ربنا يجعلة فاتحة خير عليك .. و يجعله سبب في تحقيق كل احلامك
لو ده اول شغل ليك .. و لو كنت من الناس اللي عندها طموح و مش عاوزة تشتغل عشان المرتب و خلاص .. هاتتعلم منه كتير اوي
بس هاقولك نصيحة تاني غير اللي قالهالك خالد
حاول دايما يبقي عندك حب المنافسة .. يعني لو معاك زميل ليك في نفس مستواك الوظيفي لازم تنافسة بس منافسة شريفة و تحاول دايما تعمل حاجات تميزك عنه .. من غير اسافين و بكل نزاهة و شرف
حب المنافسة ده مش بس مع زمايلك اللي في نفس مستواك الوظيفي .. ده كمان مع مديرك و مدير مديرك .. لازم تدور علي حاجة تتميز بيها عنهم .. لازم يحتاجوك في حاجة محدده محدش غيرك يعرف يعملها
و اهم شيء ماتبنيش عداوات مع حد .. حاول تبقي حبيب الناس كلها من غير مسح جوخ و لا نفاق لحد ( ماتبقاش وديييييع لتهامي باشا يعني )
و حاول ماتحكمش علي حد من غير ما تتعامل معاه اكتر من مره
و اخيرا ربنا يوفقك ويباركلك في شغلك و رزقك
و ياعم قولي فين المحل ده في المعادي انا شغلي في المعادي علي فكرة .. و كمان ساكن في الهرم
و ياريت لو تقولنا اسمك كمان .. ولا ايه ؟؟؟
[glow1=#2922f0] (( رحمة الله عليك يا صبحي )) [/glow1][mtohg=#ffffff]http://bit.ly/ZXIsoG[/mtohg]
جروب الكريستاله عالفيسبوك http://on.fb.me/1jsS9Z2
الله يبارك فيك
هو مش اول شغل ليا لاني شغال مع الوالد من 2 ثانوي
واشتغلت تريدر في شركه اوراق ماليه بعد التخرج لمده سنه تقريبا
وعايز اشتغل عشان الفلوس طبعا ههههههههههه والطموح موجود بس ربنا يكرم
ومتقلقش انا مش وديع نهائي دانا مفتري على فكره المدير بتاعي في الشركه اللي فاتت قاللي مره بعد ما قابلت رئيس مجلس الأداره وكان عندي اجتماع معاه لما حكيتله الاجتماع اتقال فيه ايه قاللي انت كان ناقص تمسكه من هدومه وانت بتكلمه
ههههههههه الغريب ان الراجل اعجب بيا بعديها جدا ولحد دلوقتي بيقولي ارجع الشغل ((هي الشركه ممتازه لكن العيب في البورصه المصريه ))
كمان معقوله مش عارف اسمي؟؟ انا اخوك الصغير وسام الدين
ده جنبي بالظبط انا عند المخل الاول امام اكاديمية السادات
و بعدين ايه بقي مالها البورصة مش فاهم .. و ازاي تسيب شركة اوراق ماليه اساسا علي فكرة انا بشتغل بقالي 3 سنين في شركة اوراق ماليه اصلا و فيها لحد دلوقتي
والله كل واحد وطريقه تفكيره
حقولك انا حسبتها ازاي
افتح الشارت بتاع الداو من اول ما بورصه امريكا اتعملت حتلاقي الأتجاه صاعد بالرغم من كل الأزمات الماليه والحروب والكلام ده
افتح بقى الشارت egx 30 حتلاقي المؤشر طالع اول كام سنه ومن ساعتها هبوط
90 % من الناس بتخسر في مصر والباقي اللي بيكسب ليه ظروف خاصه اكيد انت عارفها
دي وجهه نظر شخصيه وطبعا كل واحد ليه رزق سواء من العملاء او الموظفين وكله بياخد رزقه
ياباشا التشارت بتاع داو بقالة اكتر من قرن من الزمان
التشارت بتاعة مصر من التسعينات يعني بقالها بالكتير 20 سنة بس ،ن يعني لو بنقارن بين تشارت امريكا و مصر هاتطلع مصر ربع سيكل او عبارة عن تصحيح صغير داخل اتجاه كبير ( اكيد فاهمني )
بخصوص الناس اللي بتخسر اللي هي % 90 دي فعلا عندك حق الرقم كبير و يكاد يكون حقيقي
بس ده مش عيب البورصة ولامؤاخذه .. ده عيب اللي بيدخل يشتري من غير اي وعي خالص لمجرد انه سمع من فلان انه سمع من علان ان السهم الفلاني رايح لكذا .. طيب يا عم لو السهم ما راحش لكذا دي و نزل بيك هاتعمل ايه .. هاتفضل شايلة في ايدك و انت شايفة بينزل و لا تبيع بدري و تقبل بخسارة قليلة احسنلك
العيب في المستثمر اللي معندوش وعي اساسا مع ان الفكرة بسيطة جدا ( Stop Loss )
[glow1=#2922f0] (( رحمة الله عليك يا صبحي )) [/glow1][mtohg=#ffffff]http://bit.ly/ZXIsoG[/mtohg]
جروب الكريستاله عالفيسبوك http://on.fb.me/1jsS9Z2
ياباشا التشارت بتاع داو بقالة اكتر من قرن من الزمان التشارت بتاعة مصر من التسعينات يعني بقالها بالكتير 20 سنة بس ،ن يعني لو بنقارن بين تشارت امريكا و مصر هاتطلع مصر ربع سيكل او عبارة عن تصحيح صغير داخل اتجاه كبير ( اكيد فاهمني ) بخصوص الناس اللي بتخسر اللي هي % 90 دي فعلا عندك حق الرقم كبير و يكاد يكون حقيقي بس ده مش عيب البورصة ولامؤاخذه .. ده عيب اللي بيدخل يشتري من غير اي وعي خالص لمجرد انه سمع من فلان انه سمع ان السهم الفلاني رايح لكذا .. طيب يا عم لو السهم ما راحش بكذا و نزل بيك هاتعمل ايه .. هاتفضل شايلة في ايدك و انت شايفة بينزل و لا تبيع بدري و تقبل بخسارة قليلة احسنلك العيب في المستثمر اللي معندوش وعي اساسا مع ان الفكرة بسيطة جدا ( stop loss )
الله ينور عليك
اجي انا بقى افهم كل عميل جديد الكلام ده الاقه مش مقتنع وفاكر انه حيعمل محفظه ب 10 تلاف وييجي بعد شهر يلاقيهم مليون جنيه
ويفضل يقاوح في اسهم جولاتها خلصت من زمان ويقولي فلان قال والبرنامج العلاني قال وواحد صاحبه كهربائي سيارات قال ههههههههههه حواديت بقى
الشغلانه بالنسبالي كانت ممتازه من ناحيه المرتب والعمولات لكن بدأت احس ان الناس فلوسها بتضيع ومستقبلها بيضيع
يعني واحد واخد فلوس المدارس بتاعت ولاده وبيستثمر بيها فطبعا حييجي قبل السنه الدراسيه عايز يسحب مكسب وفلوس الدراسه يلاقي السوق فيه هبوط جامد والفلوس بقت النص
كده اولاده بدل ما يدخلو مدارس خاصه بقو داخلين مدارس حكومه
وانا بالنسبالي عادي جدا اخدت مرتبي واخدت عمولتي
الموضوع موضوع ضمير
والناس فعلا متعرفش تستثمر في البورصه
عشان مطولش عليك لأني ممكن اقعد اتكلم في الموضوع ده للصبح عايز اقولك الخلاصه ...
الشغل والفلوس ارزاق
والفرق بين التريدر واللي شغال في محل حلواني...
ان التاني بياكل جاتوه اكتر
صح يا باشا الجاتوه و الحلويات اكتر فعلا في شغلانتك دي ربنا يكرمك
بس ان كان علي الضمير
طالما نصحت العميل نصيحة لوجه الله و هو ماسمعش كلامك يبقي الغلط عليه ولا تفرق معاك خسائرة في حاجة لانه بجهلة اتسبب فيها
انا بتعامل كده
و يا عم وسام بجد ربنا يكرمك في الشغل الجديد و يباركلك فيه و يوسعلك رزقك
[glow1=#2922f0] (( رحمة الله عليك يا صبحي )) [/glow1][mtohg=#ffffff]http://bit.ly/ZXIsoG[/mtohg]
جروب الكريستاله عالفيسبوك http://on.fb.me/1jsS9Z2
صح يا باشا الجاتوه و الحلويات اكتر فعلا في شغلانتك دي ربنا يكرمك
بس ان كان علي الضمير
طالما نصحت العميل نصيحة لوجه الله و هو ماسمعش كلامك يبقي الغلط عليه ولا تفرق معاك خسائرة في حاجة لانه بجهلة اتسبب فيها
انا بتعامل كده
و يا عم وسام بجد ربنا يكرمك في الشغل الجديد و يباركلك فيه و يوسعلك رزقك
المفضلات