الموضوع: رابطة مالكي وعشاق التمبرا (الجزء الأول)

المشاركة الأصلية كتبت بواسطة caysersosaih

انا كنت شاري زي الي في النص أصلي ب 35 جنيه

صباح الفل يا باشا انهى الى فى النص بص لو لقيت صورة مرفوعة بالفعل على النتدى زى الصر الى انا حاططها كدة قف على الصورة و اهمل كوبى و بيست حتلاقى الصورة فى الرد و قولى ما هو شعورك فى الفرامل بعد تغير ماستر العجل ( لقيتة عند الكيلانى بس ب 45 جنية )

بص يا جاليليو المشكلة لما بدوس فرامل مرة واحدة جامد مش بحس بنفس الاحساس بتاع الفرامل الى انا متعود عليها من زمان جدا من غير ال abs فبحس ان العربية زى ما تكون مش بتكلبش زى العادى بس فى السرعة العالية الفرامل جيدة جدا فقولت و فتيت من دماغى ان العيب ممكن يكون من ماستر العجل الخلفى لان من الامام جيد و لما مرة كنت بغير التيل الخلفى الماستر كان ماسك شوية قافش شوية فكلمت بتاع قطع الغيار بشارع دمشق قالى لا ما تغيرش حاجة خلى الميكانيكى يغسلة ب رابسو و يركبة بس الميكانيكى ما عملش كدة خاف يفكة بس الماستر علية جلد كاوتش كدة رفع بالمفك الكاوتش و حط زيت باكم علية و قالى هو كدة تمام و الكاوتش دة زى طبقتين واحد خارجى للتراب و التانى الى جو هو المهم فلذلك انا عندى عقدة من الموضوع دة و قلت اغيرة يمكن الفرامل تبقى اجمد يعنى عايز الفرملة تبقى بالمس على دواسة الفرامل بس الميكانيكى بيقول علشان ورا ديسكات و التيل حجمة صغير فلن تكون فى قوة الفرامل الحلل المقفولة اية رايك فى الكلام دة كفتة و لا مهلبية و لا صح

المشاركة الأصلية كتبت بواسطة galilio_mad

انت بقيت وحش قوى قوى , و عمال تقول العربية العربية و هارينا صور و ردود
و مستخسر حتة ماستر من اوماترا , حيطلع بكام يعنى ؟؟؟
اكيد حيكون ارخص من الشيكولاتة المستوردة


انا كل قصدى انك تجيبه بالرقم بمعنى انه يكون اصلى من اللى بييجى فى العلبة البيضا المقلمة بازرق و مكتوب عليها
فيات/لانسيا , صعب قوى تخاطر فى الفرامل , و لانه فى العربيات اللى قلتهالك فهو افوى من الماستر الطبيعى المتعارف عليه للتمبرا , طب ايه رأيك انا اكتشفت و انا بادورلك ان الماستر بتاعى مش بتاع التمبرا و لا ال 1400 و لا ال 1600 , هل ينفع انا اخاطر و اجيب بتاع التمبرا اللى الخواجة اللى صنع العربية بيقول انهم مختلفين

ايه رأيك ؟؟؟؟؟

كلامك تمام يا جاليلو ما تروح تشتغل فى التوكيل انت أستاذ........ يا اخوانى اشهد ان كلام عمو جاليليو مظبوط 100 فى ال 100 كلمت أوماترا و أديتة رقم الشاسية و الموتور و بعدين كلمتة مرة أخرى لاعطاءة مهلة للفحص وأفاد ان الماستر دة مختلف عن الماستر الطبيعى العادى بس للأسف غير موجود عندهم أدعو الله ان يظل الماستر بخير بدل ما ادوخ علية لاقدر الله فى حالة أحتياجة و بكدة ممكن ننصب جاليليو عمدة للتمبرا و الدكتور ضياء مديرا للدعم الفنى و هشام ينفخ كاوتش التمبرا لجميع التمبراوية

المشاركة الأصلية كتبت بواسطة caysersosaih

[img]file:///c:/docume%7e1/ca/locals%7e1/temp/moz-screenshot-2.png[/img]الصورة اللي في الرد في النص
انت كاتب دي ودي ودي
دي الوسطانية يا هشام وانا كنت غيرتهم الاتنين اللي ورا عشان واحده كانت بتهرب زيت

شكرا على الايضاح يا دوك الحمد لله عندى ناشفين مفيش ترشيح زيت و قولى بعد التغير لما بتلمس بدال الفرامل بتحس بقوة الفرملة ولا لازم تكبس فرامل