟؟

الترموستات ده ليه وظيفتين مهمين قوى :
1- بيفضل مقفول لغايه ما الميه تسخن جوه الموتور و بعدين يفتح عشان دورة الميه تمشى طبيعى و ده بيساعد ان العربية تسخن بسرعة

2- بيحافظ على تدفق قليل للميه من الموتور للرادياتير و ده مهم عشان الميه اللى فى الرادياتير تاخد حقها فى التبريد


لما تشيله بتلخبط الدورة شوية , الساقع بيدخل على السخن , لما تقف الحرارة تعلى و لما تمشى تنزل و كل ما تجرى الحرارة تنزل اكتر
و ده على المدى الطويل غلط على الموتور و لو العربية انجكشن بيلخبط الكونترول يونت شوية عشان الاختلاف المستمر فى الحرارة


و بالنسبة لتكلفته , هو عادة بتتباع الكوعة كاملة بالترموستات بحوالى 45-55ج
اللى لقيته و بالصدفة ترموستات لوحده ب 25ج و تركيبه سهل جدا و ما ياخدش اكتر من 10 دقايق

ألف شكر على الرد. هو فيه أنواع ليه و لا هو نوع واحد؟؟